ಪೋನಗ ಮೋಲ್ನ ಇಲ್ಲ್ ಅರಮನೆ ಪೊತ್ತುದ್ ಪೋಪುಂಡು. ಅಪಗ ತುತ್ತುದಿ ಕುಂಟುಡೇ ಉಂತಿನ ನುಪ್ಪುಡೇ ಅಪ್ಪೆ - ಅಮ್ಮ ಮಗಲ್ ಪಿದಡೊಂದು ಪೋಪೆರ್. ಪಿದಡ್ದ್ ಪೋಯಿನಲಕ್ಕನೆ ಬರ್ಸ ಕುಮಾರೆ ಪೋದು ಧರ್ಮದ ಕಟ್ಟೆಡ್ ಪುಣ್ಯದ ನೀರ್ ದೀಪಾವೆರ್. ಐರ್ದ್ ಅಕರ ಪೋಪೆರ್ ಕೊಡತ್ತಾಯನ್ ಕಡಪುವೆರ್, ಐರ್ದ್ ಅಕರ ಪೋಪೆರ್ ಮುಟ್ಟುದಾಯಿನ್ ಕಡಪುವೇರ್.ಐರ್ದ್ ಅಕರ ಪೋಪೆರ್ ಕಾಜಿದಾಯನ ಕಡಪುವೆರ್. ಮೊಕುಲು ಉಂಡಿ ನುಪ್ಪುಡು ಪಿದಡೊಂದು ಪೋನಗ ಪನ್ಪೆರ್ "ಏರಪ್ಪ ನಿಕುಲು ದೊಂಬು ಗಾಲಿಗ್ ಬಾಲೆನ್ ಲೆತೊಂದು ಪೋಪರ್? ಧರ್ಮದ ಕಟ್ಟೆಡ್ ಪುಣ್ಯದ ನೀರುಂಡು ಕೊರ್ಲೆ" ಪಂದ್ ಪನ್ಪೆರ್. "ಅಂದಾ ಮಗಾ ಬೋಡ" ಪಂದ್ ಕೇನುಬೆರ್. ದುಂಬುಗ್ ಪರ್ತೆ ಅಪ್ಪೆರೆ, ನನೊಗು ಪರ್ವೆ ಪಂದ್ ಅಲ್ತ್ ಲಾ ಪೋಪೆರ್ ಮೋಕುಲು.
ಐರ್ದ್ ಅಕರ ಪೋನಗ ಮುಟ್ಟುದಾಯೆ ಬರ್ಪೆ. (ಉಂದು ಪೂರಾ ಬರ್ಸ ಕುಮಾರೆ ಕಡಪುಡುನೆ) ಆ ಬಾಲೆನ ಕಾರ್ಗ್ ರಡ್ಡ್ ಮುಟ್ಟುಲಾ ದಾಂತೆ ಲೆತೊಂದು ಪೋಪರೇ, ರಡ್ಡ್ ಮುಂಡಲಾ ದೆತ್ ತ್ ಕೊರ್ಲೆ" ಪಂದ್ ಪನ್ಪೆ. "ಅಂದಾ ಮಗಾ ಬೋಡಾ" ಕೇನ್ವೆರ್ "ದುಂಬುಗು ಪಾಡ್ದೆಅಪ್ಪೆರೆ ನನಗೆಲಾ ಪಾಡ್ವ?" ಪನ್ಪಲ್, ಪೋಪೆರ್. ಐರ್ದ್ ದುಂಬು ಪೋನಗ ಕೊಡೆತ್ತಾಯೆ ಬರ್ಪೆ "ಆ ಬಾಲೆಗ್ ಒಂಜಿ ಕೊಡೆ ಆಂಡಲಾ ದೆತ್ತ್ ಕೊರ್ಲೆಪ್ಪೆರೆ" ಪಂದ್ ಪನ್ಪೆ. "ದುಂಬುಗು ಪತ್ದೆ ಅಪ್ಪೆರೆ, ನನೊಗು ಪತ್ತೆ" ಪಂದ್ ಪೋಪೆರ್., ಆತ್ ಪೊರ್ತಾನಗ ಮೊಕ್ಲೆಗ್ (ಅಪ್ಪೆಗ್ಲಾ, ಅಮ್ಮೆಗ್ಲಾ) ಕೋಪ ಬಯ್ದ್ಂಡ್. ಮೊಲೆನ್ ಬುಡ್ಯೆರ್ - ಅಕುಲೊಂಜಿ ತಾದಿ ಪತ್ತುವೆರ್. ಮೊಲೊಂಜಿ ತಾದಿ ಪತ್ತುವಲ್.
ಮೋಲು ಪೋಪೋ ಪೋನಗ ಬರ್ಸ ಕುಮಾರ ಅರೆನ ಎರಮನೆಡ್ ಕುಲೊಂದು ಏಳ್ ಮಾಲಿಗೆಡ್ ಕಂಡಿದ ಕೈಸಂದ್ ಡ್ ಒಲ್ಪ ಪೋಪಲ್ ಪನ್ದ್ ತೂಪೆರ್. ತೂನಗ ಪನ್ಪೆರ್, ಪಲಿನ್ ಲೆಪ್ಪುವೆರ್. 'ಅಕ್ಕರೆ, ಅಕ್ಕರೆ ಒಲೆ ಅವೊಂಜಿ ಪೊನ್ನು ಪೋಪೊಲು ಅಲೆನ್ ಲೆಪ್ಪುಲೆ, ನಂಕ್ ಕೆಲಸಗಾವು ಲೆತೊಂದು ಬಲೆ' ಪನ್ಪೆರ್. ಅಪಗ ಬರ್ಸ ಕುಮಾರನ ಪಲಿ ಬರ್ಪೆರ್. ಬತ್ತ್ದ್ "ಓಡೆ ಪೋಪಿನಾಲ್?" ಅಪಗ "ಬೆನೆರಾತ್ ಬೇಲೆ ಓಲುಂಡು, ಉನೆರಾತ್ ನುಪ್ಪು ಓಲುಂಡು? ಅಡೆಗ್ ಯಾನ್ ಪೋಪಿನಿ ಪಂದ್ ಪನ್ಪೊಲು. ಅಪಗ ಆರ್ ಪನ್ಪೆರ್, "ಅಪಗ ಎಂಕಲ್ನ ಇಲ್ಲಡೆ ಬಲ ಬೆನೆರಾತ್ ಬೇಲೆ ಉಂಡು, ಉನರಾತ್ ನುಪ್ಪು ಉಂಡು" ಪಂದ್ ಲೆತ್ತೊಂದು ಬರ್ಪೆರ್. ಲೆತ್ತೊಂದು ಬನ್ನಗ ಪನ್ಪೆರ್ "ಅಕ್ಕರೆ, ಯಾನ್ ದೆಂಗ್ದ್ ಕುಲ್ಲುವೆ, ಇತ್ತೆ ಅಲೆನ್ ಕತ್ತಿ, ಬಲ್ಲ್ ದಾಂತೆ ಒಂಜಿ ಕಟ್ಟ ತಪ್ಪು ಕನರೆ ಪನೊಡು" ಪಂದ್ ಪನ್ಪೆರ್.
22
