ಇಲ್ಲದ ಮಲ್ಲ ಮಂಡೆಲು ರಸ್ಟ್ ಜನ ಪೋದ್ ಪಾತೆರ ಕೊರುಂಡ ಸರಿ, ತರೆ ತಿರ್ ಕಾರ್ ಮತ್ತಾಂಡಲ ಆ ಪಾತೆರನ್ ಮಣ್ ಪಾಲಾವರೆಗ್ ಬೂಡೊಂದಿತ್ತಿಚೆರ್. ಪೊಣ್ಣು ಆಣ್ ಒರಿಯನೊರಿ ತೂಪಿನವು ಧಾರದ ಮಂಟಮೆಡ್ ಮಾತ್ರ ಅಂಚ ಶಿವರಾಯರ್ ಪದಿನಾಜಿದ ಜವನತ್ತಿಕೆಡ್ ಮದ್ದೆಗ್ ಪೊದು ಸಾಟಿ ಅಂಡ್, ಮದ್ದೆಗ್ ಎಡ್ಡೆ ದಿನಲ ನಿಚ್ಚಯ ಆದಿತ್ಂಡ್. ಐಯ್ ಬೊಕ್ಕ ದೋಸ್ತಿನಾಕ್ಷೆನೊಟ್ಟುಗ್ ಇಂಚನೇ ಆ ಪಾತೆರೊಂದಿಪ್ಪುನಗ “ಅಂದ ಶಿವು ಪೋದ್ ಪೋದ್ ನಿಕ್ಕ ಚೊಂಟಿನ್ ಕಂಟೆಲ್ ಕಟ್ಟುನಿಯ ಪೊಲ್ಲುಗಂಟ್ ನಿಕ್ಕ.. ಅಂಚಿನ ಪೊನ್ನ? ಈ ಪಾತೆರ ಕೇನ್ಸ್ ಶಿವರಾಯರೆಗ್ ಮಂಡೆಗ್ ಕಲ್ಸ್ ತುಂಬುಡ್ ಪಾಡಿಲೆಕ್ಕಾಂಡ್, ಆಂಡಲ ತನ್ನ ಅಮ್ಮರ್ ಅಂಚಮಲ್ಲಯೆರ್ಂದ್ ಆರೆಗ್ ಸಮಾಧಾನಾಂಡಲ ಸತ್ಯಾಸತ್ಯನ್ ಒರೆಡ್ ತೂವರೆಗಾತ್ರ ಪರ-ದುಂಬು ತೂವಂದೆ.. ಅಮೆರಪ ಕೇನೇ ಬುಡಗ - ಸತ್ಯ ಪಿದಾಯಿ ಬತ್ತ್ಂಡ್. n 2 ಅಪ್ಪೆ ದಾಂತಿನ ಬಾಲೆ ಎಲ್ಲಿಡ್ ತೊಟೇಲ್ಡ್ಸ್ ಬೂರಗ ಕಾರ್ ಒಂತೆ ಪೆಟ್ಟಾದ್ ಊನ ಆತುಂಡುಂದ್ ಪನ್ನಗ - ಶಿವರಾಯರ್ ಕೋಪೊಡ್ ಮಹಾರುದ್ರೆರಾದ್ ಎಂಕ್ ಆ ಪೊಣ್ಣು ಬೊಡ್ಡಿ ಇತ್ತನೇ ಪೋದ್ ನಿಘಂಟಾತಿನ ಈ ಮದ್ದೆನ್ ಉಂತಾಲೆಂದ್ ಲಡಾಯಿ ಮುಂಡ ರಂಗಪ್ಪಯ್ಯ ಆರ ಅಮೆರತ್ತ ಉಗ್ರನರಸಿಂಹನವತಾರಡ್ ಯಾನ್ ಈ ಮದ್ದೆನ್ ಮಕ್ಕ ಸುದ್ದ ಪೊನ್ನಗ್ ಕಾರೊಂತೆ ಊನ ಆದಿಪ್ಪು, ಅವ್ ಮಲ್ಲ ದೋಷತ್, ರೂಪ-ಗುನ ನಡತೆ ಎಡ್ಡೆ ಉಂಡು, ಗೃಹಿಣಿ ಆಡ್ ಇಟ್ಸ್ ಬೆಲಗುನ ನಂದ್ಯಾಲದ ತುಡರಾಂಡ ಸರಿಂದ್ ಆರ ವಾದ. ಎಪಲ ಅಮೆರೆಗ್ ಎದುರು ಪಾಠರಂದಿನ ಶಿವರಾಯ ಈ ವಿಷಯಡ್' ಮಾತ್ರ ಮನಿಪಂದೆ ಕುಲ್ಲಿಜೆರ್. ಲಡಾಯಿಡ್ ಇರ್ವೆರ ಬಾಯಿ ಮೇಲ್ ಮೇಲಾನಗ ಆರ್ ಅಮೈ... ಎನ್ನ ನಾಲಾಯಿ ಕುಂಟುದತ್ತ ಕೊರಿನ ಪಾತೆರನ್ ಮಣ್ ಪಾಡಂದೆ ನಡಪಾದೇ ಸುದ್ದಂದ್ ಪನ್ನಗ, ಪಾತರ ಕತೆಟ್ ಇಟ್ಸ್ ರಣರಂಗ ಆಂಡ್. ನಡುಕು ಅಷ್ಟೆ ಬತ್ತದ್ 'ಮಗಾ ಋನಾನುಬಂಧ ದಾಂತೆ ಒಂಜಿ ಪಜಿರ್್ರ ಅಂಚೆ-ಇಂಚಿ ಆವಂದ್ಗೆ ಅಷ್ಟೆ ದಾಂತಿನ ಬಾಲೆ, ಗುಣ ಉಂಡು, ಪೊಝುಂಡು ಜಾತಕಲ ಎಡ್ಡೆ ಉಂಡು. ನಿಕ್ಕ ಬುಡದಿಯಾದ್ ನಿನ್ನ ಜೋಕೆಗ್ ಅಪ್ಪೆ ಆದಿಪ್ಪರೆಗ್ ಕಾರ್ ನನ್ ಲೆಕ್ಕಗ್ ಗೆಪ್ಪುವನ? ಅಮೆರ್ ಕೊರಿನ ಪಾತೆರನ್ ಗಾಲಿಗ್ ರಾಪವನ? ನಮ್ಮ ಮನೆತನದ ಪುದಾರ್ ಮಜ್ಜಿಪೂಜುವನ? ಆತ ಮಾತ್ರ… ಈ ಪೊದು ತತ್ಕಂಡ್ಗೇಂದ್ ಮಲ್ಲ ಗಾಬಾದ್ ಪರಡುಂಡ ಎಲ್ಲೆಗ್ ಆ ಪೊಣ್ಣನ ಗತಿ ದಾದಂದ್' ಅಪ್ಪ ಮಗ ಸಮಾಧಾನ ಮಲ್ತ್ದ್ ಬುದ್ದಿವಾದ ಪನ್ನಗ ಶಿವರಾಯರ್ ಆನಿ ಕೊಹ್ಲಿನ ಪಾತೆರದ ಬೆಲೆತ ಸತ್ಯ ತಿಕ್ಕ ಐತ ಮಹತ್ವ ಆರ ನೆತ್ತೆರ್ ಪರಪುನಂಚಾನಗ ಆ ಕುಸಿಟ್ ಒಪ್ಪುದ್ ಉಡುಪಿದ ನಯಂಪಳ್ಳಿ - ಮಂಜುನಾಥಯ್ಯರ ಮಗಲ್ ಪದರಾಡ್ ವರ್ಸದ ಅನುಸೂಯನ್ ಮತ್ತೆ ಆಯರ್. ಮಧ್ಯೆ ಆಯಿಬೊಕ್ಕ ಅನುಸೂಯ ಉಮಾ ಮೊಳಹಳ್ಳಿ ಆಯ. ಮೊಳಹಳ್ಳಿ ಶಿವರಾಯರ್ / 7
