ಸಂಸಾರ ಈ ಸಂದರ್ಭೋಡು ಎಂಕ್ ಆರೆನ ಶ್ರೀಮತಿ ಕಲ್ಯಾಣಿಯಕ್ಕನ ವಿಚಾರೊಡು ರಡ್ಡ ಪಾತೆರ ಬರೆವೊಡು ಇಂದ್ರ ಆಪುಂಡು, ಆರೆಗ್ ಗೌರವಪೂರ್ವಕ ಎನ್ನ ಸೊಲೆನ್ ಸಂದಾವೆ. ಆರ್ ಉಪ್ಪುನಗ ಯಾನ್ ಇಲ್ಲಡೆ ಪೋವೊಂದಿತ್ತೆ. ಆರ್ ಮಾತೆರೆಗ್ಲಾ ಪ್ರೀತಿದ ಕಲ್ಯಾಣಿಯಕ್ಕ. ಆರ್ ಬಡವುಡೆ ಆರೆ ನಿರೆಲ್ಲಲೆಕ ನಡತೊಂದು ಬತ್ತೆರ್. ಆರ್ ಏಳ್ ಜೋಕ್ಲಿನ್ ಪೆದ್ದದ್ ಸಾಂಕಿಯ ಪೆನ್ನಿನೆಡ್, ಎಂಕೆಂಚಿನ ಆರೆ ಅಭಿಮಾನಿಲು ಆರೆನ್ ತೂಯರ ಬನ್ನಗ ಒಂಜಿ ಚೂರುಲಾ ಬೇಜಾರ್ ಮಲ್ಲೊನಂದೆ ಕಾಫಿ, ತಿಂಡಿ ಕೊರ್ದು ಸತ್ಕಾರ ಮತ್ತೊಂದಿತ್ತೆರ್. ತೆಲ್ಡ್ ತೆಲ್ತ್ ಪಾತೆರೊಂದಿತ್ತೆರ್. ಆರ್ ಮಲ್ಲಪ್ಪೆ, ಆರೆಗ್ ಮುತೈಸಿ ಸಾವು. ಆ ಯೋಗ ಮಾತೆರೆಗ್ಲಾ ಬರಾಂದ್, ಆರ್ ಪಿರಾವುಡ್ ಇತ್ತಿನೆಡ್ ರಾಮಣ್ಣೆ ಈತ್ ಮಲ್ಲ ಸಾಧನೆ ಮಲ್ಪೆರೆ ಸಾಧ್ಯ ಆಂಡ್, ಒಂಜಿ ಗಾದೆದ ಪಾತೆರ ಉಂಡು, "ಒರಿ ಅಂಜೋವು ಸಮಾಜೊಡು ಮಲ್ಲ ಸಾಧನೆ ಮಲ್ಲೊಡಾಂಡ ಆಯನ ಪಿರಾವುಡು ಒಂಜಿ ಪೊಣ್ಣ ಸಗ್ತಿದ ಬೆಂಬಲ ಬೋಡೇ ಬೋಡುಗೆ". ಆರ್ ರಾಮಣ್ಣನ ಚೇತನ ಆದ್ ಇತ್ತೆರ್. ಏಳ್ ಜೋಕ್ಲಿನ್ ಸಾಂಕುನ ಭಾರೊನು ಆರೆ ತರೆಕ್ ಪಾಡಂದೆ ತಾನೇ ತುಂಬೊಂದಿತ್ತೆರ್. ಆರೆ ಸಂಸಾರೊಡು ಮಲ್ಲ ಮಗ ಜನಾರ್ದನ ಕಿರೋಡಿಯನ್ ಪದವಿ ಮುಗಿತ್ದ್, ಇತ್ತೆ ಪಶು ಸಂಗೋಪನಾ ಇಲಾಖೆಡ್ ಸರಕಾರಿ ನೌಕರೆ, ಗೋರಿಗುಡ್ಡೆದ ಜಯಂತಿನ ಕೈ ಪದ್ ಸುಖ ಸಂಸಾರ ಜೀವನ ಮಲ್ಲೊಂದುಲ್ಲೆ. ಸರಕಾರಿ ಕ್ವಾರ್ಟಸ್್ರಡ್ ಅಲ್ಲಿನ ವಾಸ, ನಯ, ವಿನಯ, ಪಾತೆರ ಕತೆಟ್ ಕಿರೋಡಿಯಾನ್ನ ಮಗನೇ, ಆರನ ಆಶೀರ್ವಾದೊಡು ಆಯನ ಉಸ್ತುವಾರಿಡ್ 'ಅಶೋಕ ಮ್ಯೂಸಿಕ್' ಇನ್ನಿ ಸಂಗೀತ ವಾದ್ಯದ ಒಂಜಿ ತಂಡ ಮಲ್ತ್ದ್ ಕೆಲವು ಕಾರ್ಯಕ್ರಮ ಕೊರೊಂದುಲ್ಲೆರ್, ಹಾರ್ಮೋನಿಯಂಡ್ ಮಾ ಮಲ್ಲ ಬಿರ್ಸೆ ಇನ್ನಿ ಪುದರ್ ದೆತ್ತೊಂದರ್, "ನೂಲುದ ಲೆಕ್ಕ ಸೀರೆ, ಅಪ್ಪಲೆಕ್ಕ ಮಗಲ್" ಪತ್ನಿ ಗಾದದ ಪಾತರ ಉಂಡು. ಅವೆನ್ ಯಾನ್ 'ಯಥಾ ಪಿತಾ ತಥಾ ಪುತ್ರ' ಇಂದ್ - ಒಂತೆ ಬದಲ್ ಮಲ್ಪುವೆ. ಆಯಗ್ ಬೆರಿ ಸಾಯೊಗು ಆರೆ ಮೂಜನೇ ಮಗ ನವೀನೆಲಾ ಇತ್ತೆ. ಆಯೆ ಕಾರ್ಪೊರೇಶನ್ ಬ್ಯಾಂಕ್ಡ್ ನೌಕರೆ, 15 ವರ್ಸದ ಸೇವೆ ಈತಿನೆಟ್ಟ ಮಲ್ತದೆ. ಕೋಡಿಕಲ್ ನಿರುಪಮನ್ ಮಧ್ಯೆ ಆದ್ ಬೇತೆನೇ ಸಂಸಾರ ಮಲ್ಲೊಂದುಲ್ಲೆ. ಆಯಲ ಆರೆ ಲೆಕ್ಕನೆ ಸಂಗೀತ ಪ್ರೇಮಿ.'ಅಶೋಕ ಮ್ಯೂಸಿಕ್'ಡ್ ಆಯನ ಪ್ರಧಾನ ಪಾತ್ರ ಉಂಡು. 9
