ಊರ್ಕೋಲಾದ್ ಉಂತಿನೈಟ್' ಆಯಾ ಸಂಘ-ಸಂಸ್ಥೆಲು ಪುದರ್ ಪಡೆಪಿಲೆಕಾಂಡ್. ಈ ಸಂಸ್ಥಲೆಗ್ ಕಾಸ್ದ ಸಾಯ ಕೊಗ್ರೆಗಾದ್ರ ದ.ಕ. ಸೆಂಟ್ರಲ್ ಕೋಪರೇಟಿವ್ ಬ್ಯಾಂಕ್ನ್ 1914ಡ್ ಪುತ್ತೂರ್ ಸ್ತಾಪನೆ ಮಲ್ಸ್ದ್ ಬೊಕ್ಕ ಅವೆನ್ ಕುಡ್ಲ ವರ್ಗಾವಣೆ ಮಲ್ಲೆರ್. ಸಹಕಾರ ತತ್ವಲೆಡ್ ಜಿಂಜ ನಂಬೊಳಿಕೆ ಇತ್ತಿನ ಶಿವರಾಯರೆಗ್ ಒಗ್ಗಟ್ನ್ ಬಲವಾದ್ ನಂಬ್ದಿತ್ತೆರ್. ಬೆನ್ನಿದಾಕ್ಲನ ತಾರೆ-ಬಜೈ-ಬಾರೆ-ಕಂಡ ಇಂಚಿತ್ತಿನ ಬುಲೆಚ್ಚಿಲ್ ಎಡ್ಡೆ ಬಿಲೆಕ್ ಮಾಗಾದ್ರ ದ.ಕ. ಕೃಷಿಕರ ಸರಕಾರಿ ಸಂಘನ್ ಸ್ತಾಪನೆ ಮಲ್ಲೆ. ತಿಗತ ಕೃಷಿಕಾದ ಜೇನು ಕೃಷಿಕರ ಸಹಕಾರಿ ಸಂಘನ್ ಸ್ಥಾಪನೆ ಮಲ್ಲೆರ್. 1990ರ್ ಉದಿಪಿನಾಕಿನ ಸಹಕಾರ ಚಳವಳಿ ದಿನಡ್ಸ್ ದಿನ ಬೊಲ್ಬುಗ್ ಬಗ್ ಮೊಳಹಳ್ಳಿ ಶಿವರಾಯರ ಯೋಚನೆ ಯೋಜನೆದ ಕೆಲಸನೇ ಮುಖ್ಯ ಕಾರನ. ರಡ್ಡನೇ ಮಹಾಯುದ್ಧದ ಕಾಲಡ್ ಆಹಾರ-ಧಾನ್ಯಲೆಗ್ ಬೆನ್ನಿದಾಕೈಡ ಕಡ್ಡಾಯಡ್ ವಸೂಲಿ ಮಲ್ಲರೆಗ್ ಸರಕಾರ ಕಾನೂನುನ್ ಜ್ಯಾರಿಗೆ ಕನನಗ (ಉಂದು ಲೆವಿ) ಬೆನ್ನಿದಾಕೈಗ್ ತೊಂದರೆಗಾವರೆಗ್ ಬಲ್ಲಿಂದ್ ಸರಕಾರದ ಏಜೆನ್ಸಿನ್ ಸಹಕಾರಿ ಸಂಘದ ಮೂಲಕಡ್ ವ್ಯವಹಾರ ಮಲ್ಪುನಂಚಿನ ಕಾರ್ಯಗಾದ ಇತ್ತೆದ ದ.