1. ಅಧ್ಯಕ್ಷೆರೆನ ಮದಿಪು هـ ತುಳುನಾಡ್ಡ್ ಪ್ರಾಕ್ಡ್ದಿಂಚಿ ನಮ್ಮ ಹಿರಿಯಾಕುಲು ಪಂಡೊಂದು ಬತ್ತಿಂಚಿ ಅಜ್ಜಿ ಕತೆಕುಲು, ಪಾಡ್ಡನದ ಕತೆಕುಲು ಒಂಜಿ ಕಾಲೊಡು ನಮ್ಮ ತುಳುವೆರೆಗ್ ಅಕ್ಲ್ಯ ಚರಿತ್ರೆನ್ ತೆರಿಪಾಯಿನ ಕಾಯಿನ ವಿದ್ಯಲು. ಕೋಟಿ ಚೆನ್ನಯರ್, ಸಿರಿ, ಅಬ್ಬಗೆ ದಾರಗೆ, ದೇವು ಪೂಂಜೆ, ಅಗೋಳಿ ಮಂಜಣೆ, ಪುಳ್ಳೂರು ಬಾಚೆ, ಪರತಿ ಮಂಗಣೆ ಇಂಚ ಏತೇತೋ ಆಂಜೊವು ಪೊಂಜೊವೆಲೆನ ಪುದರ್ನ್ ಕತಕ್ಲೆನ್ ನಮ್ಮ ಹಿರಿಯಾಕುಲು ಕೇಂಡೊಂದು ಕಲ್ಲೊಂದು ಮಲ್ಲ ಆತ, ಒಂಜಿ ಕಾಲದ ಅಜ್ಜಿ ಅಜ್ಜೆರಕುಲು ಪುಳ್ಳಲ್ಲೆಗ್ ಪನೊಂದಿತ್ತಿನ ಕತೆಕ್ಸೆಡ್ ಕುಸಾಲ್ ಇತ್ತ್ಂಡ್, ಕುಸೆಲ್ ಇತ್ತ್ಂಡ್, ಕನಕಟ್ಟುನ, ಗೇನ ಪುಟ್ಟಾವುನ ಶಕ್ತಿ ಇತ್ತ್ಂಡ್, ತೆಲ್ಡ್ ತೆಲ್ತ್ದ್ ಬಂಜಿ ಉರ್ಕಾವುನ ಉಲ್ಲಾಸ ಇತ್ತ್ಂಡ್. ಇಂಚ ತೆಲಿಪುನ ಯೋಚನೆ ಮಲ್ಪುನ ಪೊಸ ಲೋಕೊಗು ಪೋಪುನ, ಪೊಸ ಸಾದಿ ಪತ್ತುನ, ಪೊಸ ವಿದ್ಯೆಲೆನ್ ತುಳುವೆರ್ ಕಲ್ತ್ದ್ ಅಲ್ಲಿನ ಅಜ್ಜಿ ಕತೆಕ್ಸೆಟ್ಸ್ ಇಂಚಿತ್ತಿ. ಅಜ್ಜಿ ಕತೆಕ್ಕೆ, ಪಾಡ್ಡನದ ಕತೆಕ್ಕೆ ರುಚಿನ್ ನಮ್ಮ ಪೊಸ ಕಾಲದ ತುಳುವ ಜೋಕ್ಕೆಗ್ ಪುಟ್ಟವೊಡು ಪನ್ನಿ ಆಸೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದವು. ಅಂಚಾದ್ ಈ 20 ತುಳು ಕತ ಬೂಕುಲೆನ್ ತುಳು ಸಾಹಿತಿಲೆಡ ಬರಪಾದ್ ಕತೆಕ್ಲೆಗ್ ಬೋಡಾಪಿನ ಚಿತ್ರೋಲೆನ್ ಸೇರಾದ್ ಬೂಕುಲೆ ಮೋನೆಲೆಗ್ ರಂಗ್ ಪಾಡ್ವಾದ್ ತುಳು ಜೋಕುಲೆ ಮಟ್ಟೆಲ್ಗ್ ಪಾಡೊಂದುಂಡು. ತುಳು ಸಾಹಿತ್ಯ ಅಕಾಡೆಮಿ 1994ಟ್ಸ್ ಈ ಕತೆ ಬೂಕುಲೆನ್ ಬರಪವನ ಯೋಚನೆ ಮಲ್ತ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ದೊಟ್ಟಿಗೆ ಸೇದ್ ಅಚ್ಚಿ ಮಲ್ಪುನ ಯೋಜನೆ ಇತ್ತ್ಂಡ್. 20 ಜನ ಸಾಹಿತಿ ಕುಲು ಅಕಾಡೆಮಿಡ್ ಸೇರ್ ಚರ್ಚೆ ಮಲ್ತ ಈ ಬೂಕುಲೆನ್ ಬರೆದ್ ಕೊರೈ, ಬೇತೆ ಬೇತೆ ಕಲಾವಿದರ ಕುಲು ಈ ಬೂಕುಲ್ನ ಮೋನೆದ ಚಿತ್ರೋಲೆನ್ನ ಉಳಯಿದ ಚಿತ್ರೋಲೆನ್ನ ಬರೆದ್ ಕೊರರ್, ಆಂಡ 1995ಟ್ಸ್ ತುಳು ಸಾಹಿತ್ಯ ಅಕಾಡೆಮಿ ಅಸ್ತಿತೊಡು ಇಜ್ಜಂದಿವೆಡ್ಡಾದ್ರಾ, 1996ಟ್ಸ್ ಅಕಾಡೆಮಿಗ್ ಪೊಸ ಜುವ ಕೊರ್ನಗ ಜಿಲ್ಲಾ ಪಂಚಾಯತ್ ಯೋಜನೆ ಉಂತುದು ಪೋಯಿನೆಡ್ಡಾದ್ ಬೊಕ್ಕ ಅಕಾಡೆಮಿದ ಪಣವುದ ತಾಪತ್ರಯೊಲೆಡ್ಡಾದ್ರಾ ಈ 20 ಬೂಕುಲೆನ್ ಅಚ್ಚಿ ಮಲ್ಲುನ ಕೆಲಸೊ ದುಂಬು ದುಂಬೇ ಪೋಂಡು ಆಂಡ ಇತ್ತೆ ಎಂಚಲಾ ಮನಸ್ ಮಲ್ತ್ದ್ ಈ ಎಡ್ಡೆ ಕೆಲಸೊನು ಕೋಡಿ ಎತ್ತವೊಡುಂದು ತುಳು ಸಾಹಿತ್ಯ ಅಕಾಡೆಮಿ ಈ 20 ಬೂಕುಲೆನ್ ಅಚ್ಚಿ ಮತ್ತೊಂದುಂಡು. ಈ ಬೂಕುಲೆನ್ ಬರೆದ್ ಕೊರುನ ಮಾತ ತುಳು ಸಾಹಿತಿಲೆನ್ಹಾ, ಅವೆಕ್ ಚಿತ್ರ ಬರೆದ್ ಕೊರಿ ಕಲಾವಿದರನ್ನಾ ಅಕಾಡೆಮಿ ಮೋಕೆಡ್ ನೆನೆತೊಂದುಂಡು. ಉಂದೆಟ್ಸ್ ಮಾಮಿ ಮರ್ಮಲ್ ಕತೆ ಬೂಕುನು ಪೊರ್ಲುಡು ಮೊಡೆದ್ ಕೊರಿನ ಡಾ. ಗಣನಾಥ ಶೆಟ್ಟಿ ಎಕ್ಕಾರು ಮೆರೆಗೆ ಅಕಾಡೆಮಿದ ಪುದರ್ಡ್ ಸೊ ಸಂದಾವೊಂದುಲ್ಲೆ. ಈ ಬೂಕುಗು ಅಕ್ಷರ ಜೋಡಣೆ ಮಲ್ಸ್ ಕೊರಿನ ಆಕೃತಿ ಕಂಪ್ಯೂಟರ್ಸ್ ಕಲ್ಲೂರು ನಾಗೇಶ್ ಬೊಕ್ಕ ನಳಿನಿ ಸುವರ್ಣ ಮೊಕ್ಷೆಗ್ಲಾ, ಕಡಮೆ ಕಾಲೊಡು ಪೊರ್ಲು ಪೊಲಿಗೆಡ್ ಅಚ್ಚಿ ಮಲ್ತ್ ಕೊರಿನ ಪ್ರಕಾಶ್ ಆಫ್ಸೆಟ್ ಬೈಕಂಪಾಡಿ ಇಂದ ದನಿ ಕೆ.ಎಂ. ಶಂಕರ ಪ್ರಭು, ಬೊಕ್ಕ ಬಳಗೊದಕುಲೆನ ಸಹಾಯೊನು ಅಕಾಡಮಿ ಏಪಲಾ ನೆನೆತೊನುಂಡು. ಮಂಗಳೂರು 20.5.1998 له ಪ್ರೊ. ಬಿ.ಎ. ವಿವೇಕ ರೈ,
