ಬನ್ನಗ, ಬರ್ಸ ಕುಮಾರಗ್ ಒರ್ತಿ ಸೂಲೆ ಉಲ್ಲಲ್.ಸೂಲೆನ ಅರಮನೆತ ಬಾಕಿಲ್ಡ್ ಒಂಜಿ ಅತ್ತೊಸ (ಅಶ್ವತ್ಥ) ಮರಟ್ ಕುಲ್ಲೊಂದು ಕಾಕಾ ಪಂದ್ "ಮೂಜಿ" ಕರೆಪುಂಡು. ಅಯ್ಯೋ ದೇವರೆ ಕಕ್ಕೆ ದಾಯೆ ಬತ್ತ್ಂಡಪ್ಪ? ಪಿದಯಿ ಬತ್ತ್ ತೂನಗ ಕಕ್ಕೆದ ಕಂಟೆಲ್ಡ್ ಸೆರಂಗ್ ನೇಲುಂಡು. "ಅಯ್ಯೋ ಕಕ್ಕೆ ತೂಪೆ ಕೊರ್ಪೆ" ಇಂದ್ ಪನ್ಪೊಲು. ಅಪಂಡ ದೇವರ್ ಕೊರ್ತಿನ ಸರ ಅವು ಯಾನ್ ಕೊರ್ಪುಜಿ.ಅರಸು ಮಗಳ್ನ ಕಂಡಿದಲ್ಪ ದೀವರೆ ಪಂತೆ. ಯಾನ್ ಕೊರ್ಪುಜಿ ಪಂದ್ ಪನ್ಪುಂಡು. "ಯಾನ್ ತೂಪೆ ಕೊರ್ಪೆ. ನಿಕ್ಕೊಂಜಿ ಕೊಪ್ಪರ ಕೊರ್ಪೆ ಪಂಡ್ದ್ ಸೆರಂಗ್ ದೆತೊನ್ವಲ್. ಕೊಪ್ಪೊರೊನ್ ಕೊರ್ಪಲ್. ಉಲಾಯಿ ಪತೊಂದು ಪೋಪಲ್. ನೆಟ್ ಇತ್ತಿನ ಬಂಗಾರ್ನ್ ಪೂರಾ ದೆತ್ತ್ ಗುಡ್ಡೆಗ್ ಪೋಪಲು ಪೋದು ಕೇರಿ, ಮರಿ, ಮಣ್ಣ್, ಮಸನ ಪೂರಾ ಕಂತ್ ದ್ ಕಕ್ಕೆದ ಕಂಟೆಲ್ಗ್ ಕಟ್ದ್ ಬುಡ್ಪಲ್, ಕಕ್ಕೆ ಪೋಪುಂಡು. ಪೋದು ಅರಸು ಮಗಲ್ನ ಕಂಡಿದ ಕೈ ಸಂದ್ಡ್ ದೀಪುಂಡು. ಇಂಚನೇ ಅವು ಉಪ್ಪುಂಡು.
ಒಂಜಿ ದಿನ ಪನ್ಪಲ್, "ದೇವೆರ್ ಕೊರು ಕಡಪುರ್ದು ಈತ್ ದಿನಾಂಡ್, ಯಾನ್ ಉಂದೆನ್ ದಾದಾ ಪಂದ್ ತೂತುಜ್ಜಿ” ಪಂಡ್ ತರೆಮಿನಿ ಬರ್ಚುವಲ್. ಕಾರ್ ನೀಟ ಕುಲ್ದು ಪಿರ ಮೈತ ಬಾಯಿ ದೆಪ್ಪುನಗ ಮೊಲೆನ್ ಮಾತಾ ದೀಪೆ ತಿನ್ಪೆ ಪಂದ್ ಅಂಚಿ ಇಂಚಿ ಪಾರುಂಡು. ಬೊಬ್ಬೆ ಪಾಡ್ಬಳ್. ಪಾಡ್ನಗ ಅಪ್ಪೆ ಅಮ್ಮ ಪಾರ್ ಬರ್ಪೆರ್. ಪತ್ದ್ ಕೆರ್ಪಾವುನೆನ್ ಕೆರ್ಪಾವರ್. ಪುಂಚೊಗು ಬುಡ್ಪಿನೆನ್ ಪುಂಚಗ್ ಬುಡ್ಪೆರ್. ಮೊಕುಲು ಇಂಚನೆ ಉಲ್ಲೆರ್. ಉಪ್ಪುನಗ ಮೋಲು ಭಾರೀ ಮಲ್ಲ ಎತೆಟ್ಟೇ ಬೂರ್ವೊಲು. ದೇವರೇ ಬತ್ತ್ದ್ ಎನ್ನೊಟ್ಟು ಈತ್ ದಿನ ಇತ್ತ್ದ್ ಇನಿ ಎನನು ಕೆರೊಡು ಪಂದ್ ಕಾತೆರ್ ಪಂದ್ ಪನ್ಪಲ್. ಬಂಜಿದ ಬಡವುಗು ಉನ್ಸಲ್, ಕಂಕನಿ ಜೆಪ್ಪುವಳ್, ಇಂಚನೆ ಉಪ್ಪುನಗ ಒಂಜಿ ದಿನಾನ ದಿನೊಟ್ಟು ಯಾನ್ ಕಕ್ಕೆಡ ಕಡಪುಡ್ಡು ಎಡ್ಮ ದಿನ ಆಪುಂಡು. ಎಂಕ್ ಪೋದ್ ಬರೊಡು ಪಂಡ್ದ್ ಮದ್ಯ ಪದ್ರಾಡ್ ಗಂಟೆ ರಾತ್ರೆಗ್ ಬರ್ಸ ಕುಮಾರೆ ಬರ್ಪೆ. ಬನ್ನಗ ಬಾಕಿಲ್ದೆಪ್ಪು ಪನ್ಪೆ ಬಾಕಿಲ್ಲದೆಪ್ಪು ಪನ್ನಗ ಬಾಕಿಲ್ ದೆಪ್ಪುಜಲ್. ಬಂಜಿದ ಬಡವುಗು ಉನ್ನುಜಲ್, ಮೈತ ಕುರೆಕ್ಕು ಮೀತ್ಜಲ್, "ಬಾಕಿಲ್ಲೆಪ್ಪು" ಪನ್ಪೆರ್ ದೆಪ್ಪುಜಲ್, ದೆಪ್ಪಂದಿನಪಗ ಬಾಕಿ ತೊರುತು ಬಿಚ್ಚಾವೆರ್. "ಯಾನ್ ನಿಕ್ಕ್ ದಾದ ಕಮ್ಮಿ ಮಲ್ತೆ - ಬಂಗಾರೇ ಕಮ್ಮಿ ಮಲ್ತೆನಾ - ದಾದೆಟ್ಟ್ ಕಮ್ಮಿ ಮಲ್ತೆ ಎನಡ ಪನಲಾ ಪಂದ್ ಕೇನುವೆರ್. ಅವೆನ್ನಾ ಪನ್ಪುಜೋಲು. ಭಾರೀ ಮಲ್ಲ ಕೋಪ ತೋಜುಂಡು ಮೆರಗ್. ಅಪಗ ಯಾನ್ ನಿಕ್ಕ್ ಮೂಜಿ ವರ ಕೊರ್ಪೆ "ಆಲಾದ್ ಪೋಪ, ಆಲಾದ್ ಪೋಪ, ಆಲಾದ್ ಪೋಪ" ಪಂದ್ ಕೋಪೊಡು ಜತ್ತೊಂದು ಪೋಪೆರ್.
21
