ಶಿವರಾಯೆರನ ಬಗೆಟ್ ಗಣ್ಯ ಮಾನ್ಯರೆನ ಅಭಿಪ್ರಾಯ ಲೇ.: ಡಾ. ಗಣನಾಥ ಎಕ್ಕಾರು " ಪುದರ್ ಪಡೆಯಿನ ಸಾಹಿತಿ ವಿ. ಸೀತಾರಾಮಯ್ಯ ಬೆಳ್ಳಾರೆಡ್ ನಡತಿನ ಒಂಜಿ ಶಿಬಿರೊಡು ಪಾಲ್ ಪಡೆಯರೆಗಂದ್ ಬಸ್ದಿತ್ತೆರ್. ಆರ್ ಪುತ್ತೂರುಡು ಶಿವರಾಯರನ ಇಲ್ಲಾಲ್ ಉಂತುದಿತ್ತೆರ್. ಆರ್ ಮಹನೀಯರು (1970) ಪತ್ನಿ ತನ್ನ ಬೂಕುಡು ಮೊಳಹಳ್ಳಿದಾರೆನ್ ದಿಂಜ ಪುಗರ್ ಬರೆತೆರ್. ಆರೆನ ಒಟ್ಟು ಅಭಿಪ್ರಾಯ ಪಂಡ ಮಲ್ಲ ಮಲ್ಲ ನರಮಾನಿಯೆರ್ ಒಂಜೊಂಜಿ ಜಾಗೆಡ್ ಒಂಜೊಂಜಿ ಸಾಧನೆ ಮಲ್ ತೋಜವೆರ್, ಮತ್ತ ಸ್ಥಾನಮಾನ ಪಡೆವೊನ್ವೆರ್, ಅಂಚಿನಕುಲೆ ಪುದ ಒರಿದ್ ಬಪ್ಪುಂಡು. ಇಂಚಿನ ಮಲ್ಲ ನರಮಾನೆರೆಡ್ ಮೊಳಹಳ್ಳಿ ಶಿವರಾಯರ್ ಒರಿ ಪನನ್ ದಾಲ ಸಂಶಯನೇ ಇಜ್ಜಿ ಶಿವರಾಯ ತನ್ನ ಪಾಸ್ನ್ (ಹಾಸಿಗೆ) ಕಡೆಮುಟ್ಟ ತಾನೇ ಪಾಡೊಂಡೆರ್, ಬುದ್ಧಿವಂತರೆನ ಆಲೋಚನೆ, ಬೆರಿಸಾಯೆ ದಾಂತೆ ಲೋಕ ಕ್ಷೇಮ ಆಪುಜಿ, ಲೋಕ ಕ್ಷೇಮ ಆವೊಡೂಂದಾಂಡ ಲೋಕ ಸಂಗ್ರಹ ಆವೊಡು. ತನ್ನ ಸಾಧನೆದ ಬಲೊಟು ಲೋಕ ಕ್ಷೇಮ ಆಂಡ ಮಾತ್ರ ಮುಕ್ತಿ ತಿಕ್ಕುಂಡು. ಇಂಚ ಲೋಕ ಸಂಗ್ರಹ ಕಾರ್ಯದ ಪ್ರತಿನಿಧಿಯಾದ ಮೊಳಹಳ್ಳಿ ಶಿವರಾಯೆರ್ ಬದೈರ್, ತನ್ನ ಬದ್ನ್ ಸಾರ್ತಕ ಮತ್ತೊಂಡೆರ್'". ಕರ್ನಾಟಕ ಮಾಜಿ ಮುಖ್ಯಮಂತ್ರಿ ಎಸ್. ನಿಜಲಿಂಗಪ್ಪೆರ್ “ಆರೆನ್ ಮಾತೆರ್ಲಾ ಪ್ರೀತಿ, ಅಭಿಮಾನ, ಗೌರವ, ಮಾನಾದಿಗೆಡ್ ತೂವೊಂದಿತ್ತೆರ್. ಸಹಕಾರೊದ ಕಳಟ್ಸ್ ಆರೇ ಸುರೂತಾರ್. ಆರ್ ಮಾತೆರೆಗ್ಲಾಸಾದಿ ತೋಜಯಿನಾರ್, ಸಹಕಾರಿದ ಕಳಟ್ ಮಾತ್ರ ಆತ್ ಜೋಕ್ಸ್ನ ಶಿಕ್ಷಣ, ಗ್ರಾಮಾಡಳಿತೆ, ಗ್ರಾಮೋದ್ಧಾರ, ಗ್ರಾಮೊದ ಸಂಪತ್ ಎಚ್ಚವುನ ಬಗೆಟ್ ದೆತೊನೊಡಾಯಿನ ಕೆಲಸೊಲು, ಅಸ್ಪೃಶ್ಯತಾ ನಿವಾರಣೆ, ಪಂಚಾಯತ್ದ ಕೆಲಸ ಕಾರ್ಯೊಲು ಇಂಚಿನ ಮಾತ ರಚನಾತ್ಮಕ ಕೆಲಸೊಲೆನ್ ಬಾಯಿ ಪಾತೆರೊಡು ಪಂಡಿನೆ ಮಾತ್ರ ಅತ್ತೆ ಮತ್ತೆ ತೋಜಯಿನಾರ್ ಶಿವರಾಯೆರ್, ದಕ್ಷಿಣ ಕನ್ನಡ ಜಿಲ್ಲೆಡ್ ಮಾತ್ರ ಅತ್ತ ಕರ್ನಾಟಕೊಡೇ ಆ ಪುದರ್ ಪಡೆಯಿನಾರ್”. ಮಾಜಿ ಮುಖ್ಯಮಂತ್ರಿ ಗುಂಡೂರಾಯರ್ ಶಿವರಾಯೆರೆನ ಸಾಧನೆದ ಫಲವಾದ್ ದಕ್ಷಿಣ ಕನ್ನಡ ಜಿಲ್ಲೆಡ್ ಸಹಕಾರದ ಬುಳೆಜಿಲ್ ಆಂಡ್ ಮಾತ್ರ ಅತ್ತ ಅವು ಕರ್ನಾಟಕಗಿಡಿ ಪಸರ್ಂಡ್. ಅಂಚಾದ್ ಕರ್ನಾಟಕೂಡ ಸಹಕಾರೊದ ಬುಳೆಚಿಲ್ಗ್ ಶಿವರಾಯರೇ ಕಾರಣಕರ್ತ್ರಂದ್ ಪನೆ.” ಮೈಸೂರುದ ದಿವಾನರಾದಿತ್ತಿನ ಮಿರ್ಜಾ ಇಸ್ಮಾಯಿಲ್ ಮೇರ್ “ಶಿವರಾಯರೆನ್ ಮೊಳಹಳ್ಳಿ ಶಿವರಾಯೆರ್ / 33
