♡ ಈಲ ಅಂಚನೆ ಮಡು, ಯಾನ್ ಬೇಲೆಗ್ ಪೋದು ಬನ್ನಗ ಈ ಹುಪ್ಪಾ ಅಡ್ಡೆ ಮಡು" ಪನ್ಸ್ ಪೋಪೆ, ಮೋಲೆಗ್ ಹುಪ್ಪಾ ಪಂಡ ದಾದಂದ್ ಗೊತ್ತಾಪುಜಿ, ಇಂಬೆ ಬೇಲೆ ಬತ್ತ್ದ್ ಹುಪ್ಪಾ ಓಲುಂಡು ಕೇನುವೆ. ಆಲ್ ಪನ್ಸಲ್ ಎಂಕ್ ಗೊತ್ತಿದ್ದಿ, ಯಾನ್ ಮಜ್ಜಿ ಪನ್ಸಲ್, ಐಕ್ ಇಂಬ್ಯಗ್ ಕೋಪ ಬತ್ತ್ದ್ ಬುಡೆದಿಗ್ ಒಂಜಿ ಪೆಟ್ ಬುಡಿಯೆ, ಅಪಗ ಆಲ್ ಅಯ್ಯೋ ಅಪ್ಪಾ,, ಅಯ್ಯೋ ಅಪ್ಪಾ ಪಂಡ್ದ್ ಬೊಬ್ಬೆ ಪಾಡುವಲ್, ಆತ್ ಪೊರ್ತಾನಗ ಆಯೆಗ್ ಅಪ್ಪದ ನೆನಪು ಬತ್ಂಡ್, ಅಪಗ 'ಅಪ್ಪ' ಅಡ್ಡೆ ಪನ್ನ. ಅಂಚೆನೆ ಆಲ್ ಅಪ್ಪ ಮಲ್ಲುವಲ್ ಅಪ್ಪ ಮಲ್ಸ್ ಅಕುಲು ತಿಂದೆ. ಪಂಡಿನಾರ್ : ಸುಂದರಿ ಶೆಡ್ತಿ, ಎಕ್ಕಾರು ಮರ್ಜಿರೆ ಮನೆ ಎಕ್ಕಾರು ಅಂಚೆ ಮತ್ತು ಗ್ರಾಮ ಮಂಗಳೂರು ದ.ಕ. ತಾಂಟೆ, ಮೋಂಟೆ ಬೊಕ್ಕ ತೌತೆ ರಡ್ ಜನ ಪಲಯಲ್ಲು. ಒರ್ತಿ ತಂಗಡಿಲಾ ಇತ್ತೆರ್ಗೆ ಪಲಯಲು ತಾಂಟೆಲಾ, ಮೋಂಟೆಲಾ ತಂಗಡಿ ತೌತೆ, ಒಂಜಿ ದಿನ ತಾಂಟೆಲಾ ಮೊಂಟೆಲ್ಲಾ ಕಂಡೊಗು ದಪ್ಪೆರೆ ಏರು ಬುಡೊಂದು ಪೋಯೆರ್, ಅಡೆ ಒಂಜಿ ರಕ್ಕಸೆ ಬತ್ತೆ, ನಿಕುಲು ಎಂಚಿನಾ ದಪ್ಪುನಿ? ಯಾನ್ ದಪ್ಪುವ ಪಂಡ್ದ್ ದಪ್ಪ ಪತ್ಯ, ದರೆ ಪತ್ದ್ ರಡ್ ಸುತ್ತು ತಿರ್ಗ್ದಾನಗ ಬಡ ಆಪುಂಡು ಪಂಡೆ. ಅಯಿಕ್, ಪೋ ಎಂಕೆನ ಇಲ್ಲಲ್ ತಂಗಡಿ ತೌತೆ ಉಳ್ಳಳ್, ರಡ್ ಗಂಜಿ ಕೇಂಡ್ದ್ ಉಣ್ ಪಂಡರ್, ಇಲ್ಲಲ್ ಬತ್ತ್ದ್ ವನಸ್ ಕೇಂಡೆ. ವನಸ್ ಕೊರುಪುಜಿ ಪಂಡಳ್, ಅಂಚ ಪಿರ ರಕ್ಕಸೆ ಕೊರುಪಜಳೂ ಪಂಡ್ದ್ ಲೆತ್ ಪಂಡೆ, ತಾಂಟೆಲಾ, ಮೋಂಟೆಲಾ ಕೊರುದೇ ಪಂಡ್ದ್ ಲೆತ್ ಪಂಡೆರ್, ಮೋಲೆಗ್ ಕೇಂಡ್, ಅಂಡ ಇಂಬ್ಳೆ ಉಣಿಯರ ಪೋತುನಾಯೆ ತೋಜುಜೆಂದ್ ದಪ್ಪುನ ಇಲ್ಲಡೆ ಬತ್ತೆರ್, ಬತ್ತ್ದ್ ತೌತೆ, ತೌತೆಂದು ಲೆಪ್ಪುನಗ ತೌತೆ ಇಟ್ಕಳ್, ಅಳೆನ್ ನಾಡೊಂದು ಪಿರಾನೆ ಪೋಯೆರ್. ಮೊಕುಲು ಪೋನಾಗ, ಒಂಜಿ ಪಕ್ಕಿ ತುಳ್ಳು, ತುಲ್ಲೊಂದು ಸೈತ್ ಪೋಂಡು, ಅಪಗ ಮಗ್ಗೆ ಪಂಡೆ. "ಅಲಾ ಅಣ್ಣ, ಪಕ್ಕಿ ತುಳ್ಳು ತುಲ್ಲೊಂದು ಸೈತ್ ಪೋಂಡು, ಕೊಂದರೊಡಾ 6.
