ಬೊಕ್ಕ ಆರೆ ಶ್ರೀಮತಿ ಕಮಲಕ್ಕೆ ಇರ್ವೆಲ್ಲಾ ಎನನ್ ಮೋಕೆಡ್ ತೂತಿನಕ್ತು. ಎಂಕ್ ಒಂಜಿ ತುಂಡು ಜಾಗೆ ಕೊರ್ದು ಯಾನ್ನಾ 'ಭೂಮಿ' ಇತ್ತಿನಾಯೆ ಪಾಯಿನಕ್ತು. ಇತ್ತೆಲಾ ಅಕ್ಕೆ ಜೋಕ್ಲು ಎನಡ ಎಡ್ಡ ಮೋಕೆಡ್ ಉಲ್ಲೆರ್. ه 3 ಆರ್ ಬರೆತಿನ ಒಂಜೊಂಜಿ ನಾಟಕಲಾ ಮನಸ್ಸಡ್ ಚಿಂತನೆ ಮಲ್ಪುನ ವಿಚಾರೊಲು ದಿಂಜಿದ್ ಇತ್ತಿನವು. ಆರ್ ತುಳು ಸಮಾಜೊಗ್ ಕಣ್ಣಿಲೆಕ್ಕ ಬದ್ಕ್ ಇತ್ತೆರ್. ಆರೆನ ನಾಟಕೊಡು ಮಾತೆರೆಗ್ಲಾ ಆಪಿನ ಸರ್ವಕಾಲೀನ ಸತ್ಯ ಇತ್ತ್ಂಡ್, ಅಮ್ಮೆ ಮಗೆ ಎಂಚ ಉಪೊಡು? ಕಂಡನಿ ಬೊಡೆದಿನ ಧರ್ಮ ಎಂಚಿನವು? ಮಾಮಿ ಮರ್ಮಲ್, ತಗತಂಗಡಿ, ಜೋಕು ಬಾಲೆಲ್ ಈ ಸಮಾಜೊಡು ಎಂಚ ಬದುಕೊಡು? ವಾ ಸಾದಿಡ್ ಪೋವೊಡು ಇನ್ನಿನಾ ನ್ಯಾಯ, ನೀತಿ, ಧರ್ಮ ದಿಂಜ್ದಿತ್ತಿನ ಅರ್ಥ ತಿರ್ ಇತ್ತಿನ ಕತೆ ಕಟ್ಟೋ ಸಮಾಜೊಗು ಪಾಟೊ ಕೊರೊಂದು ಇತ್ತೆರ್. ಏತೋ ನಾಟಕೊಲು ಹಾಸ್ಯ ಪ್ರಧಾನಲಾ ಆದ್ ಇತ್ತ್ಂಡ್, ಆಂಡ ಅವೆಟ್ ಒಂತೆಲಾ 'ಅಶ್ಲೀಲ' ಇತ್ತೀಜಿ, ಹಾಳ್ ನೆರಡೆದ ಪಾತೆರ ಇತ್ತೀಜಿ, ಒಂಜಿ ಇಲ್ಲದ ಇಡೀ ಸಂಸಾರ ಕುಲ್ಲುದು ತೂಪಿಲೆಕ್ಕ, ಕೇನುಲೆಕ್ಕ ಇತ್ತ್ಂಡ್. ತೆರಿಯಾಂದಿ ನರಮಾನಿಗ್ ತೆರಿಪಾಯರ, ಸಮಾಜದ ಅಂಕು ಡೊಂಕುಲೆನ್, ಕುಂದು ಕೊರತೆಲೆಗ್ ಮಾತ್ರ ಬೊಲ್ಪು ತೋಜಾಯೆರ್. ತಲ್ವ ತಾನ್ ಸಂತೋಸ ಪಡೆಯಿಲೆಕೊ ತನ್ನ ಜತೆಟ್ ಇತ್ತಿನಕ್ಸೆನ್ ತೆಲಿಪಾದ್ ಸಂತೋಸ ಕೊರಿಯೆರ್, ಕಲಾವಿದರೆನ ಒಟ್ಟಿಗೆ ಬೆರೆದ್ ಅಲ್ಲಿನ ಸಮಸ್ಯೆಲೆಗ್ ಪಂದೊಂದು ಅಕ್ಸೆಗ್ ತೆರಿವು ಮೂಡಾವೊಂದಿತ್ತೆರ್. ನಮ ಮಹಾಭಾರತ ಓದುದ. ಆ ಕತತ ಅರ್ಜುನಗ್ ಅಪಗಪಗ ಮೌಡ್ಯ ಬರೊಂದಿತ್ತ್ಂಡ್, ಕುರುಕ್ಷೇತ್ರ ಯುದ್ಧದ ಸಮಯೊಡ್ತಾ ಅವೇ 'ಮೌಡ್ಯ' ಬನ್ನಗ ಗೀತೋಪದೇಸ ಇನ್ನಿನ ಮಹಾ ಸತ್ಯದರ್ಶನ ಶ್ರೀ ಕೃಷ್ಣ ಮಲೆರ್ಗೆ ಅವು ಪುರಾಣೂಡು ಆದಿಪ್ಪು! ಆಂಡ ಆರ್ ಆರೆನ ತುಳು ಕನ್ನಡ ಬಾಸೆಲೆಡ್ ಇತ್ತೆದ ಜನೊಕ್ಲಗೆ ಹಿತೋಪದೇಶ ಮಲ್ತ್ದ್ ಮಾತ್ರ ಸತ್ಯ. ಅಯಿಕ್ ಸಾಕ್ಷಿ ಎಂಕೆ ಲೆಕ್ಕಂಚಿನ ಸಾಮಾನ್ಯ ಜನೊಕ್ಲಗ್, ಆ ಹಿತೋಪದೇಶ ಮಲ್ದಿನಿ ಮಾತ್ರ ಅತ್, ಅವೇ ಸತ್ಯಧರ್ಮ, ನೀತಿಡ್ ನಡಪೆರೆ ಆರ್ ಕೊರಿನ ಸಂದೇಶ ಗೀತೋಪದೇಶದ ಲೆಕ್ಕ ಶಾಶ್ವತ, ನನದ ಜವನೆರೆಗ್ ಆರ್ ಬರೆತಿನ ನಾಟಕದ ಒಂಜೊಂಜಿ ಸಾಲ್ನ್ ನೆನೆತೊಂದು ಬತ್ತೆರ್ ಅಕ್ಷೆ ಮನಸ್ಸಿಡ್ 'ಸರಿ' ಆದ್ ಉದಿಪನೆ ಆವಂದೆ ಕುಲ್ಲಂದ್ ಆರ್ ಬರೆತಿನ 'ಬೂಲ್ಯದ ಬಪ್ಪಂಗಾಯಿ' (ಈ ಪಿರಯೊಡ್ತಾ ಬರವಾ!) ಅವು ಆರೆನ ಸುರುತ್ತ ನಾಟಕ, ಒರಿ ಬುದ್ಧಿಮಾಂದ್ಯ ಆಣ್ ರಾತ್ರೆ ಸಾಲೆಡ್ ಬರವು ಸರವು ಕಲ್ಪೆರೆ ಬತ್ತ್ದ್, ಮರ್ ಮರ್ ಪಾತೆರುನಿ, ಆ ಮ ಪಾತೆರೊಡು 'ಬಪ್ಪಂಗಾಯಿ' ಕಂಡ್ದ್ ಬೈದಿನ ಜವನೆರ್ 3
