ಒವ್ವಾಂಡಲಾ ಒಂಜಿ ಮರ್ಗಿಲ್ಡ್ ತುಳುಬಾಸೆ ಸಂಸ್ಕೃತಿ, ತುಳು ಸಂಪೊತ್ತುದ ಬುಳೆಚಿಲ್ಗಾದ್ ಅಕುಲೆ ಸೇವೆ ಸಂದ್ದಿತ್ತಂಡ ಅಂಚಿನ ಪುಣ್ಯಾತ್ಮರನ ಬದ್, ಸಾಧನೆಲೆನ್ ನೆಂಪುಡು ಒರಿತೊನುನವು ನಮ್ಮ ಧರ್ಮೊ. ಈ ನಿಲೆಟ್ ಕರಿದ್ ಪೋಯಿನಕುಲೆನ ಪುದರ್ಡ್ ಅಕಾಡೆಮಿ ಬೂಕುಲೆನ್ ಬರೆಪಾದ್ ಮದಪ್ಪೆರಾವಂದಿ ತುಳುವೆರ್ ಪನ್ನಿ ಗ್ರಂತ ಮಾಲೆಡ್ ಬೊಳುಗು ಕನವೊಂದುಂಡು. 3 'ಪತ್ತೂರು ಕೊಂಡಲಾ ಪುತ್ತೂರು ಬುಡಯೆ' ಇಂಚ ಕೊಡಗ ರಾಜೆ ಬ್ರಿಟಿಷೆರ್ ಪುತ್ತೂರುನು ಎಂಕೆಗ್ ಕೊರೊಡುಂದು ಕೇನ್ನಗ ಅಕುಲೆಗ್ ಜವಾಬು ಕೊರುದಿತ್ತೆಗೆ, ಪುತ್ತೂರುನು ಮಾತ್ರ ಅತ್ತೆ ಇಡೀ ತುಳುನಾಡ್ನ್ ಸಂಪೊತ್ತು ದಿಂಜದ್ ಬೆಳಗುಲೆಕ ಮಲ್ಲಿನಾ ಪುತ್ತೂರುಡೇ ಪುಟ್ಟು ಬಳತಿನ ಮೊಳಹಳ್ಳಿ ಶಿವರಾಯ. ಬಾರತೊಡ್ತಾ ಸರಕಾರ ಸಹಕಾರಿ ಕಾಯಿದೆನ್ ಜಾರಿಗ್ ಕನತ್ಂಡ್. ನೆನ್ಸ್ ಮಾತ್ರ ತೆರಿನ ಶಿವರಾಯರ್ ಕೂಡ್ಲೆ ಪುತ್ತೂರುಡ್ಡಾ ಸಹಕಾರಿ ಸಂಗೊಲೆನ್ ಉಟರ್ನೆ ಮಲ್ಲೆರ್. ಅವು ಬೊಕ್ಕ ಇಡೀ ತುಳುನಾಡ್ಗ್ ಪಸರ್ಂಡ್. ಇತ್ತೆ ಕರ್ನಾಟಕ ರಾಜ್ಯೋಡು ಮಾತ್ರ ಅತ್ತ್ ಇಡೀ ದೇನೊಡೇ ಸಹಕಾರಿ ರಂಗೊದ ಕೊಡಿಟ್ ಉಡುಪಿ ದಕ್ಷಿಣ ಕನ್ನಡ ಜಿಲ್ಲೆದ ಸಹಕಾರಿ ಸಂಗೊಲುಲ್ಲ. ಅಂಚ ಮೊಳಹಳ್ಳಿ ಶಿವರಾಯೆರ್ ತುಳುನಾಡ್ ರಾಬರ್ಟ್ ಓವನ್ ಆಯೆರ್. ಈ ಬೂಕುನು ಬಾರಿ ಪೊರ್ಲು ಪೊಲಿಗೆಡ್ ಬರೆದ್ ಕೊರಿನಾರ್ ಹಳೆಯಂಗಡಿದ ಶಕುಂತಳಾ ಭಟ್, ಮೇರ್ ತುಳು ಕನ್ನಡೊದ ಹಿರಿಯ ಲೇಖಕಿ, ಪಣಿಯಾಡಿ ಪ್ರಶಸ್ತಿ, 'ರತ್ನವರ್ಮ ಹೆಗ್ಡೆ ಪ್ರಶಸ್ತಿ, ರಾಣಿ ಅಬ್ಬಕ್ಕ ಪ್ರಶಸ್ತಿ ಮೆರೆನ ಸಾಹಿತ್ಯ ಸೇವೆಗಾದ್ ಸಂದ್ಂಡ್. ಮೇರೆನ ಗ್ರಂತೊ 'ತುಳು ಜಾನಪದ ಸಂಸ್ಕೃತಿಡ್ ಪುರು ಬಾಲೆ' ಮಾತೆರ್ಲಾ ಓದೊಡಾಯಿನ ಒಂಜಿ ಗ್ರಂತೆ. ಇಂಚ ಕಾದಂಬರಿಗಾರ್ತಿಯಾದ್, ನಾಟಕಗಾರ್ತಿ ಯಾದ್, ಸಂಶೋಧಕಿಯಾದ್ ಬೇಲೆ ಬೆಂದಿನಾ. ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾ (ಗುರ್ಕಾರೆ ಪಾತೆರೊದ ತಿರ್ಲ್)
