ಆರೆ ಮಿತ್ರೆ ದಿ. ಆನಂದ ರಾಯೆರ್ ಬೊಕ್ಕ ಶ್ರೀ ಬಿ. ಶಿವರಾಮ ರಾಯೆರ್ ಆರೆಗ್ ನಾಟಕ ಬರೆಯೆರೆ ಪ್ರೋತ್ಸಾಹ ಕೊರಿಯೆರ್. ಆಕಾಶವಾಣಿಡ್ ಆರ್ ಬರೆತಿನ "ಮಗೆ ಮಂಜಣೆ" ಇನ್ನಿ ನಾಟಕ ಪ್ರಚಾರ ಆತ್ಂಡ್. ಆರ್ ಬರೆದ್ ಯಾನ್ ದಿಗ್ದರ್ಶನ ಮಲ್ಲಿ ನಾಟಕ ಉಂದು. ಅಪಗದ ಅಸಿಸ್ಟೆಂಟ್ ಕಮೀಶನರ್ ಆದಿತ್ತಿನಾರ್ ನಮ್ಮ ಅಶೋಕನಗರೊಡೇ ಇತ್ತಿನ ಎಂಕೆ ಎಣ್ಣೆ ಸ್ನೇಹಿತೆ ದಿ. ಕೃಷ್ಣಪ್ಪೆರ್. ಆರೆನ ಉಸ್ತುವಾರಿಡ್ ನಮ್ಮ ಈ ತುಳು ನಾಟಕೊನು ಆಕಾಶವಾಣಿಗಾದೇ ಗೊಬ್ಬಿನಿ, ಉಂದೇ ನಾಟಕ ಶಾಲೆದ ವಾರ್ಷಿಕೋತ್ಸವೊಗ್ ಬೋಡಾದ್ ಬರೆತಿನಿ. ಆರೆನ ಪ್ರೋತ್ಸಾಹೊಡು ಈ ನಾಟಕ ಬೆಂಗಳೂರು ಆಕಾಶವಾಣಿಡ್ ಪ್ರಸಾರ ಆಂಡ್. ಅಂಚಾದ್ ಆರ್ ಆಕಾಶವಾಣಿ ಕಲಾವಿದಲಾ ತಾನೇ ಅಪ್ಪೆ ಆದ್ ಸೇವೆನ್ ಪೂರ್ಣ ಆ ಬಾಲೆಗ್ ಕೊರಿಯರ್. ಇಂಚಾದ್ ಆರನ ಗರಡಿಡ್ ಮೂಡಿನ ಕಲಾವಿದೆರೆ, ಕಲಾಸಕ್ತರೆಗ್ ಆರ್ ಸ್ಮರಣೀಯರಾಯ. ಆರ್ ಜೀವೊಡುಪ್ಪುನಗಲಾ ಇಜ್ಜಾಂದಿಪು ನಗಲಾ ಆರೆನ ಅಭಿಮಾನಿಲು ಏಪಲಾ ಗೌರವ ಕೊರೊಂದುಲ್ಲೆರೇ, ಆರೆನ ಆಶ್ರಯ ಇತ್ತೆ ಇಜ್ಜಾಂದ ಇತ್ತೆದ ಕಲಾ ಪ್ರಕಾರ ಈ ಪೀಳಿಗೆಗ್ ತಿಕ್ಕಾಂದ ಕುಂಟೊಂದುಂಡು ಇಂದ್ ಪನೊಲಿ. ಆರನ ಕಾಲದ ನಾಟಕ ಸಂಗೀತ ಪ್ರಕಾರೊಲು ಒಂಜಿ ಶಾಸ್ತ್ರೀಯ ಪ್ರಕಾರ ಇಂದ್ ತೆರಿಯೊನೊಲಿ, ನಾಟಕದಂಚಿನ ಬಹು ಜನ ಮನ್ನಣೆ ಪಡೆಪು ಮಾಧ್ಯಮೊಲು ಒರಿದ್ ಬುಳೆವೊಡಾಂಡ ಕಿರೋಡಿಯಾನ್ ನಂಚಿನಕ್ಷೆನ ನಾಟಕೊಲು ಇತಿಹಾಸ ಆದಿಪ್ಪುವ. ಆರೆನ ಐವತ್ತರಡ್ಜ್ ನಾಟಕೊಲು ಈ ಮಾಲಿಕೆಡ್ ಅಚ್ಚಾದ್, ನಾಟಕ ಗೊಬ್ಬುನಕ್ಕು ಅವನ್ ಸಂಪಾದನೆ ಮಲ್ತ್ ದೀವೊಡು, ಅವನ ಪ್ರಯೋಜನೆ ಪಡೆವೊಡು. ಈ ಕ್ಷೇತ್ರೋಡ್ ಆರೆನ ಕೀರ್ತಿ, ಅಂಚೆನೆ ಆರೆನ ಸೇವೆ, ವೈಶಿಷ್ಟ್ಯ ದಿಂಜಿದುಂಡು. ಇಂಚಿನ ಅಪೂರ್ವ ಸಾಂಸ್ಕೃತಿಕ ವಾತಾವರಣದುಲಾಯಿ ಬುಳೆದ್ ಬತ್ತಿನ ಕಿರೋಡಿಯಾನೆರ್ ಪುಟ್ಟು ಕಲಾವಿದೆ. ಆನಿಸ್ಟ್ ಆರ್ ಸಂದುನ ಮುಟ್ಟ ಸುಮಾ ಆಜಿ ದಶಕೂಲು ನಾಟಕ, ಪದ, ಸಂಗೀತ, ದಿಗ್ದರ್ಶನ, ತಬುಲ, ರಂಗ ಸಜ್ಜಿಕೆಗ್ ಮುಡಿಪಾದಿತ್ತ್ಂಡ್. ಆರೆನ ಜಾನಪದದ ಆಳ ಅಲ್ಮಗ ಅಭ್ಯಾಸೊಲೆನ್ ಪಡೆವುನೆಟ್ ನಮ ಸಫಲ ಆವೊಡು. ತುಳು ಸಾಹಿತ್ಯ ಲೋಕೊಡು ವಿಶೇಷ ಸ್ಥಾನ ತಿಕ್ಂಡ್. ತನ್ನ ನೆಲೊಟ್ಟೆ ಬದ್ಕ್ ಪುನಪಾಟದ ಬಿರ್ಸಾದಿಗೆಡ್ - ಚಿರ ಚೇತನ ಆವರೆ ಸಾರಕ ಪ್ರಯತ್ನ ಮಲ್ಲಿನಾರ್, ಕಿರೋಡಿಯಾನ್ನ ಪ್ರತಿಭೆದ ಕಮ್ಮನ ಪರದೇಶಗುಲಾ ಪರಡ್ದ್ಂಡ್. 8
