ಅಧ್ಯಕ್ಷೆರೆನ ಮದಿಪು ತುಳುನಾಡ್‌ ಪ್ರಾಕ್‌ಡ್‌ದಿಂಚಿ ನಮ್ಮ ಹಿರಿಯಾಕುಲು ಪಂಡೊಂದು ಬತ್ತಿಂಚಿ ಅಜ್ಜಿ ಕತೆಕುಲು, ಪಾಡ್ಡನದ ಕತೆಕುಲು ಒಂಜಿ ಕಾಲೊಡು ನಮ್ಮ ತುಳುವೆರೆಗ್ ಅಕ್‌ಲ್ನ ಚರಿತ್ರೆನ್ ತೆರಿಪಾಯಿನ ಕಲ್ಪಾಯಿನ ವಿದ್ಯೆಲು. ಕೋಟಿ ಚೆನ್ನಯೆರ್, ಸಿರಿ, ಅಬ್ಬಗೆ ದಾರಗೆ, ದೇವು ಪೂಂಜೆ, ಅಗೋಳಿ ಮಂಜಣೆ, ಪುತ್ತೂರು ಬಾಚೆ, ಪರತಿ ಮಂಗಣೆ ಇಂಚ ಏತೇತೋ ಆಂಜೊವು ಪೊಂಜೊವೆಲೆನ ಪುದರ್‌ಲೆನ್, ಕರ್ತನ್ ನಮ್ಮ ಹಿರಿಯಾಕುಲು ಕೇಂಡೊಂದು ಕಲ್ಲೊಂದು ಮಲ್ಲೆ ಆತ. ಒಂಜಿ ಕಾಲದ ಅಜ್ಜಿ ಅಜ್ಜೆ ಕುಲು ಪುಳ್ಳಗ್ ಪನೊಂದಿತ್ತಿನ ಕತೆಕ್ಲಡ್ ಕುಸಾಲ್ ಇತ್ತ್ಂಡ್, ಕುಸೆಲ್ ಇತ್ತ್ಂಡ್, ಕನಕಟ್ಟುನ, ಗೇನ ಪುಟ್ಟಾವುನ ಶಕ್ತಿ ಇತ್ತ್ಂಡ್. ತೆಲ್ಡ್ ತೆಲ್ತ್‌ದ್ ಬಂಜಿ ಉರ್ಕಾವು ಉಲ್ಲಾಸ ಇತ್ತ್ಂಡ್, ಇಂಚ ತೆಲಿಪುನ ಯೋಚನೆ ಮಲ್ಪುನ ಪೊಸ ಲೋಕೊಗು ಪೋಪುನ, ಪೊಸ ಸಾದಿ ಪತ್ತುನ, ಪೊಸ ವಿದ್ಯೆಲೆನ್ ತುಳುವೆರ್ ಕಲ್‌ದ್‌ ಅಲ್ಲಿನ ಅಜ್ಜಿ ಕತೆಕ್ಸೆಡ್, ಇಂಚಿತ್ತಿ ಅಜ್ಜಿ ಕತೆಕ್ಕೆ, ಪಾಡ್ಡನದ ಕತೆಣ್ಣೆ ರುಚಿನ್ ನಮ್ಮ ಪೊಸ ಕಾಲದ ತುಳುವ ಜೋಕೆಗ್ ಪುಟ್ಟವೊಡು ಪನ್ನಿ ಆಸೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದವು. ಅಂಚಾದ್ ಈ ತುಳು ಕತೆ ಬೂಕುಲೆನ್ ತುಳು ಸಾಹಿತಿಲೆಡ ಬರೆಪಾದ್ ಕತೆಕ್‌ಲೆಗ್ ಬೋಡಾಪಿನ ಚಿತ್ರೋಲೆನ್ ಸೇರಾದ್ ಬೂಕುಲೆ ಮೋನೆಲೆಗ್ ರಂಗ್ ಪಾಡ್ತಾದ್ ತುಳು ಜೋಕುಲೆ ಮಟ್ಟೆಲ್‌ಗ್ ಪಾಡೊಂದುಂಡು. ತುಳು ಸಾಹಿತ್ಯ ಅಕಾಡೆಮಿ 1994ಟ್ಸ್ ಈ ಕತೆ ಬೂಕುಲೆನ್ ಬರೆಪವುನ ಯೋಚನೆ ಮಲ್ತ್ದ್ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್‌ದೊಟ್ಟಿಗೆ ಸೇರ್‌ದ್ ಅಚ್ಚಿ ಮಲ್ಪುನ ಯೋಜನೆ ಇತ್ತ್ಂಡ್. 