ಸಂಗ ಸ್ಥಾಪನೆ ಮಲ್ಲೊಲಿ. ಸದಸ್ಯೆರಕುಲು ಪಾಲು ಬಂಡವಾಳ ಪಾಡೆಂದಾಂಡ ಅಯಿಕ್ ಸರಕಾರದ ಬ್ಯಾಂಕ್ ಕಡಿಮೆ ಬಡ್ಡಿಡ್ ಸಾಲ ಕೊರ್ಪುಂಡು, ಅನಪತ್ಯ ಇತ್ತಿನಾಯಗ್ ಸಹಕಾರಿ ಸಂಗೊಡ್ಡು ಸಾಲ ಪಡೆಯೊನ್ಯರೆಗಾವುಂಡು. ಪಾಲ್ ಬಂಡವಾಳ ಕೊಕುಲೆಗ್ ವರ್ಸೊಗೊರ ಲಾಭಾಂಶಲಾ ತಿಕ್ಕುಂಡು, ಇತ್ತೆ ಶಾಲೆ-ಕಾಲೇಜಿಲೆಡ್ ಸಮೇತ ಸಹಕಾರಿ ಸಂಗೊಲೆನ ಸ್ಥಾಪನೆ ಆತ್ಂಡ್, ಭಾರತೊದಂಚನೆ ಇಟೆಲಿ (1841-1927), ಚೀನಾ (1912), ಜಪಾನ್ (1900) ಬೊಕ್ಕ ಯುರೋಪುದ ದಿಂಜ ದೇಶೆಲೆಡ್ ಈ ಸಹಕಾರಿ ತತ್ವ ಎಚ್ಚ ಪ್ರಚಾರೊಡಿತ್ತ್ದ್ ಸಂಗೊಲು ಸ್ಥಾಪನೆ ಆತೊ. ದಿಂಜ ಸಂಗೊಲು ಎಡ್ಡೆ ರೀತಿಡ್ ಬೇಲೆ ಮಲ್ಲೊಂದುಲ್ಲ. ತುಳುನಾಡ್ಡ್ ಸಹಕಾರಿ ಪದ್ಧತಿ ದಕ್ಷಿಣ ಕನ್ನಡ ಜಿಲ್ಲೆದ ಸುರುತ ಸಹಕಾರಿ ಸಂಘ ಸುರುವಾಯಿನೆ ಪುತ್ತೂರುಡು, 1909ಡ್ ಮೊಳಹಳ್ಳಿ ಶಿವರಾಯೆರ್ ಪುತ್ತೂರು ಸಹಕಾರಿ ಟೌನ್ ಬ್ಯಾಂಕ್ನ್ ಸುರುಮಲ್ಲೆರ್. ಅಪಗ ಅವು ಬ್ಯಾಂಕ್ ಆದಿಜ್ಯಾಂಡ್. ಅವು ಸಂಗ ಆದಿತ್ಂಡ್, ಇಂಚ ಜಿಲ್ಲೆಡ್ ಸಹಕಾರಿ ಚಳವಳಿನ್ ಸುರುಮದ್ ಆರ್ ತುಳುನಾಡ್ದ 'ರಾಬರ್ಟ್ ಓವನ್' ಒಂಜಿ ಸಂಗ ಕಟ್ಟುನೆ, ಒಂಜಿ ಸಮಾಜ ಕಟ್ಟುನೆ, ಒಂಜಿ ದೇಶಕಟ್ಟುನೆ ಪಂಡ ಅವು ಸುಲಬೂದ ಕೆಲಸ. ಅವು ಮಲ್ಲ ಪೊಂಬಾಟಿಕೆದ ಕೆಲಸೊ. ಇಂಚ ಒಂಜಿ ಕೂಡುಕಟ್ಸ್ ಉದ್ಯ ಬೆನ್ನುನೆನ್ ದುಂಬು ಆ ಊರುನು ತೂವೊನೊಡಾಪುಂಡು. ಒಂಜಿ ಊರುದ ಸ್ಥಿತಿ-ಗತಿ, ದೇಕಿ-ರೇಕಿ ತೆರಿಯೊಡಾಂಡ ಅಲ್ಪದ ಕಲ್ಡ್ ಮಣ್ ತೂದು ಅಂದಾಜಿ ಮಲ್ಲುನೆತ್ತೆ. ಅಲ್ಪದ ಜನಮಾನಿನ್ ತೂದು ಲೆಕ್ಕಾಚಾರ ಪಾಡೊಡು. 3 ನಮ್ಮ ದೇಶ ಹಳ್ಳಿಲೆನ ದೇಶ ಕಂಡದ ಬೆನ್ನಿ ಮುಲ್ಪದ ಜನೊಕುಲೆನ ಮಲ್ಲ ಕಸುಬು. ಅಂಚಾದ್ ಬೆನ್ನಿದಾಯನೆ ದೇಶದ ಬೆರಿಮುಳ್ಳು ಪತ್ತೆಗಾಂದ್ಯೆರ್, ಬೆನ್ನಿದಾಯ ಉದ್ದಾರೊ ಆಯಂಡ ದೇಶನೇ ಉದ್ದಾರ ಆಯಿಲೆಕ ಆಯ ಉದ್ದಾರೊ ಆವೊಡಾಂಡ ಆಯನ ಬುಳೆ ಬಾಗ್ಯೂ ಎಚ್ಚವೊಡು, ಆಯ ಬುಳೆಪಯಿನ ಅರಿ ಬಾರ್, ಬಜ್ಜೆಯಿ, ತಾರಯಿಗ್ ಸರಿಯಾಯಿನ ಬಿಲೆ ತಿಕ್ಕೊಡು, ಎಡ್ಡೆ ರೀತಿದ ಬೆನ್ನಿ ಮಲ್ಲೊಡಾಂಡ ಆಯಗ್ ಏದ್ಯೆ ಬೋಡು. ಆಯಗಂಡ ಆಯನ ಜೋಕುಲೆಗಾಂಡಲಾ ವಿದ್ಯೆ ಬೋಡು. ಕಲ್ಪುನ ಅವಕಾಶ ತಿಕ್ಕೊಡು. ಇಂಚ ಮಾತ ಆಲೋಚನೆ ಮಲ್ಲೊಂದೇ ಸಮಾಜ ಸೇವೆ ಮಲ್ಲುನಕುಲು ಊರುದ ಉದ್ದಾರೊಗು ಪಿದಾಡ್ಡೆರ್. ಅಕುಲೆಡ ಮಾಮಲ್ಲ ಕಜ್ಞ ಸಾಧನೆದ ಚಲ ಉಪುಂಡು, ದೂರ ದಿಟ್ಟಿ ಉಪ್ಪುಂಡು, ಜನ ಸೇವೆ ಮಲ್ಲುನ ಸಾದನೆ ಉಪ್ಪುಂಡು. ಅಯಿಕ್ ಬೋಡಿತ್ತಿನ ಸರಿಯಾಯಿನ ಸಾದಿನ್ ಆಲೋಚನೆ ಮಲ್ತದುಪ್ಪುವೆರ್. ಇಂಚ ಮಾತ ಸಮಾಜ ಸುದಾರಣೆಗ್ ಬೋಡಿತ್ತಿನ ಚರ್ಯೆ ಇತ್ತಿನಾರ್ ಶಿವರಾಯೆರ್. ಮೊಳಹಳ್ಳಿ ಶಿವರಾಯೆರ್ / 3
