ಮಾಮಿ ಮರ್ಮಲ್ ಒಂಜಿ ಮಾಮಿಲಾ, ಒಂಜಿ ಮರ್ಮಲ್ಗೆ, ಮಾಮಿ ಮರ್ಮಲೆಗ್ ಗುರ್ತ ಪಾಡ್ದ್ ದೀದ್ ಪೋಪಿನಿಗೆ ನುಪ್ಪುಗು, ಕಜಿಪುಗು ಮಾತ. ಮಾಮಿ ಮಗಲ್ ಇಲ್ಲಡೆ ಪೋಯಿನ ತುಯೋಲುಗೆ ಮರ್ಮಲ್. ಒಂಜಿ ಅರ್ಧ ಸೇರ್ ಅರಿತ್ತ ನುಪ್ಪುಲಾ, ಒಂಜಿ ಲತ್ತನೆದಾ ಕಜಿಪುಲಾ ಮಲುಗೆ. ಕಜಿಪುಲಾ ಮಲ್ತ್ದ್ ಉಂದೆನ್ ಉನೆರೆಂದ್ ಕುಲ್ಬಾಗ ಮಾಮಿ ಬತ್ತೊಲುಗೆ, ಮಾಮಿ ಬತ್ತಿನ ತೂದು, ಉಂದೆನ್ ಕೊಡವನೊಡು ಪಾಡೊಂಡೊಲುಗೆ, ಸೀದಾ ಗುವದಡೆ ಪೋಯಲುಗೆ ನೀರ್ ಕಣ್ಣೀರೆಂದು, ಅವುಲಾಂಡಲಾ ಉನ್ನ ಪಂಡ್ದ್, ಅಡೆ ಪೋನಗ ಪೂರಾ ಪೊಂಜೊವುಲು ಬತ್ತೆರ್ಗೆ, ಅವುಲು ನಾಚಿಗೆ ಆಂಡ್ಗೆ, ಅಲ್ಪನೆ ಒಂಜಿ ದೇವರ ಗುಡಿ ಉಂಡುಗೆ, ಸೀದಾ ಗುಡಿಕ್ ಪೋಯಲುಗೆ, ಗುಡಿಕ್ ಪೋದು ಕೊಡಪನೊಡು ದೀತಿನಾ ಪೂರಾ ಉಂಡೊಟ್ಟೆ. ಉನ್ನಗ ದೇವೆರ್ ಮೋನೆಗ್ ಕೈ ಪತ್ತೆರ್ಗೆ. ಮೋನೆಗ್ ಕೈ ಪತಿನ್ ತೂದು ಮೊಲು ಉಂಡೊಲು ಬಲು ಸೀದಾ, ಮನದಾನಿ ಬಟ್ ಪೂಜೆಗ್ ಪೋನಗ ದೇವೆರ್ ಮೋನೆಗ್ ಕೈ ಪತ್ಪದೆರ್ಗೆ, ಅರಸುಲ್ಲ ಪನ್ನೆರ್ಗೆ ದೇವೆರ್ ಮೋನೆಗ್ ಕೈ ಪತ್ರದ ದಾದ ಮಲ್ಪುನುಂದು. ಅಪಗ ದೇವರ ಮೋನೆರ್ಡ್ ಕೈ ದೆಪ್ಪಯಿನಕ್ಲೆಗ್ ತನ್ನ ಅರ್ಧ ರಾಜ್ಯ ಬುಡುದು ಕೊರ್ಪೆಂದ್ ಅರಸು ಪನ್ನೆರ್ಗೆ, ಏರೆ ಮಾತ ಪನ್ನಗಲಾ ದೇವ ಮೋನೆರ್ದ್ ಕೈ ದಪುಜೆ, ಆತ್ ಪೊರ್ತಾನಗ ಮೋಲು (ಮರ್ಮಲ್) ಪಂಡೋಲುಗೆ ಪೋದು - "ಅರಸುಲೆ ಅರಸುಲೆ ದೇವೆರ ಮೋನೆರ್ಡ್ ಕೈ ದೆಪ್ಪಂಡ ದಾದ ಕೊರ್ಪರ್. ಅಪಗ ಅರ್ಧ ರಾಜ್ಯ ಬುಡು ಕೊರ್ಪೆಂದ್ ಅರಸುಲು ಪಂಡೆರ್: 3