ಕ. ಸೆಂಟ್ರಲ್ ಸೊಸೈಟಿನ್ ಸ್ಥಾಪನೆ ಮಲ್ಲೆರ್. ಮದ್ರಾಸ್ ಸರಕಾರ ಶಿವರಾಯರ ಬಿಲ್ಲಾತಿಕನ್, ಕರ್ತವ್ಯ ನಿಷ್ಠೆನ್, ಪ್ರಾಮಾಣಿಕತೆನ್ ತೆರಿದ್ ಐತ ಮಾತಾ ರಕೋಲೆನ್ ತೂವರೆಗೆ ಆರೆಗ್ ಅಧಿಕಾರ ಕೊರುಂಡು, ಗ್ರಾಮಾಂತರ ಪ್ರದೇಶದ ಪ್ರಾಥಮಿಕ ಸಹಕಾರಿ ಸಂಘಲು, ಸೆಂಟ್ರಲ್ ಸೊಸೈಟಿದ ಏಜೆಂಟೆರಾದ್ ಈ ಮಲ್ಲ ಕಾರ್ಯನ್ ಎಡ್ಡೆ ರೀತಿಡ್ ನಡಪೋಯರ್, ಐತೊಟ್ಟುಗ್ ಜನಮಾನಿಗ್ ರೇಶನ್ ಮುಖಾಂತರಡ್ ಅರಿ-ಧಾನ್ಯಲೆನ್ ಬಟ್ಾಡೆ ಮಲ್ಪುನ ಕೆಲಸನ್ ಪ್ರಾಥಮಿಕ ಸಹಕಾರಿ ಸಂಘಗ್, ನಗರಡ್ ಐಕಾತ್ರ ಸ್ಥಾಪನೆ ಆಯಿನ ಸಹಕಾರಿ ಸೊಸೈಟಿಲೆಗ್ ವಹಿಸಾದ್ ಕೊರಿಯೆರ್. ಆ ಶಿಕ್ಷಣ ಕ್ಷೇತ್ರಜ್ಞ ಮಲ್ಲ ಬೆನ್ನಿ ಬೆಸ್ತೆರ್. ಹಳ್ಳಿ ಹಳ್ಳಿಡ್ ಪ್ರಾಥಮಿಕ ಶಾಲೆ, ಮೂಜಿಹಳ್ಳಿ ಉಪ್ಪುನಲ್ಲ ಹೈಸ್ಕೂಲ್ನ್ ಸ್ಥಾಪನೆ ಮಲ್ಲೆರ್. ಇಂಚ ಗ್ರಾಮದ ಉದ್ಧಾರಗಾದ ರಾತ್ರೆ-ಪಗೆಲ್ ಬೆನ್ನರ್. ಅತ್ತಾಂದ ಗ್ರಾಮದ ಏಳಿಗೆಗಾದ ಗ್ರಾಮ ಪಂಚಾಯಿತ್ ಲೆನ್ ಮದ್ ಐಕ್ ಬೋಡಾಯಿನ ವ್ಯವಸ್ಥೆಲೆನ್ ಮಲ್ಲೆರ್, ತಾಲೂಕು ಬೋರ್ಡ್ದ ಗುರ್ಕಾರೆ ಪಟ್ಟಡ್ ಸೇವೆ ಮಲ್ತದ್ ಜನಕ್ಕೆನ ಮೋಕೆದ ನಾಯಕೆರಾಯೆರ್. ಇಂಚ ಪುತ್ತೂರುನು ಮಾಂಡ್ ಮಲ್ಲೊಂದು ಸಹಕಾರಿದ ಕಳಟ್ ಪೊಂಬುದು ತುಳುನಾಡ ಸರ್ವಾಂಗೀಣ ಬುಳೆಚಿಲ್ಗಾದ್ ಪುನೆಯಿನ ಸಹಕಾರಿ ಪಿತಾಮಹೆ ಮೊಳಹಳ್ಳಿ ಶಿವರಾಯ ಏಪಾಮದತ್ ಪೋಪಿನಾರತ್ತೆ. ಕೃಪೆ : ರಜತಶ್ರೀ ರಜತ ಮಹೋತ್ಸವ ಸಂಚಿಕೆ ಪುಣಚಾ ಸೇವಾ ಸಹಕಾರಿ ಮೊಳಹಳ್ಳಿ ಶಿವರಾಯೆಲ್ / 32
