ಅಮರಚೇತನ 'ಮೊಳಹಳ್ಳಿ ಮೂಲ : ಏರ್ಯ ಲಕ್ಷ್ಮೀನಾರಾಯಣ ಆಳ್ವ ತುಳುನಾಡ್ಡ್ ಸಹಕಾರಿ ಚಳವಳಿಗೆ ಪರ್ಯಾಯ ಪದ ಪಂಡ ಮೊಳಹಳ್ಳಿ ಶಿವರಾಯೆರ್. ಈ ಜಿಲ್ಲೆಡ್ ಸಹಕಾರದ ಬಿನ್ ಬಿತ್ತಿ ಮುಂಗೆ ಕೊಡಿಪುನಂಚ ಮಲ್ತಿನಾರ್, ಐಕ್ ನೀರ್ ಪಾಡ್ ಮತ್ತೆ ಮಲ್ತಿನಾರ್. ಅವು ಪುರ ಪರಂದಾನಮುಟ್ಟಗ್ ಐಕ್ ಐತ ಚಿರಿಕ್ ತಾಂಗ್ ಉಂತಿನಾರ್ ಆರೇ 3 0 ತಾನ್ ಬಿತ್ತಿದಿನ ಬಿತ್ ತನ್ನ ಕಣ್ಣದುಂಬು ಮಾ-ಮಲ್ಲ ಮರವಾದ್ ಜಿಲ್ಲೆದ ಸಾರ- ಸಾರ ಕೂಟೊಲೆಗ್ ತಂಪುದ ಬರೆಲಾದ್, ತಮೆರಿ ಕೊರುನ ಮಾಡಾದ್ ತೆಗಲುನ ನೋಟ ತೂದೇ ಸಂತೃಪ್ತಿ ಪಡೆಯಿನಾರ್. ತನ್ನ ಜಿಲ್ಲೆಡ್ ಕಂಡಡ್ ಬೆಗರ್ ಸಿಂಟುನಾನ ಬಂಡಿ ಬೇನೆ ದುನಿಪುಲೆಗ್ ದುಃಖ ದೆತ್ತ್ದ್ ಆಕೆನ ಎಡ್ಡೆಗಾದ ಚಲ ಬುಡಂತಿನ ತಿವಿಕ್ರಮನ ಲೆಕ್ಕ ಸಹಕಾರದೊಟ್ಟುಗ್ ಪೊಂಬ್ ಸಹಕಾರದ ಗೋವರ್ಧನ ಗಿರಿನ್ದ್ ಬೆನ್ನಿದಾಕೈಗ್ ಶ್ರೀರಕ್ಷೆ ಕೊಡ್ತಿನಂಚಿನ ಪವಾಡ ಪುರುಷ ಮೊಳವಳ್ಳಿ ಶಿವರಾಯ. ಸಹಕಾರ ಪಂಡ ಮೊಳವಳ್ಳಿರೆಗ್ ಪಾಡುನ ಅಂಗಿ ಆವಂದೆ ಮೃತ ಮಾಸ ಆದಿತ್ಂಡ್. ಅವು ಆರ ಪಾತೆರದ ರೀತಿಯಾಗಿ ಬದ್ದ ನೀತಿ ಆದಿತ್ಂಡ್. ಸಹಕಾರಿ ತಟ್ಟೋಲೆನ್ ಬಿಲ್ಡ್ ಬುಲಯರೆಗಾ, ಈ ಜಿಲ್ಲೆದ ಪ್ರತಿ ಗ್ರಾಮಲೆಗ್ ಪೋಯೆರ್. ಜನಕ್ಷೆಗ್ ಜಾಗರದ ಗಂಟೆನ್ ಆನ ಕೆಬಿಕ್ ನಾಟುನಲೆಕ್ಕ ಬೊಟ್ಟಿಯೆರ್, ಐಕಾದ್ರ ಪಗೆಲ್ ರಾತ್ರೆ ಗಂಧದ ತುಂಡುದಲಕ ಜೂವೊನು ತರತ. ಆಂಡಲ ಆ ಬೇಲೆಡ್ ಉರು ಅಡ ಬೇನೆದಾಂತ, ಭಾರಿ ಉಮೇದ್, ಸಂತೇಸಡ್ ಸಾಮಾಜಿಕ ಕ್ಷೇತ್ರಡ್ ಬೆನ್ನೊಂದಿತ್ತೆರ್. ಬೇಲೆಡ್ ಬೆನ್ನಾಟಿಕೆಡ್ ಮಲ್ಲ ಶಕ್ತಿ ಆದ್. ಪಾಪದಾಕ್ಲಗೆ ಉಸುಲು ಕೊರುನ ಸಂಜೀವಿನಿ ಆದಿತ್ತೆರ್, ಮೊಳವಳ್ಳಿ ಶಿವರಾಯೆರ್ ಪುತ್ತೂರ್ನೈಟ್ ಜಿಲ್ಲೆದ ಸಹಕಾರಿ ಚಳುವಳಿದ ಉದಿಪು ಪುತ್ತೂರ್ಡಾಂಡ್. ಈ ಕಾರಣಗಾದ ಜಿಲ್ಲಾ ಕೇಂದ್ರ ಸಹಕಾರಿ ಬೇಂಕ್ದ ಸುರುತ ಕೊಡಿಪು ಪುತ್ತೂರಾಂಡ್. ಈ ದಿಸೆಟ್ ಜಿಲ್ಲೆದ ಹೆಚ್ಚದ ಮಲ್ಲ ಸಹಕಾರಿ ಸಂಘ-ಸಂಸ್ಥೆಲು ಅಲ್ಪ-ಅಲ್ಪಲ್ಪ ಮುಂಗೆ ಬಸ್ತ್ಂಡ್. ಈ ಉದಿಪು ಸುಗಿಪುಗ್ ಮೂಲ ಕಾರಣಕರೆರ್ ಮೊಳಹಳ್ಳಿದ ಶಿವರಾಯೆರ್. ಈ ನಿಲೆಟ್ ಪುತ್ತೂರು ಸಹಕಾರ ಸೇವೆಡ್ ಇಡೀ ಜಿಲ್ಲೆಗ್ ತಾದಿತೋಜಾವುನ ತುಡರಾಂಡ್. ಅವಗ ಮದರಾಸು ಸರಕಾರದ ಒರಿ ರಿಜಿಸ್ಟ್ರಾರರ್ ಅರ ಸಾಧನೆನ್ ತೂದ್ “ಪುತ್ತೂರು ಸಹಕಾರಿ ಚಳವಳಿದ ಕಾಶಿ'ಂದ್ ಪುಗರ್ರ್, ಆ 'ಕಾಶಿದ ಕೀರ್ತಿ ಗುಂಡಡಿಪುನ ವಿಶ್ವನಾಥ ದೇವೆರ್ ಪಂಡ ಈ ನಮ್ಮ ಮೊಳಹಳ್ಳಿ, ಶಿವರಾಯರ ಸ್ತಾನಾದಿಗೆ ಮಾನಾದಿಗೆ ಬಾನದತ್ತರಗ್ ಬುಲೆದಿತ್ತಂಡ್, ದುಂಬು ದಕ್ಷಿಣ ಕನ್ನಡ ಜಿಲ್ಲೆ ಪಂಡ ಉಡಿಪಿಲ ಮೊಳಹಳ್ಳಿ ಶಿವರಾಯೆರ್ / 27
