ಹೈಸ್ಕೂಲ್ ಅಪಿಲೆಕ್ಕ ಶಿವರಾಯೆರ್ ದುನಿತೆರ್. ದಸರಾ ಉತ್ಸವದ ರೂವಾರಿ (ಮಾರ್ನಮಿ ಉಚ್ಚಯದ ಶಿಲ್ಪಿ) ಶಿವರಾಯ ಸಾಹಿತ್ಯ-ಸಾಂಸ್ಕೃತಿಕ ಚಟುವಟಿಕೆನ್ ಪುತ್ತೂರ್ ಡ್ ಬಿಳ್ತಿದ್ ಆನಿದ ಕಾಲಗ್ ತುಳುವೆರ ಮನಸ್ಸಡ್ ಉಚ್ಚಯದ ಕುಶಿನ್ ಎಪಲ ಮದಿಪಂದಿಲೆಕ್ಕ ಗೌಜಿ ಗಂಜಾಲ್ಡ್ ಮಲ್ತ್ ತೋಜಾಯಿನಾರ್, ಐಕ್ ಆರ ಜೀವೊದ ದೋಸ್ತಿ ಡಾ. ಶಿವರಾಮ ಕಾರಂತರೊಟ್ಟುಗ್ ಸೇರ್ ಶಾಲೆಲೆಡ್ಡ ಜೋಕ್ಸ್ನ ಕೂಟನ್ ಉಂಡು ಮಲ್ಲಿನ ಕೀರ್ತಿ ಶಿವರಾಯರ, ಜನಕೆಗೆ ಮನೋರಂಜನೆ ತಿಕ್ಕೊಡು ಐಕಾದ ಸಾಂಸ್ಕೃತಿಕ ಚಟುವಟಿಕೆದ ಬುಲೆಚ್ಚಿಲ್ ಎಡ್ಡೆ ಉಪ್ಪೋಡ್ ಂಡ್ ಪುತ್ತೂರ್ ದಸರಾ ಉತ್ಸವನ್ ಸುರುಮಲ್ಲೆರ್, ದಸರಾ ಉತ್ಸವನ್ ಒರ್ಂಬ ದಿನತ ನಾಡ್ದ ಪರ್ಬಾದ್ ಪುತ್ತೂರ ಜನಮಾನಿಷ್ ಪರೆದ ಉಡುಗೊರೆನ್ ಶಿವರಾಯರ್ ಕೊರ, ಆರುಂಡು ಮಲ್ಲಿನ ಈ ಕಾರಕಮೊಲೆನ್ ಪುತ್ತೂ ಇತ್ತೆಲ ಆಚರನೆ ಮಲ್ಲೊಂದುಲ್ಲೆಗ್ ಶಿವರಾಯೆರ್ ಆಳ್ವ 87 ವರ್ಷದ ಜೀವಮಾನಡ್ 58 ವರ್ಸದ ಕಾಲನ್ 'ಸಹಕಾರ ರಂಗ'ಗ್ ತೊರದ್ ದೀಯೆರ್, ಸಹಕಾರ ಕ್ಷೇತ್ರಗ್ ಆರ್ ಮಲ್ಟಿನ ಚಾಕ್ರಿ ಪಂಡ್ ಪುಗಾರೆಗಾವಂದಿನವು. ಭಾರತ ದೇಶದ ಪ್ರಧಾನಮಂತ್ರಿ ದಿವಂಗತ ಜವಾಹರಲಾಲ್ ನೆಹರ ಆರ್, ಒಂಜಿ ಹಳ್ಳಿಗೊಂಜಿ ಶಾಲೆ, ಒಂಜಿ ಸಹಕಾರಿ ಸಂಘ, ಒಂಜಿ ಪಂಚಾಯತ್ ಉಂದು ಮೂಜಿ ಭಾರಿ ಅಗತ್ಯಂದ್ 1949ಡ್' ಆಲೋಚನೆ ಮಲಿತ್ತೆರ್. ಆಂಡ ಉಂದೆನ್ ಶಿವರಾಯ 35 ವರ್ಸದ ಪಿರವುಡೇ ಈ ಎಡ್ಡೆತಿನ ಆಲೋಚನೆನ್ ಕಾರಡ್ ಮಲ್ತ್ದ್ ತೋಜಾಯಿನ ಬಿರಾತಿಕೆದಾರ್. ಶಿವರಾಯೆರ್ ತುಳುನಾಡ ಸಹಕಾರಿ ಆಂದೋಲನಡ್ ಮಲ್ಲಿನ ಸೇವೆನ್ ಏರ ಪುಗರೊಡಿತ್ತಿನವು. ಬೊಕ್ಕ ಎಪಲ ನೆಂಪು ಮಲ್ಲೊಡಿತ್ತಿನವು ಶಿವರಾಯರ್ 1967 ಜುಲಾಯಿ ನಾಲ್ ತಾರೀಕ್ದಾನಿ ಪರಲೋಕಗೆ ಸಂದಾಯ ಆಯೆರ್. ಆಂಡ ಸಾಮಾಜಿಕ ಸೇವೆದ ನಿಜವಾಯಿನ ಅರ್ಥನ್ ಆರ್ ಮಲ್ತ್ದ್ ಎಂಕೆಗ್ ತೋಜಾದರ್. ಅಂಚಿತ್ತಿನ ಚರಿತ್ರಾರ್ಹ ಸಹಕಾರ ರಂಗದ ಮೂಲಪುರುಷರೆನ್ ನೆಂಪು ಮುನಂಚಿತ್ತಿನವು ನಮ್ಮ ಕರ್ತವ್ಯ ಸಹಕಾರರಂಗೊದ ಮೇರು ಜನಮಾನಿಂದ್ ಪುದಾರ್ ಪಡೆಯಿನ ಮೊಳಹಳ್ಳಿ ಶಿವರಾಯರೆಗೆ ನಮ್ಮ ಧನ್ಯತೆಡ್ ಸೊಲೆ ಸಂದಾಗ, ಕೃಪೆ : ಪುತ್ತೂರು ಕೊ-ಓಪರೇಟಿವ್ ಟೌನ್ ಬ್ಯಾಂಕ್ ಲಿ. ಶತಮಾನೋತ್ಸವದ ವೊಡ್ ಮೂಸ್ಟ್ ಬೈದಿನ 'ಸಹಕಾರಿ ಪಿತಾಮಹ ಮೊಳಹಳ್ಳಿ ಶಿವರಾಯರು' ಈ ಕೃತಿತ ಲೇಖನದ ತರ್ಜುಮೆ. ಮೊಳಹಳ್ಳಿ ಶಿವರಾಯೆರ್ / 26
