ಜೋಗಿ ಪುರುಷೆ
ಒರ್ತಿ ಅರಸು ಬೊಡೆದಿ ಉಲ್ಲಲು. ಆಳ್ ಬಂಜೆತ್ತುಜೊಲು. ಒಕ್ಕೆಲ್ಡ್ ಒಂಜಿ ಪೊಣ್ಣು ಮಗಲ್ ಉಂಡು. ಅಯಿನ್ ಅಜ್ಜಿ ತಾಂಕುವೊಲು, ಬಾಲೆನ್ ಮಲ್ಲ ಮಲ್ಪೊಳು. ಉಗ್ರಾಣಿ ಬಾವೆರ್ (ಅರಸುಲೆ ಉಗ್ರಾಣಿ) ಬೇಲೆಗ್ ಪೋಪೆರ್.ಪೋನಗ ಈ ಬಾಲೆ ಮಡಲ್ ಮೊಡುಪುಂಡು. ಅಜ್ಜಿ ನಟ್ಟೆರೆ ಪೋದಿಪ್ಪೊಲು. ಬಾವೆರ್ ಬಾರಿ ಪೊರ್ಲುದ ಬಾಲೆನ್ ತೂಪೆರ್. ಬಾಲೆದ ಅಜ್ಜಿ ಸೈಪೊಲು. ಈ ಬಾಲೆನ್ ಜೋಗಿ ಪುರುಷೆ ಕನಪೆ, ಕಂತ್ ತಾಂಕ್ವೆ, ಬಾಲೆ ಪೊಣ್ಣು ಮಗಳಾಯಲ್. ಪುರುಷೆ ತಾಂಕೊಂದುಪ್ಪುನಗ ಉಗ್ರಾಣಿ ಬಾವೆರ್ ಪನ್ಪೆರ್ "ಅರಸುಲೆ ಅವೊಂಜಿ ಪೊಣ್ಣು ಬಾಲೆ ಉಂಡು, ಬಾರಿ ಪೊರ್ಲುದ" ಅಂದ್. ಅರಸು ಬೊಡೆದಿಡ ಪನಪೆ. ಅಪಗ ಆಲ್ ಪಂಡೊಲು "ಅಪಗ ಆ ಬಾಲೆನ್ ಕನವೊಡು, ಆಯಗ್ ಒಂಜಿ ಕಲಸೆ ರೂಪಾಯಿ ಕೊರ್ಕ. ಆಯನ್ ಲೆತ್ತುದು ಕಾಸು ಕೊರುದು ಪೊಣ್ಣು ಬಾಲೆ ಕನಪೆರ್. ಆಲೆನ್ ಅರಸು ಮದಿಮೆ ಆಪೆರ್.ಕೇನ್ನಗ ಅರೆಗ್ ದಂಡ್ ತೋಜುಂಡು. ದಂಡ್ ತೋಜುನಗ ಮೋಲೆಗ್ ಪಂಡೆರ್ ಇಂದಾ ನಿಕ್ ಬಾಲೆಲ್ ಇಜ್ಜಿ ಮೋಲೆನ್ ಪೊರ್ಲುಡ್ ತೂಲಾ. ಏಳ್ ಉಪ್ಪರ್ಗೆ ತಿರ್ತ್ ಡ್ ಜಪ್ಪಡಾ. ಈ ಇತ್ತಿಲಕ್ಕನೆ ಸುದಾರ್ತೊಂದು ಉಪ್ಪುಲಾ" ಪಂದ್ ಪೋಯೆರ್.
ಆರ್ ಪೋಯಿನೆಡ್ದ್ ಬೊಕ್ಕ ಮೋಲು ಸುರು ಮಲ್ತೊಲು "ತಿರ್ತ್ ಪೋ, ಮೂಲು ಕುಲ್ಲರೆ ಬಲ್ಲಿ, ಅಂಚ ಮಲ್ಪು ಇಂಚ ಮಲ್ಪು" ಆರ್ ದಂಡಗ್ ಪೋನಗ ಮೋಲು ಮೂಜಿ ತಿಂಗೊಳ್ದ ಬಂಜಿನಾಲ್. ಭಾರೀ ಪೊರ್ಲುದ ಒಂಜಿ ಬಾಯ್ಕೆ ಪಾಡ್ ಪಂದ್ ದೊಡ್ಡು ಪಾಡ್ಯೆರ್ (ದೊಡ್ಡು ಉಂಡೆ) ಮೋಲು ದಾನೆ ಮತಲು ಪಂಡ, "ತಾಲ್ಯ ಕೈಡ್ದ್ ಮಗ್ಗದ ಒಂಜಿ ಕುಂಟು ದೆತ್ತೊಲು. ಸಂಪಾಯಿದ ಮುಕ್ಕೆ ಕಂತ್ದ್ ಮಾಲೆ ಕಟ್ಯೋಲು. ತರೆಕ್ ದೀಯೊಲು ನಿಂಗೊಲರಿತ್ತ ನುಪ್ಪು ಮಲ್ತೊಲು. ಇಂದ ಬಾಯ್ಕೆ ತಿನ್ ಪಂಡೋಲು. ಬಾಲೆ ತಿಂದ್ಂಡ್.
ತಿಂದ್ ದ್ ಅಂಚನೆ ಉಪ್ಪುನಗ, ಮೊಲೆಗ್ ಬೇನೆ ಬರ್ರೆ ಸುರು ಆಂಡ್. ಅಪಗ ಮೋಲು ಉರಕ್ಕೆ ಕಟ್ಯೋಲು "ಈ ಪಟ್ಟೆ ಪಟ್ಟೆ ಲಾಗ್ಯೋಡು" ಪಂದ್ ಪಂಡೋಲು.ಅವು ಕಡೀರ್ ಐಕ್ ಗೊತ್ತಾಪುಂಡಾ? ಆತ್ ಪೊರ್ತಾನಗ ಮೋಲು ಪೆದ್ಯೊಲು, ಪೊಣ್ಣು ಬಾಲೆ ತಿರ್ತ್ ಬೂರುಂಡು. ಅಪಗ ಮೋಲು ನಾಯಿದ ಕೊಕ್ಕುರ್ಲೆನ್ ಕಂತ್ ದ್ ಪಾಡ್ಯೊಲು. "ಅರಸುಲೆ ಬುಡಿದೆ ನಾಯಿದ ಕೊಕುರು ಪೆದ್ಯೊಲು" ಪಂದ್ ಅರಸುಲೆಗ್ ಓಲೆ ಕಡವೆಯಲ್. ಅಪಗ ಅರಸುಲು ಪಿರ ಓಲೆ ಬರೆಯರ್ "ಪದ್ಯೊಲ್ಡ ಪೆದ್ದಡ್. ನನೊಂಜಿ ಪೆದ್ದೊಲು. ಇತ್ತೆ ಐತ ಸುದ್ದಿ ಬುಡ್ಕ, ಪೊರ್ಲುಡ್ ತೂಲ ಅಲೆನ್" ಈ ಬಾಲೆನ್ ದಾದ ಮಲ್ತೊಲು ಪಂಡ ಕೇದಾಯಿದ
12
