ಗಂಟ್ ಕಟೊಂದು ಬರೊಲು. 'ಅವು ಏರ್ ಕೊರಿ ಮಾತಾ' ಮಾಮಿ ಕೆಂಡೋಲ್, ಅವೆ, ಅವು ಯಾನ್ ಪೋಯಿಲೆಕನೆ ಉಪ್ಪಡ್ ಪಾಡೆರೆ ಸುರು ಮಲ್ಲಿನಿ. ಉಪ್ಪಡ್ ಪಾಡುನ ತೂದು ಯಮ ಧರ್ಮರಾಯ ಎನ್ನ ಉಪ್ಪಡ್ ಕುಸಿಯಾದ್ ಎಂಕ್ ಬಕ್ಷಿಸ್ ಕೊರ್ದು ಕಡಪುಡಿನಿಂದ್ ಪಂಡೋಲು ಮೋಲು, ಅಂಚ ಪನ್ನಗ, ಮೋಲು ಅಪ್ಪ ಸುರು ಮಲ್ಲೊಲು - ಅಂದ ಮಗಾ ನಿನ್ನ ಬೊಡೆದಿಗೆ ಆತ್ ಕೊರ್ನಗ ಎಂಕ್ ದಿಂಜ ಕೊರುವೆ, ಯಾನ್ ಬಾರಿ ಉಪ್ಪಡ್ ಪಾಡುನೆಟ್ ಪುದ ಪೋಯಿನಾಲ್ ಎನನ್ ಕರ್, ಎನನ್ ಕೆರ್ಂದ್, ಇಂಬೆ ಅಪ್ಪನ್ ಕೆರಿಯೆ, 'ಅಪ್ಪೆನ್ ಕರ್ಡ್ ಅಂಚೆನೆ ತುದೆಟ್ ಕಾಟ ಗೂರಿಯೆ, ಕಾಟ ಗೂರ್ದು ಆನಗ ಮೋಲು ತೂತ ಪೆಟ್ಟಿಗೆ ಪತೊಂದೇ ಪೋಯೊಲು, ಅವುಲು ತೂ ಕೊರಿಯರ್, ಪೊತ್ತಯೆರ್' ಪೊತ್ತದ್ ಆನಗ ಮನದಾನಿ ಇಂಬೆ ಕೇಂಡೆ - 'ಈ ಮನದಾನಿ ಬೈದ, ಅಪ್ಪ ದಾನೆ ಬಜೆ, ಅಪ್ಪೆ ದಾನ ಬಜೆಂದ್ ಅಯಿಕ್ ಮೋಲು ಪನ್ಮೂಲು 'ಯಮ ಧರ್ಮರಾಯೆ ಬುಡೊಡೆ ಇರ ಅಪ್ಪನ್, ಉಪ್ಪಡ್ ಕುಸಿಯಾದ್, ದಿನೊಲಾ ಇಂಬೆ ಕೇನುನು, ಅಪ್ಪ ಏಪ ಬರ್ಪರ್?".... ಅಡೆ ಆಂಡ್. D ಪಂಡಿನಾರ್ : ಸುಂದರಿ ಶೆಡ್ತಿ, ಎಕ್ಕಾರು ಮರ್ಜಿರೆ ಮನೆ, ಎಕ್ಕಾರು ಅಂಚೆ ಮತ್ತು ಗ್ರಾಮ ಮಂಗಳೂರು, ದ.ಕ. ಅಪ್ಪದ ಕಥೆ ಒಂಜಿ ಮಾಮಿ ಇಲ್ಲಗ್ ಅಪರೂಪೊಗು ಒರಿ ಮರ್ಮಯ ಪೋಯೆಗೆ, ಪೋನಗ ಅವುಲು ಅಪರೂಪೊಗು ಅಪ್ಪ ಮಲ್ತ್ದರ್, ಮರ್ಮಯೆ ಇಷ್ಟ ಅವೆನ್ ತಿನ್ಜೆ. ಅವೆನ್ ತಿನ್ನ, ಮರ್ಮಯಗ್ ರುಚಿ ಆಂಡ್, ರುಚಿ ಆದ್ ನೆತ್ತ ಪುದರ್ ದಾದ ಪಂಡ್ದ್ ಕೇಂಡೆ. ಕೇನಗ ಮಾಮಿ ಪಂಡಲ್ ನೆತ್ತ ಪುದರ್ 'ಅಪ್ಪ' ಪಂಡ್ದ್, ಏಕ್ ಬನ್ನಗ ಎನ್ನ ಬೊಡೆದಿಡಲಾ ಉಂದೆನ್ ಮಲ್ಪರೆ ಪನೊಡು ಪಂಡ್ದ್ ಅಪ್ಪ, ಅಪ್ಪ' ಅಂದ್ ನೆನೆತೊಂದು ಬರೆ, ಬನ್ನಗ ಒಂಜಿ ಕಲ್ಸ್ ದಂಟ್ಂಡ್, ದಂಟ್ನ ಅಪ್ಪ ಅಪ್ಪಾಂದ್ ಪನೊಂದಿತ್ತಿನ ಹುಪ್ಪಾ ಹುಪ್ಪಾ ಆಪುಂಡು. ಅಂಚೆನೆ ಬತ್ತ್ದ್ ಬೊಡೆದಿಡ ಪನ್ನ, ನಿನ್ನ ಅಪ್ಪೆ ಕೋಡೆ ಹುಪ್ಪಾ ಅಡ್ಡೆ ಮಲ್ಲೆರ್. 5
