ಗುರ್ಕಾರ್ರೆನ ಮದಿಪು
ತುಳುವೆರ್ ಪಿರಾಕ್ಡ್ದಿಂಚಿ ನಡತೊಂದು ಬತ್ತಿನ ಆರಾಧನೆ, ಆಚರಣೆ, ನಂಬೊಳಿಗೆನ್ ಮಾತ ಒರಿತೊಂದು ಬತ್ತಿನಕುಲು, ಅಂಚಾದೇ ತುಳುನಾಡ್ ಪುಣ್ಯೊದ್ ನಾಡ್ಂದ್ ಪುದರ್ ಪಡೆತ್ಂಡ್. ಕರಿದ್ ಪೋಯಿನ ಎಡ್ಡೆ ವಿಸಯೊಲೆನ್ ಒರಿತೊಂದು ಪೋಪಿನವು ಎಡ್ಡೆ ಸಂಸ್ಕೃತಿ, ಸಂಸ್ಕೃತಿ ವೈಜ್ಞಾನಿಕತೆದ ಸುತ್ತುಗಟ್ಸ್ಡ್ ಉಪ್ಪೋಡು, ಸಾಮಾಜಿಕ ಪ್ರಜ್ಞೆ ಬೊಕ್ಕ ಧಾರ್ಮಿಕ ನಿಲೆಗಟ್ಟಿ ಅಯಿಕ್ ಬೋಡು. ಅಂಚಿನ ಸಂಸ್ಕೃತಿಯೇ ದುಂಬೊತ್ತೊಂದು ಪೋಪುಂಡು, ಬಾಸೆ, ಸಾಹಿತ್ಯ, ಕಲೆ, ಪರಪೋಕು, ಸೇವೆ - ಉಂದು ಮಾತ ಸಂಸ್ಕೃತಿದ ಬಾಗೊಲು, ನನ್ನ ಒರಿತ್ದ್ ಬುಳೆಪರೆ ಗಾಡ್ ಬೆಂದಿನ ತುಳುವ ಏಜನ, ತುಳುವೆರ್ ಪಂಡ ಬಜೀ ತುಳು ಅಪ್ಪೆ ಬಾಸೆದಕುಲು ಮಾತ್ರ ಆತ್, ತುಳುನಾಡ್ಡ್ ಜಲೊಗು ಬತ್ತಿನಕುಲು, ತುಳು ಬಾಸೆ ತೆರಿನಕುಲು, ತುಳುತ ಬಗೆಟ್ ಉಡಲ್ ದಿಂಜಿ ಹೆಗ್ಗಳಿಕೆ ದೀವೊನಕುಲು ಮಾತ ತುಳುವೆರ್.
ಒವ್ವಾಂಡಲಾ ಒಂಜಿ ಮರ್ಗಿಲ್ಡ್ ತುಳುಬಾಸೆ ಸಂಸ್ಕೃತಿ, ತುಳು ಸಂಪೊತ್ತುದ ಬುಳೆಚೆಲ್ಗಾದ್ ಅಕುಲೆ ಸೇವೆ ಸಂದ್ದಿತ್ತ್ಂಡ ಅಂಚಿನ ಪುಣ್ಯಾತ್ಮೆಗೆನ ಗೆನ ಬದ್, ಸಾಧನೆಲೆನ್ ನೆಂಪುಡು ಒರಿತೊನುನವು ನಮ್ಮ ಧರ್ಮೊ. ಈ ನಿಲೆಟ್ ಕರಿದ್ ಪೋಯಿನಕುಲೆನ ಪುದಡ್ ಅಕಾಡೆಮಿ ಬೂಕುಲೆನ್ ಬರೆಪಾದ್ 'ಮದರಾವಂದಿ ತುಳುವೆರ್' ಪ ಗ್ರಂತ ಮಾಲೆಡ್ ಬೊಳುಗು ಕನವೊಂದುಂಡು.
'ಪತ್ತೂರು ಕೊಂಡಲಾ ಪುತ್ತೂರು ಬುಡಯೆ' ಇಂಚ ಕೊಡಗ ರಾಜೆ ಬ್ರಿಟಿಷೆರ್ ಪುತ್ತೂರುನು ಎಂಕ್ಲಗ್ ಕೊರೊಡುಂದು ಕೇನ್ನಗ ಅಕುಲೆಗ್ ಜವಾಬು ಕೊರುದಿತ್ತೆಗೆ ಅಂಚ ಪ್ರಕೃತಿ ಸಂಪತ್, ಬುಳೆಬಾಗೊಡು ದಿಂಜಿದಿತ್ತಿ ಪುತ್ತೂರುನು ಅಕೇರಿಗ್ ಬ್ರಿಟಿಷೆರ್ ಬಲಾತ್ಕಾರೊಡು ವಶ ಮತ್ತೊಂಡರ್. ಅವ್ವ ಕಾಲೊಡು ಇಂಗ್ಲೆಂಡ್ ಕೈಗಾರಿಕಾ ಕ್ರಾಂತಿ ಸುರುವಾಂಡ್, ಹಳ್ಳಿ ಹಳ್ಳಿಡಿತ್ತಿ ಕುಶಲ ಕರ್ಮಿಲು ಕೆಲಸ ಕಳೆವೊಂಡೆರ್, ಬರ್ಸದಾಂತೆ ಬರಗಾಲ ಬದ್, ದನಿಕುಲೆನ ಬಲತ್ಕಾರೊದ ಗಣಿ ವಸೂಲಿ ಇಂಚಿನ ಮಾತಕಾರಣೋಡ್ತಾವರ ಸಂಪೊತ್ತು ದಿಂಜಿದಿತ್ತಿ ಊರು ಬಡಕಟ್ಟಿದ್ ಪೊಂಡು, ಈ ಪೊರ್ತುಡು ಪುತ್ತೂರುನು ಮಾತ್ರ ಆದ್ರೆ ಇಡೀ ತುಳುನಾಡ್ನ್ ಸಂಪೊತ್ತು ದಿಂಜದ್ ಬೆಳಗುಲೆಕ ಮಲ್ಲಿನಾ ಪುತ್ತೂರುಡೇ ಪುಟ್ಟು ಬಳತಿನ ಮೊಳಹಳ್ಳಿ ಶಿವರಾಯೆರ್.
ಪುತ್ತೂರು ಪಂಡ ಅವು ಇತ್ತೆದ ಪುತ್ತೂರು. ಅಪಗದ ಇತೈದ ಸುಳ್ಯ
iii
