ವೈರಾಗ್ಯ ಪುಟ್ಟಾವುಂಡು. ಕೆಲವೆರೆಗ್ ತಂಕ ಮೂಡಾವುಂಡು, ನೆಟ್ಟೇ ಜೀವೊನೊಡ್ ಸ್ಪೂರ್ತಿ ಪಿಂಜಾವುಂಡ್, ಇಂಚೆನೇ ನಾನಾ ರೂಪದ ಕಲೆಕ್ಷನ್ ಒಂಜಿ ಮಲ್ಸ್ ಆ ಲೋಕೊಗ್ ಸಂದಿನ ರಾಮಣ್ಣೆ ರಂಗ ಕಲೆಕ್ ಒಂಜಿ ಮಾದರಿ. ದಿ. ರಾಮ ಕಿರೋಡಿಯಾನ್ ಬರೆತಿನ 'ಪಿಟ್ಟಾಸ್ ದೂಮೆ' ನಾಟಕೊನು 'ನವಭಾರತ ರಾತ್ರಿ ಶಾಲೆ'ದ ವಾರ್ಷಿಕೋತ್ಸವೊಡು ಆರೇ ದಿಗ್ದರ್ಶನ ಮಲ್ತ್ದ್ ಗೊಬ್ಬಾದರ್, ಅಕೇರಿದಾನಿ 'ಪಿಟ್ಟಾಸ್ ಧೂಮೆ' ಪ್ರಧಾನ ಪಾತ್ರಧಾರಿ ಕಾಯಿಲೆ ಬೂರಗ, ಆರೆನ ಒತ್ತಾಯೊಡು ಯಾನೇ ಆ ಪಿಟ್ಟಾಸ್ ದೂಮನ ಪಾತ್ರ ಮತ್ತೆ ಕುಡ್ಲದ ಬಿ.ಇ.ಎಂ. ಸ್ಟೇಜ್ಡ್ ನಾಟಕ, ಆ ದೂಮೆ! ಪಿಟ್ಟಾಸ್ ಧೂಮೆ! ಆಯನ ಪಿಟ್ಟಾಸ್ ದಿಂಜಿನ ನಡವಳಿಕೆ ಊದುಬತ್ತಿನ್ ಅರ್ಧ ಪೊತ್ತಾವುನು. ಪರತ್ಕೊಡ, ಐಕ್ ನಾಲೈನ್ ತೇಪೆ ಪೊಲಿಗೆ! ಆಯನ ಒಂಜೊಂಜಿ ಪ್ರವೇಶಗ್ಲಾ ಜನಕ್ಕು ಬಂಜಾರ ತೆಲಿತೊಂದಿತ್ತೆರ್. ಕಡುಲೋಭಿ ಜನೊಕ್ಸೆನ್ ಸಮಾಜೊಗು ತೋಜಾದ್ ಅತ್ತೆ ಮೋನೆಗ್ ಕನ್ನಡಿ ಪತ್ದ್ ಅಕ್ಷೆಗೇ ತೋಜಾಯಿಲೆಕ್ಕ ಮಲ್ದೆರ್, ಪಣವು ಪಂಡ ಬಾಯಿ ಅಂಗಾದ್ ಎಂಚಿನ ಕೋಲ ಕಟ್ಟೆಗೆ ತಯಾರಿತ್ತಿನಾಯನ್ ಅಕೇರಿಗ್ ಸರಿ ತಾದಿಗ್ ಕನತ್ತ್ದ್ ಆಯನ ಪನವುದ ಆಸೆನ್ ಬುಡುಪಾದ್ ಮನಪರಿವರ್ತನೆ ಆಪಿನವು. ಪಣವು ಪಂಡ ಕಾಲಿ ಮಜ್ಜಿ ತುಂಡು ಇಂದ್, ಎನ್ದ್ ತೃಣ ಸಮಾನ ಆದ್ ದೂಮೆ ತೂಯೆ. ಮೂಲು ಏರೆನ ಮುಲಾಜಿಜ್ಞಾಂದೆ ವೈಚಾರಿಕತೆನ್ ದುಂಬು ಕಂತ್, ಸಮಾಜೊಗು ವಿಚಾರಶೀಲ ವ್ಯಕ್ತಿತೊನು ತೋಜಾದರ್. ಆರೆ ಜೀವನದ ಆದಿಡೇ ಪನವುದಂಚಿ ಮೊನೆ ತಿರ್ಗಾದ್ ತೂತುಜೆರ್! ಎದುರಾಯಿನ ಸೋಲುನು ಸವಾಲಾದ್ ದೆತ್ತೊಂದ್ ಸಾಧನೆದ ಸಾದಿಡ್ ಸಮಸ್ಯೆಲೆನ್ ನೀಗವೊಂದಿತ್ತೆರ್. ಆರ್ ದೇಕಿಡ್ ಐನ್ ಅಡಿ ಮಾತ್ರ. ಅಂಚಿ ಪೊರ್ಲುದ ರೂಪಲಾ, ಬಣ್ಣಲಾ ಆರಡ ಇತ್ತೀಜಿ. ಆಂಡಲಾ ಸಮಾಜೊಗು ಒರಿ ಆದರ್ಶ ವ್ಯಕ್ತಿ. ಆರ್ ತೀರ್ದ್ ಆ ಲೋಕ ಸೇರೆರ್, ಮೋನೆ ತೂದು ಪಾತೆರುನ ಪಾತೆರ ಅತ್ತ್. ಆರೆನ ಬಾಯಿಡ್ಸ್ ಬಸ್ಸಿನ ಪಾತೆರ ಪಾಲ್ ದೆತೊನ್ನ ಚರ್ಚೆ ಒಂಜಿ ವಿಶೇಷ ಮಾರ್ಗ ತೋಜಾವುನಂಚಿನವು. ಆರೆಗ್ ಎನ್ನಂಚಿನ ಸಾಮಾನ್ಯ ಜನೊಕ್ತನಾ ಪುಗಾರ ದಾಯೆ ಬೋಡು? ಉಡಲ್ ದಿಂಜಿದ್, ಆರನ ವಿಶ್ವರೂಪ (ವಾಮನ ರೂಪ) ಎನ್ನ ಕಣ್ಣೆದುರುಗು ಇತ್ತಿಲೆಕ್ಕ ಆರ್ ಎಂಕ್ ತೋಜೊಂದುಲ್ಲೆರ್. ವೃತ್ತಿ ಶ್ರದ್ಧೆ ಇತ್ತಿನಾಯೆ ಎಂಚಿನ ಕಷ್ಟ ಸಾಧ್ಯ ಕಾರ್ಯನ್ಲಾ ಮಲ್ಪೆ ಪನ್ನಿನಯಿಕ್ ಇಂಬೆರ್ ಸಾಕ್ಷಿ. D ಆರ್ ಬರೆತಿನ 'ರಾಣಿ ಅಬ್ಬಕ್ಕ ನೆಟ್ ಆರ್ ತುಳುತ ಸಬ್ದ ಭಂಡಾರೊಗೇ ಕೈ ಪಾಡ್ಡೆರ್. టి ವಾ ತುಳು ನಿಘಂಟ್ಡ್ಸ್ ಈ ಸಬ್ಬಲೊನ್ ಆಯ್ಕೆ ಮಲ್ಪೆರ್? ತುಳು ನಿಘಂಟು ಆಜಿ ಸಂಪುಟ 3 21
