ಸುಗಿಪು co ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ 'ಮದಪೆರಾವಂದಿ ತುಳುವೆರ್' ಈ ಮಾಲಿಕೆಡ್ ಈ ಬೂಕು ಬೊಲ್ವುಗ್ ಬೈದ್‌ಂಡ್, ರಾಜ್ಯಗೇ ಸಹಕಾರಿ ಪಿತಾಮಹೆಂದ್ ಪುದರ್ ಪಡೆಯಿನ ಮೊಳಹಳ್ಳಿ ಶಿವರಾಯೆರ್ ನಮ್ಮ ಜಿಲ್ಲೆ ತೂಯಿನ ಆದರ್ಶ ಪುರುಷೆರ್, ಪುಟ್ಬಡ್ಜ್ ಚಟ್ಟ ಏರ ಮುಟ್ಟಲ ಜನನ ಸೇವೆಗಾದ್ರ ಬದ್‌ನ ಮಾ-ಮಲ್ಲ ಶಕ್ತಿ. ಆರ್ ಗಾಂಧಿವಾದಿಯಾದ್, ಬಡವರೆಗ್ ನಿರೆಲಾದ್... ಕೃಷಿಕೆರೆಗ್ ನುಪ್ಪುದಕರವಾದ್, ಗ್ರಾಮ ಪಂಚಾಯತಿ, ಗ್ರಾಮ ಸಹಕಾರಿ ಸಂಘ, ಗ್ರಾಮ ಪಾಠಶಾಲೆಲೆಗ್ ಕಣ್ಣಾದ್, ಸಾಹಿತ್ಯ, ಸಾಂಸ್ಕೃತಿಕ, ರಾಜಕೀಯ ಕ್ಷೇತ್ರಲೆಗ್ ತಮೇರಿಯಾದ್, ಬೇತೆಬೇತೆ ಸಹಕಾರ ಸಂಸ್ಥೆಲೆನ ಕೊಡಿಪುಗ್ ಮುದೆಲಾಯಿನ ಆ ಪವಾಡ ಪುರುಷ ನಡತ್ ಬತ್ತಿನ ತಾದಿ. ಯೇನಿ ಯೇನಿಲ್ಲ ತಾಜಿ ತೋಜಾವುನ ತುಡರ್. ಈ ನಿಲೆಟ್ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆ ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾರ್ಯರ್ ಮೊಳಹಳ್ಳಿ ಶಿವರಾಯರನ ಬಗೆಟ್ ಎಲ್ಯ ಬೂಕುನ್ ಬರೆಯೊಡುಂದ್ ಕೇನಗ ಯಾನ್ ಸಂತೇಸಡ್ ಒಪ್ಪಿಗೆ ಕೊ ಪ್ರಯತ್ನ ಮಲ್ತದೆ. ಏಪಲ ಜೀವನ ಚರಿತ್ರೆ ಪಕ್ಷುನವು ಸುನ್ನದ ಬೊಟ್ಟುದಲಕ ಸತ್ಯ. ಐಕ್ ಆಯ್ತನೆ ಆಯಿನ ಇತಿ-ಮಿತಿದ ಗಡಿ ಉಂಡು, ಐಕಾದ್ರ ಎಂಕ್ ತೆರಿನ ಬೊಕ್ಕ ತೆರಿನಾಗ್ಲೆಡ್ಜ್ ಸಂಗ್ರಹ ಮಲ್ಲಿನ ಸಂಗತಿದೊಟ್ಟುಗ್, ಆರ ಮಿತ್ ನೆಡ್‌ದುಂಬು ಪ್ರಕಟವಾಯಿನ ಬೂಕುಲು ಬೊಕ್ಕ ಬರವುದ (ಲೇಖನದ) ಮಾಹಿತಿಲೆನ್ ಧಾರಾಳವಾದ ಬಲಸ್‌ ಈ ಕೃತಿನ್ ರಚನೆ ಮಲ್ತದೆ. ಈ ನಿಲೆಟ್ ಮಾಹಿತಿ ಕೊರಿನ ಮಾತೆರೆಗ್ಲ.. ಮುಖ್ಯವಾದ್ ಮಾಹಿತಿ ಕೊರ್ಡ್ ಬರವರೆಗ್ ಉಮೇದ್ ಕೊರಿಂಚಿನ ಹಿರಿಯ ಖ್ಯಾತ ಲೇಖಕೆರಾಯಿನ ಪ್ರೊ. ವಿ.ಬಿ. ಅರ್ತಿಕಜೆ ಬೊಕ್ಕ ಶ್ರೀ ಪುರಂದರ ಭಟ್ ಮೊಕುಲೆಗ್, ಬೊಕ್ಕ ಈ ಬೂಕುದ ರಚನೆಗೆ ಅನುಕೊರಿನಂಚಿನ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾಯಿನ ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾರ್ಯರೆಗ್, ರಿಜಿಸ್ಟ್ರಾರ್ ಬಿ. ಚಂದ್ರಹಾಸ ರೈಕುಲೆಗ್ ಬೊಕ್ಕ ಸಿಬ್ಬಂದಿ ವರ್ಗದಾಕ್ಲಗ್ ಎನ್ನ ಉಡಲ್ ದಿಂಜಿನ ಸೊಲೈಲು. 90-8-9000 ಹಳೆಯಂಗಡಿ ಎಚ್. ಶಕುಂತಳಾ ಭಟ್ VI
