ವಿನಯದ ವ್ಯಕ್ತಿಲು ಏತ್ ಜನ ಉಲ್ಲೆರ್? ಸಿನೆಮಾ ಪ್ರಪಂಚಲಾ ಆರೆನ್ ಕೈಬೀಸ್ದ್ ಲೆತ್ಕಂಡ್, ಮಲ್ಲ ಪರದೆದ ಪಿರಾವುಡು ಇತ್ತಿನ ಬೇನೆ ಬೇಸರಿಕದ ಅನ್ನುಗಲಾ ಆರೆಗಾಂಡ್, ಆರ್ ಬರೆತಿನ 'ಸರ್ಪ ಸಂಕಲೆ' ಸರ ಬಿಡುಗಡೆ ಆಂಡ ಆರೆನ ಪುದರ್ ಸಿನೇಮಾ ಲೋಕೊಡು ಮಲ್ಲ ಪುದರಾದ್ 'ಸಿರಿವತಿಕೆ' ಬೆರಿಪತೊಂದು ಬರು ಇನ್ನಿನ ಕನೊಟ್ಟು ಯಾನಿತ್ತೆ. ಆ ಆಸೆ ಸುಳ್ಳಾಂಡ್..! ನ್ಯಾಯೊಗಾದ್ ಎನ್ನ ಬದ್ಕ್ಗ್ ಸಂಭಾಷಣೆ ಬರೆತೆ, 'ಬಿಸತ್ತಿ ಬಾಬು' 'ಬೊಳ್ಳಿದೋಟ'ಗ್ ಗೀತೆ ಬರತ. ಕೇನ್ದ್ ಬಾರಿ ಕುಸಿ ಆಂಡ್, ಇತ್ತೆಲಾ ಆರ್ ಬರೆತಿನ ಕೆಲವು ಪದೊಕ್ತು ಆಕಾಶವಾಣಿ"ಡ್ ಬರೊಂದುಲ್ಲ. ಕೇನ್ನಗ ಮೈ ರೋಮಾಂಚನ ಆಪುಂಡು. ಸಿನೇಮಾ ಲೋಕೊಡು ಕೆ.ಎನ್.ಟೈಲರ್ ಒಂಜಿ ಪುದರ್. ಕಾಸ್ ಮರಾ ಇಚ್ಚಾ? ಯಾನ್ ಪಿನಯೆ, ಅಂಚೆನೇ ಆರ್.ಕೆ. ಟೇಲರ್ ಆದ್ ಇಂಬೆರ್ ಸಿನೇಮಾದ ಪರದದ ಪಿರವುಡು ಮಿಂಚುವಂದ್ ಕನ ಕಟ್ಟಿಯೆ. ಆಂಡ ಆರ್ ಮಾತ್ರ ಆ ಮಾಯಾಲೋಕದ ಬೆರಿ ಪತ್ತೊಂದು ಪೋಯಿಜೆರ್, ಅವು ಕೃತಕ ಲೋಕ, ಕ್ಷಣಿಕ ಪನ್ನಿನ ಸತ್ಯ ಆರೆಗ್ ತೆರಿದಿತ್ತ್ಂಡ್. ಆರೆನ ಜೀವನ ಕ್ಷೇತ್ರ ವಿಶಾಲ, ಧಾರ್ಮಿಕ ಕ್ಷೇತ್ರೋಡು ಆರೆ ಮನಸ್ಸೇ ಇತ್ತ್ಂಡ್, ಶ್ರೀ ಮಹಾಗಣಪತಿ ಭಜನಾ ಮಂಡಳಿ ಅಧ್ಯಕ್ಷೆ ಬೊಕ್ಕ ಗೌರವಾಧ್ಯಕ್ಷೆರಾದ್ ಸೇವೆ ಮಲ್ಲೆರ್, ಆರನ ಸಹಾಯ ಸಹಕಾರೊಡು ಜವನ ಮಾತಾ ಸೇರ್ ಜೀರ್ಣೋದ್ದಾರ ಮಲ್ಲಿನ ಭಜನಾ ಮಂದಿರ ಇತ್ತೆ ಮಹಾಗಣಪತಿ ದೇವಸ್ಥಾನ ಆತ್ಂಡ್, ಊರೇ ಗಣೇಶನಗರ ಆಂಡ್. ಪಾಪದಲ್ಲಿನ ಮದ್ಮಗ್ ಕಲ್ಯಾಣ ಮಂಟಪಲಾ ಕಟ್ಟೋದ್ ಸಮಾಜಸೇವೆ ಮಲ್ಲೆ ಕರಿನ ವರ್ಸ ಭಜನಾ ಮಂದಿರೊಡು ಚೌತಿ ಪರ್ಬೊಗು ಬತ್ತಿನ ಯಾನ್ ಆರೆನ್ ಎನ್ನ ರಥೋಟು (ಸ್ಕೂಟರ್) ಕುಲ್ಲಾದ್ ಆರೆ ಇಲ್ಲಡೆ ಮುಟ್ಟ ಬುಡಿಯೆ. ಎನ್ನ ರಥೋಟ್ಟು ಕರಿ ವರ್ಸ ಕುಲ್ಲಿನಾರ್ ಈ ವರ್ಸ ಬನ್ನಗ ಆರ್ದಾಂತನೇ ಪೋಯರ್, ವಿಧಿ ನಿಯಮ ಆರೆನ 75 ವರ್ಸೊಡು ಪಂಡ ಸೆಪ್ಟೆಂಬರ್ 5, 1997ನೇ ಸುಕ್ರವಾರ ದಿನ ಆ ಲೋಕ ಸೇರಿಯರ್, ಆರನ್ 'ಮಾಸ್ಟ್' 'ಮಾಸ್ಟ್' ಇಂದ್ ಪನ್ನೊಂದಿತ್ತಿಲೆಕ್ಕಾ ಡಾ. ರಾಧಾಕೃಷ್ಣರೆನ ಶಿಕ್ಷಕ ದಿನತಾನಿಯೇ ಮುಕ್ತಿ ಪಡೆಪಿನ ಕಾಕತಾಳೀಯ ಅತ್ತೇ? ಆ ಸಾಮಾಜಿಕ ಕಾರ್ಯಕರ್ತೆಲಾ ಆದಿತ್ತೆರ್. ಕರ್ನಾಟಕ ನಾಟಕ ಸಭಾ ಬೋಳೂರು, ಹಳೇ ವಿದ್ಯಾರ್ಥಿ ಸಂಘ ಅಶೋಕನಗರ, 'ಕೋಕಿಲಾ' ಮಂಗಳೂರು, ಗ್ರಾಮ ಸೇವಾ ಸಂಘ ಬೋಳೂರು. ಆರ್.ಎನ್. ಮಿತ್ರ ಮಂಡಳಿ, ಮಂಗಳೂರು ಈ ಮಾತಾ ಸಂಘ ಸಂಸ್ಥೆಲೆಡ್ 6
