ಅಂಚಾದ್ ಕೈತಲ್ದ ಮಡಿಕೇರಿದ ಕಾಫಿದೋಟದಾರ್ ನಡಪಾವೊಂದಿತ್ತಿನ ಶಾಲೆಡ್ ಮಾಸ್ತರಾಯೆರ್, ಸುರುಕೇ ಅಲ್ಪ ತಂಪುದ ಹವೆ. ವಿಶಾಲ ಬಾನಡ್ ರೆಂಕೆನ್ ಪಟಪಟ ಮತ್ತೆಂದ್ ಕುಶಿಟ್ ರಾಪುನಂಚಿನ ಮನಸ್ಸಿಗ್ ಮುಲ್ಪ ಪಲ್ಲಡ್ ಕುಲ್ಸ್ ಪರಂಟು ಪೆಜ್ಜುನ ಕೈಪೆದ ಅನುಭವ ಆಂಡ್. ರಡ್ ವರ್ಸಗೆ ಅಲ್ಪದ ಮಾಸ್ತರಿಕೆ ಬುಡ್ಸ್ ಪಿರ ಬನ್ನಗ ಆರೆಗ್ ಇರ್ವ ವರ್ಸೊ. ಒರಿಯನ ತಿರ್ ಆಳಾದ್ ಬೆನ್ನುನೈಡ್ ಸ್ವತಂತ್ರವಾದ್ ಬಡ್ಕೊಡುಂದ್ ಎನ್ವೆರ್. ಬಾನೊಗ್ ಮುಟ್ಟಿಲೆಕ್ಕ ಎತ್ತರಡ್, ಅಸರ್ಡ್ ಬುಲೆಪುನಂಚಿನ ಮರತ ಬಿಡ್ತಿನ್ ಮಣ್ಣ ಕರಕ್ ಪಾಡಿಲೆಕ್ಕಾಂಡ್ ಚಲಟ್ ಫೀಡರ್ ಪರೀಕ್ಷೆಗ್ ಕುಲ್ಲು ಸುರುತ ಮಜಲ್ಡ್ ಪಾಸಾದ್ ವಕಾಲಾತ್ ವೃತ್ತಿನ್ ಪತ್ಯೆ. ಅಪರ ವಕಾಲಾತ್ ವೃತ್ತಿಗೆ ಆ ವಿದ್ಯೆ ಯಾವಿತ್ಂಡ್, ಅಂಚ ಆರ್ ಸನದ್ ಪಡೆದ್ ಪುತ್ತೂರ್ ವಕೀಲೆ ಮೊಳಹಳ್ಳಿ ಶಿವರಾಯರೆಂದ್ ಪುದಾರ್ ಪಡೆಯೆರ್. ಪಗರಿದ ಮುನೆತ ಪಾತೆರ, ವಾದ ಮಲ್ಲುನ ಬಿರಾತಿಕೆ, ಏರೆಗ್ಲ ಪೋಡ್ಕಂದಿನ ತಿಗಲೆ, ಕಾನೂನುದ ನ್ಯಾಯಲೆನ್ ದಂಟಂದ ಸತ್ಯ, ಧರ್ಮ, ನ್ಯಾಯ, ನೀತಿ ನಿಷ್ಠೆಗ್.. ಗುನ ಆಪಿಲೆಕ್ಕ ವಾದ ಮಲ್ಲೊಂದಿತ್ತೆರ್. ಪೊರೊಂದಿತ್ತೆರ್. ಅತ್ತಾಂದೆ ಆರ್ ಕ್ರಿಮಿನಲ್, ಸಿವಿಲ್ ಬೊಕ್ಕ ರೆವಿನ್ಯೂ ಮೊಕದ್ದಮೆಲೆನ್ ಬುದ್ದಿವಂತಿಕೆಡ್ ವ್ಯವಹಾರ ಮಲ್ಲೊಂದಿತ್ತಿನೈಡ್ ಆರ್ ಬೇಗಡ್ ಪುದರ್ ಪೋಯಿನ ವಕೀಲರಾಯ. ಪತ್ತಿನಂಚಿನ ಕೇಸ್ ಸುಳ್ಳು ಅನ್ಯಾಯದಂದ್ ಗೊತ್ತಾಂಡ ಆ ಗಲ್ಲೆನೇ ಆಕೆನ ರೆಕಾರ್ಡ್ ಬೊಕ್ಕ ಸ್ಟಾಂಪ್ ಪೇಪಗಾದ್ರ ಸುರುಕು ಕೊಯ್ಲಿನ ಕಾಸ್ನ್ ದಯ-ದಾಕ್ಷಿನ್ಯ ದಾಂತೆ ಪಿರ ಕೊರೊಂದಿತ್ತೆರ್, ಪಿರಬಾಕಿಲ್ಡ್ ಪೊಗ್ಗುನ ಮೋಸದಾಕೆಗ್ ಅರೆನಾಡೆ ಬರೆಗಿತ್ತಿಜ್ಜಿ, ಒಂಜಿವೇಳೆ ಬಂಡಲ ಆರ ಮೂಲಕ ಕೋರ್ಟ್ ವ್ಯಾಜ್ಯಪಾಡ್ರೆಗ್ ಇಡೆ ಇಜ್ಜಿ ದಾಯೆ ಪಂಡ ಆರ್ ವಾದ ಮಲ್ಪುನಗ ಪ್ರತಿ ವಾದಿಗ್ ಪಾಡೊಂದಿತ್ತಿನ ಪರೆದ ಪ್ರಶ್ನೆಲೆಡ್ ಬೆಗರ ಜಪ್ಪವೊಂದಿತ್ತೆರ್, ಬೊಕ್ಕ ಸುಳ್ಳು ಸಾಕ್ಷಿದಾಕ್ಲು ಆರ್ ವಾಡಿ ಸವಾಲ್ ಗಾಲ್ ಮೇಲಾದ್ ಸತ್ಯ ಒಂದಿತ್ತೆರ್. ಬಡಪಾಕ್ಲಗ್ ಆರ್ ನುವುದ ಕರ. ದಾಯ ಪಂಡ ದಾದನ ಬಂಜದ ತುರ್ತುಗ್ ಕಾಸ್ದಾಕ್ಲಡ ಇಲ್ಲ ಅತ್ತಡ ಕಂಡ ಅಡವುದೀದ್ ಸಾಲ ಮಲ್ಲಿನೆನ್ ವಾಯಿದೆಗ್ ಸರಿಯಾದ್ ಕೊರೆಗಾವಂದೆ ಬದ್-ಭಾಗ್ಯನ್ ಕಲೆವುನಂಚಿನ ಪ್ರಸಂಗ ಬನ್ನಗ ಅಕ್ಲಗ್ ಮೊಳಹಳ್ಳಿ ಶಿವರಾಯೆರ್ ದೇವೆರಾದ್ ತಾದಿ ತೋಜಾವೊಂದಿತ್ತೆರ್. ಕೆಲಸರ್ಶಿ ಆರ್ ಅಕಡ ಒಂಜಿ ಮುಕ್ಕಾಲ್ ಪಡೆವಂದೆ. ಅಕ್ಸೆಗ್ ಕೇಸ್ಡ್ ಗುನಮಲ್ತ್ ಕೊರಿನ ಸಾರೊ ಸಾರೊ ಪ್ರಸಂಗಲುಲ್ಲ. ಅಂಚಿನ ಒಂಜೊಂಜಿ ಪ್ರಸಂಗಲು ಒಂಜೊಂಜಿ ಕಾದಂಬರಿ ಬರೆಪುನಂಚಿನ ಬೇತೆ ಬೇತೆ ವಿಷಯ ಇತ್ತ್ಂಡ್, ಆರ ವಾದ-ಪ್ರತಿವಾದದ ಬಿರಾತಿಕೆ ಸಾಮಾನ್ಯ ಜನಕ್ಷೆಗ್ ಮಾತ್ರತ್ ಬುದ್ದಿವಂತಿಕೆಡ್ ವಕೀಲೆಲ್ಲ ಬಿರೆಲ್ ಅಗ್ಗಿಯೊಂದಿತ್ತೆರ್ಗೆ, ಕೆಲವೆರ್ ಆರ್ ವಾದ ಕೇನ್ರಿಗಾತ್ರನೇ ಕೋರ್ಟ್ಗ್ ಬರೊಂದಿತ್ತೆಗೆ ಎಚ್ಚ ಪನ್ನುನಾಂಡ, ನ್ಯಾಯಸ ಕೊರುನಂಚಿನ ತೀರ್ಪುಡ್ ಶಿವರಾಯರ ಪಾತೆರದ ಪಾಯಿಂಟ್ಲೆನೇ ಬಲಸೊಂದಿತ್ತೆಗೆ ಮೊಳಹಳ್ಳಿ ಶಿವರಾಯೆರ್ / 9 3
