ಈಲ ಅಂಚನೆ ಮಲ್ಪೊಡು. ಯಾನ್ ಬೇಲೆಗ್ ಪೋದು ಬನ್ನಗ ಈ ಹುಪ್ಪಾ ಅಡ್ಯೆ ಮಲ್ಪೊಡು" ಪನ್ದ್ ಪೋಪೆ. ಮೋಲೆಗ್ ಹುಪ್ಪಾ ಪಂಡ ದಾದಂದ್ ಗೊತ್ತಾಪುಜಿ. ಇಂಬೆ ಬೇಲೆಡ್ದ್ ಬತ್ತ್ದ್ ಹುಪ್ಪಾ ಓಲುಂಡು ಕೇನುವೆ. ಆಲ್ ಪನ್ಪಲ್ ಎಂಕ್ ಗೊತ್ತಿದ್ದಿ. ಯಾನ್ ಮಲ್ತಿಜ್ಜಿ ಪನ್ಪಲ್.ಐಕ್ ಇಂಬ್ಯಗ್ ಕೋಪ ಬತ್ತ್ದ್ ಬುಡೆದಿಗ್ ಒಂಜಿ ಪೆಟ್ ಬುಡಿಯೆ. ಅಪಗ ಆಲ್ ಅಯ್ಯೋ ಅಪ್ಪಾ.. ಅಯ್ಯೋ ಅಪ್ಪಾ ಪಂಡ್ದ್ ಬೊಬ್ಬೆ ಪಾಡುವಲ್. ಆತ್ ಪೊರ್ತಾನಗ ಆಯೆಗ್ ಅಪ್ಪದ ನೆನಪು ಬತ್ತ್ಂಡ್. ಅಪಗ 'ಅಪ್ಪ' ಅಡ್ಯ ಪನ್ಪೆ. ಅಂಚೆನೆ ಆಲ್ ಅಪ್ಪ ಮಲ್ಪುವಲ್. ಅಪ್ಪ ಮಲ್ತ್ದ್ ಅಕುಲು ತಿಂದೆರ್.
ಪಂಡಿನಾರ್ : ಸುಂದರಿ ಶೆಡ್ತಿ, ಎಕ್ಕಾರು
ಮರ್ಜಿರೆ ಮನೆ
ಎಕ್ಕಾರು ಅಂಚೆ ಮತ್ತು ಗ್ರಾಮ
ಮಂಗಳೂರು ದ.ಕ.
ತಾಂಟೆ, ಮೋಂಟೆ ಬೊಕ್ಕ ತೌತೆ
ರಡ್ಡ್ ಜನ ಪಲಯಲ್ಲು.ಒರ್ತಿ ತಂಗಡಿಲಾ ಇತ್ತೆರ್ಗೆ.ಪಲಯಲ್ಲು ತಾಂಟೆಲಾ, ಮೋಂಟೆಲಾ ತಂಗಡಿ ತೌತೆ. ಒಂಜಿ ದಿನ ತಾಂಟೆಲಾ ಮೊಂಟೆಲಾ ಕಂಡೊಗು ದಪ್ಪೆರೆ ಏರು ಬುಡೊಂದು ಪೋಯೆರ್. ಅಡೆ ಒಂಜಿ ರಕ್ಕಸೆ ಬತ್ತೆ. ನಿಕುಲು ಎಂಚಿನಾ ದಪ್ಪುನಿ? ಯಾನ್ ದಪ್ಪುವೆ ಪಂಡ್ದ್ ದಪ್ಪೆರೆ ಪತ್ತ್ಯಯೆ. ದಪ್ಪೆರೆ ಪತ್ತ್ದ್ ರಡ್ಡ್ ಸುತ್ತು ತಿರ್ಗ್ದಾನಗ ಬಡ ಆಪುಂಡು ಪಂಡೆ. ಅಯಿಕ್, ಪೋ ಎಂಕ್ಲೆನ ಇಲ್ಲಲ್ ತಂಗಡಿ ತೌತೆ ಉಳ್ಳಳ್. ರಡ್ಡ್ ಗಂಜಿ ಕೇಂಡ್ದ್ ಉಣ್ ಪಂಡೆರ್. ಇಲ್ಲಲ್ ಬತ್ತ್ದ್ ವನಸ್ ಕೇಂಡೆ. ವನಸ್ ಕೊರುಪುಜಿ ಪಂಡಳ್. ಅಂಚ ಪಿರ ರಕ್ಕಸೆ ಕೊರುಪಜಳೂ ಪಂಡ್ದ್ ಲೆತ್ತ್ ಪಂಡೆ. ತಾಂಟೆಲಾ, ಮೋಂಟೆಲಾ ಕೊರುದೇ ಪಂಡ್ದ್ ಲೆತ್ತ್ ಪಂಡೆರ್. ಮೋಲೆಗ್ ಕೇಂಡ್, ಅಂಡ ಇಂಬ್ಯೆ ಉಣಿಯರ ಪೋತುನಾಯೆ ತೋಜುಜೆಂದ್ ದಪ್ಪುನಲ್ತ್ ಇಲ್ಲಡೆ ಬತ್ತೆರ್. ಬತ್ತ್ದ್ ತೌತೆ, ತೌತೆಂದು ಲೆಪ್ಪುನಗ ತೌತೆ ಇಜ್ಜಳ್. ಅಳೆನ್ ನಾಡೊಂದು ಪಿರಾನೆ ಪೋಯೆರ್.
ಮೊಕುಲು ಪೋನಾಗ, ಒಂಜಿ ಪಕ್ಕಿ ತುಳ್ಳು, ತುಳ್ಳೊಂದು ಸೈತ್ ಪೋಂಡು. ಅಪಗ ಮೆಗ್ಗೆ ಪಂಡೆ. "ಅಲಾ ಅಣ್ಣ, ಪಕ್ಕಿ ತುಳ್ಳು ತುಳ್ಳೊಂದು ಸೈತ್ ಪೋಂಡು. ಕೊಂದರೊಡಾ
6
.
