ತುಳುನಾಡ ರಾಬರ್ಟ್ ಓವನ್ ಮೊಳಹಳ್ಳಿ ಶಿವರಾಯರ್ ಸಹಕಾರ B ಒರಗೊರಿ ಬೆರಿಸಾಯೊ ಕೊರೊಂದು ಒಟ್ಟು ಸೇರ್ ಕೆಲಸ ಮಲ್ಲುನನೇ ಸಹಕಾರ, ಸಿಯೊದ ಕಿಲೆಂಜಿಲು ಒಟ್ಟಾದ್ ಎದಿ ಕಟ್ಟುಬೊ. ಎದಿಟ್ ನಯಿ ದಿಂಜಬ, ಒಂಜಿ ಚೂರು ತಿನಸ್ ತಿಳ್ಕೊಂಡ ಮಾತಾ ಪಿಜಿನುಲು ಒಟ್ಟು ಸೇರ್ದ್ ಅಯಿನ್ ತುಂಬೊಂದು ಪೋದು ಒಂಜಿ ಕಡೆಟ್ ದೀದ್ ತಿನ್ನೊ ಇಲ್ಲಾಲ್ ದುಂಬು ಆಂಜೊವು ಪೊಂಜೊವು ಇಲ್ಲ ಬೇಲೆನ್ ಪಷ್ಟೊಂದು ಮಲ್ಲೊಂದಿತ್ತೆರ್. ದುಂಬು ಮೂಲು ಕಂಡದ ಬೆನ್ನಿದ ಪೊರ್ತುಡು ಅಕುಲಕುಲೆ ಕಂಡೊಡು ಅಕುಲಕುಲೇ ಬೆನೊಂದು ಇಜ್ಜಾಂಡ್ ಮಾತೆರ್ಲಾ ಒಟ್ಟು ಸೇರ್ದ್ ಬೆಂದೊಂದಿತ್ತೆರ್. ಉಂದು ಸಹಕಾರ, ಸಹಕಾರೊದ ಬದ್ ನರಮಾನ್ಯಗೆ ಪುಟ್ಟುಡೇ ಬತ್ತಿನ ಅಬ್ಬೆಸೂ, ಕುಟುಮೊದುಲಯಿ ಸಹಕಾರೊದ ಸುರುತ ಪಾಟೊ ಕಲ್ಲಿನ ನರಮಾನಿ ಆಯಿನ್ ಸಾಮಾಜೊದ ಕಳಕ್, ದುಡ್ಡು ಸಂಪಾದನೆದ ಕಳಕ್ ಮಲ್ವರೆ ಸುರುಮಲ್ಲೆ. ಸಹಕಾರ ಪದ್ದತಿ ನರಮಾನ್ಯನ ದುಡ್ಡುದ ಬಂಜ ಬಗಲೆ ಕಳೆಯರ ಒಂಜಿ ಸಾದಿಯಾಂಡ್. ಸಹಕಾರ ಒಂಜಿ ವಿಸೇಸ ರೀತಿಡ್ ಆರ್ಥಿಕ ಸುಧಾರಣೆ ಮಲ್ಲಿನ ಸಾಧನೆ ಆಂಡ್. “ಪರೋಪಕಾರಾಯ ಪುಣ್ಯಾಯ - ಪಾಪಾಯ ಪರಪೀಡನ' ಉಂದು ಬಾರಿ ಪಿರಾಕ್ದ ಒಂಜಿ ಧಾರ್ಮಿಕ ತತ್ತ್ವ. ಈ ತತ್ತ್ವನೇ ಸಹಕಾರ ಸಿದ್ದಾಂತೊಗು ಆದಾರೊ, ಸಹಕಾರ ನರಮಾನ್ಯನ ಮೂಲ ಮೌಲ್ಗೊಲೆಡ್ ಒಂಜಿ. ಅಲೆಮಾರಿ ಬದ್ ಬುಡ್ಡು ನರಮಾನಿ ಇಲ್ಲ ಕಟ್ಟಿ ಕುಟುಮೊ ಬುಳೆಪವುನ ಪೊರ್ತುಗೇ ಸಹಕಾರ ಬಾವನೆಲ್ಲಾ ಬುಳಪವೊಂಡೆ. ಸಹಕಾರೊದ ಮೂಲಗುಟ್ಟು ಒಗ್ಗಟ್ಸ್ ಒಗ್ಗಟ್ಸ್ ಇಂಡ ಬಲೆ ಉಂಡು. ಒಂಜಿ ಸೀಂಕ್ಸ್ನ್ ಒಂಜೆ ಬಿರೆಲ್ಡ್ ಪೊಲಿ ಪೊಲಿ, ಮೊಳಹಳ್ಳಿ ಶಿವರಾಯರ್ / 1
