ನರಮಾನಿ, ಅತ್ ಶಕ್ತಿ ಸಮುದ್ರೆರು ಸಮುದ್ರನೇ ಹೋಲಿಕೆ. ಆಕಾಸೊಗು ಆಕಾಸನೇ ಹೋಲಿಕೆ. ಅಂಡಾ ರಾಮಣ್ಣಗ್ ರಾಮಣ್ಣೆನೇ ಹೋಲಿಕೆ! ತುಳು ಬಾಸೆದ ಪೊರು, ಐತ ತಿನ್ನಿನ ಬೆನ್ನಾಟಿಗೆ ಆರ್ ಬರಂದಿನ ಶ್ರಮ ಒಂಜೊಂಜಿಲಾ ಎನ್ನ ಉಡಲ್ ದಿಂಜ್ ಬರುಂಡು. ಆರ್ ಕೊರೊಂದಿತ್ತಿನ ಗೌರವ, ಆರೆನ ನಯ ವಿನಯದ ಪಾತೆರ. ಆರ್ ಮಲ್ಲೊಂದು ಬೈದಿನ ಪ್ರೀತಿ ವಿಶ್ವಾಸ ನಿಜವಾದ ಎಣ್ಣೆ ಎಣ್ಣೆ ದುಃಕ್ಕ ಉರ್ಕೊಂದು ಬಪ್ಪುಂಡು ಪಂಡರ್. - ಆರೆನ ನಾಟಕೊಡು ಪ್ರಧಾನ ಪಾತ್ರ ಮಲ್ತ್ದ್ ಕುಡ್ಲಡ್ ಪುದರ್ ಮಲ್ಲಿನ ಕಲಾವಿದೆ ರೋಹಿದಾಸ್ ಕದ್ರಿನ ಪಾತೆರೊಡೆ ಪಂಡೆಂಡ ರೋಮ ರೋಮಾಂಚನ ಆಪುಂಡು. ಆ ಮಹಾ ಚೇತನ ತುಳುನಾಟಕ ರಂಗಭೂಮಿಡ್ ಬಾರೀ ಮಲ್ಲ ಪುದರ್, ಆರೆನ ತುಳುತ್ತ ಶಬ್ದಲು ನೆಲೆ ತಿಕ್ಕಂದಿ ನೀರ್ದ ಲೆಕ. ಎಂಚ ಕರಾ? ಒವುಲು ನಾಡಿಯರ್? ರಾಣಿ ಅಬ್ಬಕ್ಕ, ತುಳಸೀ ಜಲಂಧರ, ಕಾಂತಾಬಾರೆ ಬುದಾಬಾರೆ, ಕಾನೂನ ಕಣ್ ಒಂಜೊಂಜಿಲಾ ತುಳು ನಾಟಕ ಮಾಲೆಡ್ ವಜ್ರದ ಸಮಾನ. ಅವೆನ್ ಓದುದ್ ರಂಗಭೂಮಿಡ್ ಪ್ರಯೋಗ ಮಲ್ಲಿನ ಎಂಕ್ಲಗ್ ಧನ್ಯತೆ ತೋಜುಂಡು. ಆರೆನ ಟೈಲರಿಂಗ್ ಶಾಪ್ ಪಂಡ ನಾಟಕ ಜವನೆರೆಗ್ ನಾಟಕ ಚಾವಡಿ ಅತ್ಂಡ ಕಟ್ಟೆ, ಕೆಲಸ ಬುಡುದು ಬತ್ತ್ದ್ ಕುಲ್ಲೊಂದು ಇತ್ತಿನ ದೂಮಪ್ಪ ಮಾಸ್ಟರ್ ಆರನ ಗುರು ಪಂಡ್ದ್ ಅಪಗಪಗ ಪನ್ನೊಂದಿತ್ತೆರ್. ಆರ್.ಎನ್. ಮಿತ್ರಮಂಡಳಿನ್ ನಾರಾಯಣ ಶೆಟ್ಟಿನ ಒಟ್ಟಿಗೆಲಾ ಕೋಕಿಲಾ ಇನ್ನಿ ಮ್ಯೂಸಿಕ್ ಸಂಸ್ಥೆನ್ ನಾರಾಯಣ ಶೆಣೈ ಚರಣದಾಸ್ ಕೂಡೊಂದು ಮಲೆರ್, ಕಾಂತಾಬಾರೆ-ಬುಧಾ ಬಾರೆದ ಬುಧಾಬಾರೆ, ತುಳಸೀ ಜಲಂಧರದ 'ಜಲಂಧರೆ' ಬಿರ್ದ್ ಬೈರವೆರೆಡ್ ಬೈರವೆ ಇಂಚಿ ಪ್ರಧಾನ ಪಾತ್ರದ ನಟ ಶ್ರೀಮಾನ್ ರೋಹಿದಾಸ್ ಕಿದ್ರಿ, ಕಿರೋಡಿಯರನ ಆಪ್ತ ಮಿತ್ರ. ಸುರು ಸುರುಟ್ಟು ಇತ್ತ ಬೆಂಗಳೂರುಡು ಉಪ್ಪುನ ರಾಧಾಕೃಷ್ಣರಾಯ ಸಂಗೀತದ ಸಹಕಾರ ಕೊರೊಂದಿತ್ತೆರ್ ಬೊಕ್ಕ ಚರಣ್ ರಾವ್ ಬತ್ತೆರ್, ಅಕೇರಿಡ್ ಆರೆಡೊಪ್ಪ ಇತ್ತಿ ನಾರ್ ಬೊಕ್ಕೊಂಜಿ ವಸಂತ ಕದ್ರಿ, ವ್ಯವಸಾಯಗಾರ ಆಂಡಲಾ ಸಂಗೀತ ಪ್ರೇಮಿಯಾದ್ "ಸಂಗೀತ ಪರಿಕರ" ಮಲ್ಲೊಂದು ರಾಮಕಿರೋಡಿಯನರ್ಗ್ ಬೆರಿಕ್ ಬೆರಿ ಸಾಯ ಮಲ್ಲಿನಾ ವಸಂದ ಕದ್ರಿ ನಯ ವಿನಯದ ವಸಂತೆರ್ ಪನ್ಸರ್ ರಾಮ ಕಿರೋಡಿಯಾನರ್ ಒಂಜಿ ಅದ್ಭುತ ಶಕ್ತಿ. ತುಳು ಬಾಸೆ ಅರೆಲಕ ತೆರಿಯೊಂದು ಬರೆಯೊಂದ್ ಇತ್ತಿನಕ್ಲು ಇಜ್ಜೆರ್. ದುಂಬುಗ್ತಾ ಇತ್ತಜೆರ್, ನನಲಾ ಪುಟ್ಟುಜೆರ್! ಆತ ದೃಢವಿಶ್ವಾಸೊಡು ಅರೆನ ಪದಕ್ಷೆಗ್ - 15
