ಪೊಣ್ಣ ವೇಷ ಪಾಡೊಂದಿತ್ತೆರ್. ಕ್ರಮೇಣ ಈ ಜಾಗೆಡ್ ಯಶೋಧರಾ, ಸರೋಜಿನಿ ಶೆಟ್ಟಿ, ರೂಪಾ ಮೊಕ್ಕು ಮಾತೆಲ್ಲಾ ಬತ್ತೆರ್. ಈ ದೃಷ್ಟಿಡ್ ಒಂಜಿ ಕ್ರಾಂತಿಯೇ ಆಂಡ್. ಪೊಣ್ಣುಲು ಸ್ಟೇಜಿಗ್ ಬನ್ನಗ ಕೆಲವರೆ ಕುರ್ತೆಲ್ ಬಾಯಿ ಎಲು ದಾಂತಿ ನಾಲಾಯಿ ದಾದನ! ದಾದನ! ಪನ್ನಿಂಗ್ ಎನ್ಂಡ್. ಆಂಡ ಇನಿಕ್ ಮರ್ಯಾದೆ ಇತ್ತಿನ ಕ್ಷೇತ್ರ ಪಂಡ್ದ್ ಕೈಬೀಜಿದ್ ಲೆತ್ತೊಂದು ಉಲ್ಲೆರ್. ಇಂದೆತ್ತ ಕೀರ್ತಿ ಆರೆಗ್ ಪೋವೊಡು, ಅರೆವೊಟ್ಟಿಗೆ ಆರೆ ನಾಟಕೊಡು ಪಾತ್ರ ಮಲ್ಲಿನ ಯಶೋಧರ ಪಂಡೆ ಆ ಒಂಜಿ ಮಹಾ ಕಲಾವಿದೆ. ಗೌರವ ಪೂರ್ಣ ಅಶ್ರುತರ್ಪಣ ಮಲ್ಪುವೆ. ಆರೆನ ನಾಟಕೊಲೆಡ್ ಪಾತ್ರಮಲ್ಪುನ ಸೌಭಾಗ್ಯ ತಿಕ್ಕದ್ ಯಾನ್ ಧನ್ಯ ಆತೆ. ಆರ್ ಕಲಾವಿದ ಪೊಂಜೊವುಲೆಗ್ ತಂಗಡಿ, ಅಕ್ಕ, ಅಪ್ಪನ ಸ್ಥಾನ ಕೊರೊಂದಿತ್ತೆರ್ ಇಂದ್. - ಕುಡ್ಲ ಬುಡುದು ಬಂಜಿದ ಪಡಿಕ್ ಬೊಂಬೈ, ಮದ್ರಾಸ್ ಪೋಯಿನಕುಲು ಆ ಊರುದ ಬಾಸೆನ್ ಜೋಕೆಗ್ ಕಲ್ಪಾಂಡಲಾ ಅಕ್ಷೆ ಇಲ್ಲಡ್ ತುಳು ಇತ್ತ್ಂಡ್, ಉಂದು ಇತ್ತೆಲಾ ಉಂಡು, ಅಪಗಲಾ ಇತ್ತ್ಂಡ್. ಆ ತುಳುತ ಸ್ಟೈಲ್ ಒಂತೆ ಬದಲಾಪುಂಡು. ಆಂಡ ಕೇನೆರೆ ಪೊರ್ಲಾಪುಂಡು. ಅಂಚಾಂದ್ ಮಾತೆಲ್ಲಾ ತುಳು ಮರತ್ಜೆರ್ ಇಂದ್ ಅತ್ತೆ ! ಕೆಲವೆರ್ ಪೂರಾ ಮರತ್ ಜೋಗ್ತಾ ಕಲ್ಪಾದ್ಜೆ, م ಇಂಚ ರಾಮಣ್ಣೆ ಅಡ್ಕೊಂಡ ರಾಮ ಕಿರೋಡಿಯನೆ ನಂಕ್ ಮಾತೆರೆಗ್ಲಾ ಒಂಜಿ ತುಡರ್' ಆದ್ ಬದ್ಕಿಯೆರ್, ತುಡರ್ ಎಂಚ ತಾನ್ ಅರ್ಲ್ಬದ್, ತನ್ನ ಮೈ ಪೊತ್ತಾವೊಂದು ಒರ್ಮೆಲಾ ಬೊಲ್ಪು ಕೊರ್ಪ್ಪುಂಡಾ ಅಂಚೆನೇ ರಾಮಣ್ಣೆಲ್ಲಾ ನಂಕ್ ಬೊಲ್ಪು ಕೊರ್ದು ಇನಿ ನಮ ನಡುಟು ಇಜ್ಜಾಂದ ಪೋಯೆರ್. ಆರೆನ ಕಾರ್ನಿಗ ಮಾತ್ರ ಏಪಲಾ ನಮ್ಮ ಆಡು ನೆಲೆಯಾದ್ ಇಪ್ಪುಂಡು ಪತ್ನಿ ವಿಶ್ವಾಸ ಉಂಡು. ಆರ್ ಬರೆತಿನ ಒಂಜೊಂಜಿ ನಾಟಕದ ಉಲ್ಯಾಮೈ ಪೂರಾ ಅರ್ಥ ಪೂರ್ಣ, ಅರ್ಥಗರ್ಭಿತ. ಸಮಾಜೊಗು ಸಾದಿ ತೋಜಾವುನ, ತೆಲಿತ್ ಮರತ್ ಬುಡುಪಿನ ವಿಚಾರ ಅತ್ತ್. ಎಂಚ ಪುರಾಣದ ಕತೆನ್ ಏತ್ ಸರ್ತಿ ಓದುಂಡಲಾ, ತೂಂಡಲಾ ನಂಕ್ ಬೊಕ್ಕಲಾ ತೂಕ, ನನಲಾ ತೂಕ ಇನ್ನಿ ಆಸೆ, ಉದಿಪನೆ ಆಪುಂಡು. ಅವೇ ರಾಮ! ಅವೇ ಕೃಷ್ಣ ! ಅವೇ ರಕ್ಕಸೆ! ಏಪಲಾ ಪೊಸತ್ ಪೊಸತಾದ್ ನಮ್ಮೆದುರು ಬರ್ಪೆರ್, ರಾಮಣ್ಣೆರ್ ಬರೆತಿನ ನಾಟಕದ ತಿರ್ಲ್ಬಾ ಅಂಚೆನೇ. ನಮ ಏತ್ ಸರ್ತಿ ಓದುಂಡಲಾ, ನಾಟಕ ತೂಂಡಲಾ ನಮ್ಮ ಮನಸ್ಡ್ ಮಾಜಂದೆ ಇಪ್ಪುನ ಸಂಗತಿ. ಆರ್ ಏಪಲಾ ಬೊಲ್ಲು ಕುಂಟು ಮೈಕ್ ಪಾಡೊಂದಿತ್ತೆರ್. ಪೈಜಾಮಲಾ ಬೊಲ್ಲು, ಅಂಗಿಲಾ ಬೊಲ್ಲು. ಅಂಚೆನೇ ಅರೆ ಮನಸ್ಲಾ ಶುದ್ಧ, ಕಲ್ಮಶ ಇಜ್ಜಂದಿ ಮನಸ್ ಎಲ್ಯಾಯೆ, ಮಲ್ಲಾಯೆ ಇನ್ನಿನ ಭೇದ e 13
