ಮರ ಪಂಡಿನ ಎತೆತ ಕತೆ ಕೇಂಡ್ದ್ ಪ್ರತಿ ಒರಿಲಾ ದುಃಖ ತಡೆಯೆರೆ ಆವಂದೆ ಪಿರಾನೆ ಬರೆರ್, ಮಾತೆರ್ ಪನ್ನೆ ಮದಿಮಲೆಡ ಈ ಆಯನ ಮೋಕೆದ ತಂಗಡಿ ಈಯೇ ಪೋಲ. ಮರ ದಂಗುಡ ತೂಲ. ಮದಿಮಾಲ್ ಪಲಯನ ದೂಪೆದಾಡೆ ಪೋಪಲ್. ಕೈ ಮುಗಿದೆ ನಟೊನುವಲ್, ಅಣ್ಣಾ..... ಬತ್ತಿ ಮದಿಮಾಯೆ ಪಿರ ಪೋಪೆ.. ಎನ್ನ ಬದ್ಕ್ ಮಣ್ ಪಾಲಾಪುಂಡು.... ಒರ ದಂಗ್ ಮಲ್ಲಿಗೆ ಒರ ದಂಗ್ ತಗೆಕ್ ಮಲ್ಲಿ ದಗೆನ್ ಮನಸ್ಸ ಡೇ ದೀವೊಂದು ಬೊಕ್ಕಲ ಬೊಕ್ಕ ಕೇಂಡೊನುವಲ್, ಆತಾನಗ ಮರ ಪನ್ನುಂಡು. - ಪೊದಿಕೆಡ್ ಕುದ್ರನ ಪೀ ಕೊಂಡು ಬತ್ತ್ ಕೊರಿಯ ಬೇಜಾರ್ಡ್ ನಿಕ್ ಬುದ್ದಿ ಪಂಡೆ ಬೆಂಗ್ಡ್ ತಗಂದ್ ತೂಯಿಜ ಅಡ ಚಾಡಿ ಪಂಡ, ಎನಡ ಪಗೆ ಸಾದಿಯ... ಆಂಡಲ ಮಜ್ಜಿ, ಬತ್ತಿ ಬಿನ್ನೆ ಪಿರ ಪೋಪರ? ನಿನ್ನ ಬದ್ಕ್ ಹಾಳಾಯೆರೆ ಬಲ್ಲಿ ಅತ್ತ! ಈ ಸುಗೊಟ್ಟು ಉಪ್ಪಡತ್ತ! ನಿಕ್ ಬೋಡಾಯಿನೆ ಮಲ್ಲಿಗೆದ ಮುಗುರು ಅತ್ತ ಇಂದ ಕೊಯೊನು, ಆತ್ ಪಂಡಿನೇ ತಡ ಮರ ಒರೋನೆ ಜಗ್ಗ ಕುಲ್ಲುಂಡು. ತಂಗಡಿಗ್ ಭಾರೀ ಕುಸಿ ಆಂಡ್, ಮರಕ್ ಬಡತ್ ಬೋಡಾಯಿನಾತ್ ಮಲ್ಲಿಗೆದ ಮುಗುರು ಕೊಯಿದ್ ಪೊದಕೆ ಸೆರಂಗ್ಡ್ ಪಾಡೊನುವಲ್, ಆತಾನಗ ತೂಯಿ ತೂಯಿಲೆಕ್ಕನೆ ಮರ ಒರೋನೆ ಆಕಾಸದಾತ್ ಮಿತ್ತೊಗ್ ಪೋಪುಂಡು, ಆತೇ ರಭಸೊಗು ತಿರ್ತ್ ಪಾಡುಂಡು. ತಂಗಡಿ ಬೂರು ಸೀಂತ್ ಪೋಪಲ್, ಸೈತೇ ಪೋಪಲ್. ಇಡೀ ಊರುಗೆ ಸುದ್ದಿ ಆಪುಂಡು. ಊರುಗು ಊರೇ ಸೇರುಂಡು, ತಂಗಡಿ ತನ್ನ ತಗೆ ಮಲ್ಲಿನ ದಗೆ ಮಾತೆರೆಗ್ಲಾ ತೆರಿಯುಂಡು, ಮಲ್ಲಿ ಮೋಸೊಗು ಸರಿಯಾಯಿನ ಫಲ ತಿಳ್ಕೊಂಡ್, ಕೂಡಿ ಬಿನ್ನೆರ್, ಅಪ್ಪೆ, ಅಮ್ಮೆ, ತಮ್ಮಲೆ ಕೂಡ್ಡು ತಗೆನ ದೂಪದ ಕೈತಲ್ ಮಣ್ ಮಲ್ಪುವೆರ್. ತಗೆನ ದೂಪೆಡ್ ಇತ್ತಿನ ಮಲ್ಲಿಗೆ ತಂಗಡಿಗ್ ಕಡೆಲಾ "ಮುಡಿಪ್ಪೆರಾವಂದಿ ಮಲ್ಲಿಗೆ" ಆದೇ ಒರಿಂಡ್. 9 20 ત્ર
