3 ತಿಕ್ಕ ಬೂರ್ನು, ತಮಾಸೆ, ತಮಾಸದ ಜತೆಟ್ಸ್ ಪ್ರಾಯದನ್ನು ರಾತ್ರಿ ಸಾಲೆಗ್ ಪೋದು 'ಬರಾವು' ಕಲೊಡು ಇನ್ನಿನ ಗೇನ ಕೊರ್ಪಿನ ಕತೆ, ಸಾಲೆಗ್ ಬೈದಿನ ಪ್ರಾಯದಕ್ಕು, ಅಕ್ಷೆ ದಿನ ನಿತ್ಯದ ವ್ಯವಹಾರೊಡು ನಡಪುಂಚಿನ ಕೋರಿದ ಕಟ್ಟ, ಲಡಾಯಿ ಪೆಟ್ಸ್, ಮಾತಲಾ ಸಾಲೆದ ಬೆಂಚಿಡ್ ಕುಲ್ಲು ಪಾತರಗ 'ಮಾಸ್ಟ್' ಬತ್ತ್ದ್ ಅಕ್ಸೆಗ್ ಸರಿ ತಪ್ಪು ಪಂಡ್ದ್ ಬರಾವು ಕಲ್ಲಾನ ಕತೆ. ಎಂಕ್ ಆಚ್ಚಿರ ಆಪುಂಡು! ಆರ್ ನಲ್ಪತೈನ್ ವರ್ಸೊಡ್ಡು ದುಂಬೇ ಪ್ರಾಯದಕ್ಕೆ ಬರಾವು ಕಲ್ಲೊಡು ಪಂಡ್ದ್ ರಾತ್ರಿ ಸಾಲೆದ ಕಲ್ಪನೆ ಮತ್ತೊಂದಿತ್ತೆರ್, 55ನೇ ಇಸವಿಡ್ ಯಾನ್ಹಾ ಒಂಜಿ 'ಧರ್ಮಾರ್ಥ ರಾತ್ರಿ ಶಾಲೆ' ನಡಪಾವೊಂದು ಇತ್ತೆ. ಸ್ನೇಹಿತೆ ಶ್ರೀ ನಾರಾಯಣ ಗಟ್ಟಿ ಅಪಗ ಅಶೋಕನಗರ ಶಾಲೆದ ಎದುರುಡು ಜೀನಸ್ ಬೇರ ಮಲ್ಲೊಂದಿತ್ತೆರ್. ಅರೆನ 'ಗ್ಯಾಸ್ಲೈಟ್'ಡ್ ಶಾಲೆದ ಮುಖ್ಯೋಪಾಧ್ಯಾಯ ಶ್ರೀ ಬಿ. ಶಿವರಾಮರಾಯರ ಅನುಮತಿ ಪಡೆದ್ ಅಲ್ಲ ಶಾಲೆಡ್- ರಾತ್ರಿ ಶಾಲೆ ನಡಪಾವೊಂದಿತ್ತೆ. ಆ ರಾತ್ರಿ ಶಾಲೆದ ಸಹಾಯಾರ್ಥ ಪ್ರದರ್ಶನೊಗು ಈ ಪಿರಯೊಡ್ತಾ ಬರವಾ? ಇನ್ನಿನ ಆರೆನ ನಾಟಕ ದಿಗ್ದರ್ಶನೊಡೇ ರಾತ್ರಿ ಶಾಲೆದ ಜವನೈರ್ ಗೊಬ್ಬಿಯರ್. ಶಾಲೆದ ಜೊಕ್ಲಡ್ ದೆಂಗಿನ ಪ್ರತಿಭೆದ ಬಿಂಬೊಲೆನ್ ತಿದ್ದ್ ಆಸಕ್ತಿಡ್ ಅಲ್ಲಿನ ಪೂರ್ವೋತ್ತರ ನಡವಳಿಕೆಗ್ ಶಿಕ್ಷಣ ಕೊರೊಂದಿತ್ತೆರ್. ಆರೆನ ಕಟ್ಟಾ ಅಭಿಮಾನಿ ಎನ್ನ ಪರಮ ಮಿತ್ರೆ (ಇತ್ತ ದುಬ್ಯಾಡ್ ಉಲ್ಲೆರ್) ಶ್ರೀ ಯಂ.