20ಜನ ಸಾಹಿತಿ ಕುಲು ಅಕಾಡೆಮಿಡ್ ಸೇರ್ ಚರ್ಚೆ ಮಲ್ತ್ದ್ ಈ ಬೂಕುಲೆನ್ ಬರೆದ್ ಕೊರರ್, ಬೇತೆ ಬೇತೆ ಕಲಾವಿದೆ ಕುಲು ಈ ಬೂಕುಲ್ನ ಮೋನೆದ ಚಿತ್ರೋಲೆನ್ನ ಉಳಯಿದ ಚಿತ್ರೋಲೆನ್ನ ಬರೆದ್ ಕೊರರ್, ಆಂಡ 1995ಟ್ಸ್ ತುಳು ಸಾಹಿತ್ಯ ಅಕಾಡೆಮಿ ಅಸ್ತಿತೊಡು ಇಜ್ಜಂದಿನೆಡ್ಡಾದ್ರಾ, 1996ಟ್ಸ್ ಅಕಾಡೆಮಿಗ್ ಪೊಸ ಜುವ ಕೊರ್ನಗ ಜಿಲ್ಲಾ ಪಂಚಾಯತ್‌ ಯೋಜನೆ ಉಂತುದು ಪೋಯಿನೆಡ್ಡಾ‌ಾ ಬೊಕ್ಕ ಅಕಾಡೆಮಿದ ಪಣವುದ ಈ ಮಾತ ತಾಪತ್ರಯೊಲೆಡ್ಡಾಗ್ಲಾ ಈ 20 ಬೂಕುಲೆನ್ ಅಚ್ಚಿ ಮಲ್ಪುನ ಕೆಲಸೊ ದುಂಬು ದುಂಬೇ ಪೋಂಡು. ಆಂಡ ಇತ್ತೆ ಎಂಚಲಾ ಮನಸ್ ಮಲ್ತ್ದ್ ಈ ಎಣ್ಣೆ ಕೆಲಸೋನು ಕೋಡಿ ಎತ್ತವೊಡುಂದು ತುಳು ಸಾಹಿತ್ಯ ಅಕಾಡೆಮಿ ಈ 20 ಬೂಕುಲೆನ್ ಅಚ್ಚಿ ಮಲ್ಲೊಂದುಂಡು. ಈ ಬೂಕುಲೆನ್ ಬರೆದ್ ಕೊರುನ ಮಾತ ತುಳು ಸಾಹಿತಿಲೆನ್ಹಾ, ಅವೆಕ್ಟ್ ಚಿತ್ರ ಬರೆದ್ ಕೊರಿ ಕಲಾವಿದೆರೆನ್ನಾ ಅಕೆಡಾಮಿ ಮೋಕೆಡ್ ನೆನತೊಂದುಂಡು. ಉಂದೆಟ್ ಮುಡಿಪ್ಪ ರಾವಂದಿ ಮಲ್ಲಿಗೆ ಕತೆ ಬೂಕುನು ಪೊರ್ಲುಡು ಮೊಡೆದ್ ಕೊರಿನ ಎನ್. ಕೊಯಿರಾ ಬಾಳೆಪುಣಿ ಮರೆಗ್ ಅಕಾಡೆಮಿದ ಪುದರ್‌ಡ್ ಸೊ ಸಂದಾವೊಂದುಲ್ಲೆ. ಈ ಬೂಕುಗು ಅಕ್ಷರ ಜೋಡಣೆ ಮಲ್ತ್‌ ಕೊರಿನ ಆಕೃತಿ ಕಂಪ್ಯೂಟರ್ಸ್‌ದ ಕಲ್ಲೂರು ನಾಗೇಶ್ ಬೊಕ್ಕ ನಳಿನಿ ಸುವರ್ಣ ಮೊಕ್ಷೆಗ್ಲಾ, ಕಡಮೆ ಕಾಲೊಡು ಪೊರ್ಲು ಪೊಲಿಗೆಡ್ ಅಚ್ಚಿ ಮಲ್ತ್‌ ಕೊರಿನ ದುರ್ಗಾ ಆರ್ಟ್ ಪ್ರಿಂಟ್, ಕುಡ್ಲ ಮೊಕ್ತನ ಸಹಾಯೊನು ಅಕಾಡೆಮಿ ಏಪಲಾ ನೆನೆತೊನುಂಡು. ಮಂಗಳೂರು 16.10.1998 ಪ್ರೊ. ಬಿ.ಎ. ವಿವೇಕ ರೈ
