ಅಂಚಾನೇ ಮನದಾನಿ ಪುಲ್ಲಿಗ್ ಒಂಜಿ ನಾಯಿದ ಕಿನ್ನಿನ್ ಕೊರ್ಪೆರ್. ಇಂಬೆ ಅವೆನ್ ತರೆಟ್ ತುಂಬೊಂದ್ ಬನ್ನಾಗ ಸಾದಿಡ್ ಏಳು ಉಪ್ಪರಿಗೆದ ಮಿತ್ತ್ ಇತ್ತಿ ಆ ಊರುದ ರಾಜಕುಮಾರಿ ತೂಪೊಲ್.ಆಲ್ ಆಯಿನೆಟ್ಟಾ ತೆಲ್ತಿನವೇ ಇಜ್ಜಿ.ಅಂಚಾದ್ ಆ ಊರ ಅರಸೆ,ಅಲೆನೊ ತೆಲಿಪಯಿನಕಲೆಗ್ ಆಯನ ರಾಜ್ಯ ಬೊಕ್ಕ ಮಗಳೆನ್ ಕೊರುದು ಮದಿಮೆ ಮಲ್ಪುವೆ ಪಂಡ್ದ್ ಡಂಗುರ ಸಾರ್ದ್ ಉಪ್ಪುವೆ. ಆ ರಾಜಕುಮಾರಿ ಪೆದ್ದನ ಈ ಕೆಲಸ ತೂದು ತೆಲಿಪೊಲ್ ಅಪನಾಗ ಅರಸೆ ಉಂದೆನ್ ತೂದ್ ಪೆದ್ದನ್ ಲೆತ್ತ್ದ್ ಆಯಗ್ಲಾ - ರಾಜಕುಮಾರಿಗ್ಲಾ ಮದಿಮೆ ಮಲ್ತ್ ದ್ ಆಯನ ಇಡೀ ರಾಜ್ಯ ಕೊರ್ಪೆ.
ಪಂಡಿನಾರ್ : ಪ್ರಿಯಜ್ಯೋತಿ
ರೋಡ್ರಿಗಸ್ ಕಾಂಪೌಂಡ್
ಎಕ್ಕಾರು ಅಂಚೆ, ಮಂಗಳೂರು, ದ.ಕ.
ಬರ್ಸ ಕುಮಾರೆ
ಅರಸು ಮಗಲ್ ಪಾರಿಜಾತದ ಪೂ ಕೊಯ್ಪೊಲು.ಪಾರಿಜಾತದ ಪೂ ಕೊಯ್ನಗ ಬರ್ಸ ತೋಜುಂಡು.ಬರ್ಸ ತೋಜುನಗ "ಅಯ್ಯೋ ದೇವರೆ, ಇತ್ತೆ ಪೋಲೆ ದೇವರೆ, ಬೊಕ್ಕ ಬಲೆ ಪಂದ್ ಪನ್ಪಲ್.ಬರ್ಸ ಪೋಂಡು,ಹೂ ಕೊಯ್ಪಳ್, ಕನಪ್ಪಲ್,ಆಲ್ ಜೆಪ್ಪು ಕೋನೆಡ್.ದೀಪೋಲ್,ಮೀದಾನಗ ರಾತ್ರೆದ ಪೊರ್ತಾಂಪುಂಡು.12 ಗಂಟೆ ರಾತ್ರೆಗ್ ಬರ್ಸ ಕುಮಾರೆ ಬರ್ಪೆರ್. ಬತ್ತ್ದ್ ಅಕುಲು ಬಾರೀ ಸುಖ ಸಂತೋಡೊಡು ಉಪ್ಪುವೆರ್.ಎಳ್ ಇರ್ಲ್ಡ್ ಎಂಡ್ಮ ಪಗೆಲ್ಡ್ ಉಲ್ಲೆರ್ - ಉಪ್ಪುನಗ ಒಂಜಿ ದಿನಾನಾ ದಿನೊಟ್ಟು ಪನ್ಸರ್, "ಅಯ್ಯೋ ಅರಸು ಮಗಳೆ ಯಾನ್ ಪೋಪೆ.ಯಾನ್ ಬತ್ತ್ದ್ ಎಡ್ಮ ದಿನಾಂಡ್ ನಿಕ್ ದಾದ ಬೋಡು ಪನ್ಲಾ- ಐಕ್ ಆಲ್ ಪನ್ಪೊಲು,"ಎಂಕ್ ದಾಲಾ ಬೊಡ್ಚಿ"ಆತ್ ಆಯಿನಿ ಮೇರ್ ಪೋಪ. ಪೋದಾನಗ ದೇವೆರ್ ಕಕ್ಕೆನ್ ಲೆಪ್ಪುವೆರ್, ಲೆಡ್ದ್ ಪನ್ಪೆರ್ "ಅರಸು ಮಗಳ ಕೈತಲ್ ಏಳ್ ಇರ್ಲ್ಡ್ ಎಡ್ಮ ದಿನೊಟ್ಟು ಯಾನ್ ಇತ್ತೆ.ದಾಲಾ ಕೊರ್ತುಜಿ ಪನ್ಪೆರ್.ಕಕ್ಕೆದ ಕಂಟೆಲ್ಡ್ ಬಂಗಾರ್ ಪಾಡ್ದ್ ಬುಡ್ಪೆರ್. "ಓಲ್ಲಾ ಉಂತರೆ ಬಲ್ಲಿ,ಅರಸು ಮಗಲ್ನ ಕಂಡಿದ ಕೈ ಸಂದ್ಡ್ ಈ ಸೆರಂಗ್ ನ್ ಕೊರ್ಲ ಪನ್ಪೆರ್. ಕೊರ" ಪಂದ್ ಪನ್ಸರ್. "ಆವು" ಪನ್ನುಂಡು ಕಕ್ಕೆ, ಪಾರ್ ಬರ್ಪುಂಡು.
20