ಕ. ಗಂಗಾಧರ್ ಬೊಕ್ಕ ಯಾನ್ಲಾ ಸೇರ್ದ್ ಆರ ನಾಟಕ ಅಚ್ಚಿ ಮನಿ! ಜ್ಯೂಲಿಯೆಟ್ ಪ್ರಿಂಟಿಂಗ್ ಪ್ರೆಸ್ಸಿದ 'ಪತ್ರಾವ್' ಸಹೋದರರ್ ಎಂಕ್ಲಗ್ ಬೆರಿಸಾಯ ಕೊರೆ, ಬೊಕ್ಕ 'ಕಾಂಪರನ ಕಟಿಪಿಟಿಲಾ ಅಚ್ಚಿ ಮಲ್ಪಾಯ, ಆ ರಡ್ ನಾಟಕ ಅಚ್ಚಿ ಮಲ್ತ್ದ್ ಕೈ ಪೊತ್ತಾವೊಂಡ. ಅವು ಬೊಕ್ಕೊದ ಸಂಗತಿ. ಅವೆನ್ ಬುಡುಗಡೆ ಮಲ್ಪುನ ಸಮಾರಂಭೂಡು ಆರೆನ ಮಲ್ಲ ಮಲ್ಲ ಅಭಿಮಾನಿಲು ಬತ್ತ್ದ್ ಆರೆಗ್ಲಾ ಎಂಕೆಗ್ಲಾ ಅಭಿನಂದನೆ ಮಲ್ತ್ದ್ ಆರೆಗ್ ಬೆರಿ ಸಾಯದ ಪಾತೆರ ಕೊರ್ಯೆರ್. ವಾರ್ಷಿಕೋತ್ಸವ, ಜಾತ್ರೆ, ಅಂಕಾಯನ ಪಂಡ್ದ್ ಬೂಕು ಕಟ್ಸ್ ತುಂಬೊಂದು ಮಾರಿಯೆರ ಪೋದು ಅವು ಸರಿಯಾದ್ ಮಾರಾಟ ಆವಂದೆ ಕುಡ ಅಚ್ಚಿದ ಇಲ್ಲಡೆ ಪೋಪಿನ ಆಸೆನೇ ಬುಡಿಯ. ಆಂಡ ಕೆಲವು ವರ್ಸೊಡ್ಡು ಬೊಕ್ಕ ಆರೆನ 'ಸರ್ಪ ಸಂಕಲೆ' ನಾಟಕ ಅಚ್ಚಿ ಆಂಡ್ ಇಂದ್ ಕೇನಿಯೆ, ಐನ ಪ್ರತಿ ಒಂಜೆ ಆರೆನ ಜೋಸ್ತಿ ಶ್ರೀ ನಾರಾಯಣ್ ಶೆಣೈ ಎಂಕ್ ಕೊರಿಯೆರ್. 3 ಆ ಸಾಲೆ, ಕಾಲೇಜಿಡ್ ಡಿಗ್ರಿ ದೆತೊನಂದ ಪಾಠ ಕಲ್ಪಾದಿಜ್ಜಂಡಲಾ ಆರೆ ಸ್ನೇಹಿತೆ ಆರೆನ್ 'ಮಾಸ್ಟ್' ಇಂದ್ದ್ ಪ್ರೀತಿಡ್ ಲೆತ್ತೊಂದಿತ್ತೆರ್, ಶಿಕ್ಷಣದ ಕೊರತೆಡ್ಸ್ ಮೌಡ್ಯೂಲು ಆರೆನ ಬೆರಿ ಪತ್ತಿಜಿ. ಶಿಕ್ಷಣದ ಕೈತ್ತಲ್ ದುಂಬು ಪೋವಂದನೆ ಅವ್ವ ಆರೆನ ಕೈತಡೆ ಬತ್ತ್ಂಡ್. 4
