ನನ ಕೈಕ್ ಬನ್ನಗ ಗೊತ್ತಾವು, ಜಡ್ಡ್ ಏತ್, ಬಾರ್ ಏತ್ ಪಂದ್, ಮುವೊಡು ಒಂಜಿ ಜುಂಬು ಒಯಿತ್ದ್, ಆತ್ ಮಲ್ಲ ಮಜಲ್ಡ್ ನಾಲ್ ಕೊಟ್ಟೆ ಬಾರ್ಲಾ ಇತ್ತ್ಜಿ, ತಲು ಬೈ ಬುಂಡಾ...". ಇತ್ ಪನ್ನಗ ಆರ್ ನಡತೊಂದೆ ಇಪ್ಪುವೆರ್. ಈರ್ ಎಂಚಿನಂಡರ್ ಪಂದ ಆ ಓಂಗೆಕೊನುನ ಬೇಲೆಗ್ ಪೋಪುಜೆರ್. ಅರೆಗ್ ಗೊತ್ತುಂಡು ನಿಗಲ್ನ ಮಾಮೂಲಿ ಪ್ರಸ್ನೆಲು. "ದಾನಿಗೆ ಕುಡ್ಡ ನಾಯ್ಕೆರೆ? ದೂರ ಪಿದಾಡ್ದಿನಿ? ಸೌಖ್ಯನಾ? ನಾಯಿಲು ಗುರೆಪುನು ಮಾತ್ರ, ತುಚ್ಚುಜ. ಮೀನ ಅಗ್ಗನ? ಈರ್ ದಾದ ಕನತರ್? ಕೆಯಿ ಎಂಚ ಉಂಡು?" ಇಂಚ ಮಾತ. ಅಂಚಾದ್ ಆರ್ ಆ ಪ್ರಶ್ನೆಲೆಗ್ ಉತ್ತರ ತಯಾರಿ ಮಲ್ತ್ ದ್ 'ರೆಕಾರ್ಡ್' ಮಲ್ಪೆರ್. ಪೊಸಕ್ಕೆಲ್ ಬೊಕ್ಕ ಎಂಕಲ್ನ ಇಲ್ಲದ ಮದ್ಯದ ಬೇಲಿದ ತೊಡಮೆ ದಾಂಟ್ನಗ, ಅತ್ತ್ ಡ ಎಂಕಲ್ನ ನಾಯಿಲು ಗುರಪರೆ ಸುರು ಮಲ್ಪುನಗ "ಹಾಂದ, ದಾನೆಗೆ ಎಂಕಲ್ನ ಬೊಕ್ಕ ಅಬ್ಬಾಸ್ ಸಾಯಿಬೆರ್ನ ಇಲ್ಲದ ಮದ್ಯದ ಅಡ್ಡ ತೋಡುಗು ಜಪ್ಪುನಗ ಮೆಸೆಜ್ 'ರಿಪೀಟ್' ಆಪುಂಡು. “ಹಾಂ, ದಾನೆಗೆ ಅಬ್ಬಾಸ್ ಸಾಯಿಬೆರೆ? ಸೌಖ್ಯನಾ? ನಾಯಿಲು ತುಚ್ಚುವನಾ?..." ನಾಯಿ ಒಂಜಿ ಇಪ್ಪು, ಅತ್ತ್ ಡ ಇಪ್ಪಂದೆಲಾ ಇಪ್ಪು, ಅವು ಅರೆಗ್ ಮುಕ್ಯ ಅತ್ತ್. ಬೊಕ್ಕ ಅರ್ನ ರೆಕಾರ್ಡೆಡ್ ಮೆಸೆಜ್ಗ್ ಇತೇ ಪಂದ್ 'ಡೈುರೇಶನ್" ಇಜ್ಜಿ. ಆಯಾಯ ಇಲ್ಲದ ಗಡಿ ಬರ್ನ ಮುಟ್ಟ ಏತ್ ಆಪುಂಡಾ ಆತ್. ಅರ್ನ 'ಅಪ್ಟಿಕಲ್ ಸೆನ್ಸರ್' 'ಸಿಗ್ನಲ್' ಕಡಪುಡಿನದಗ (CPUಗು) ಪುದರ್ ಬದಲಾಪುಂಡು, ಬೊಕ್ಕ 'ಕಂಟಿನ್ಯೂ'. ಇತೊಂಜಿ 'ಬ್ಯಾಟರಿ ಡೌನ್' ಆವಂದಿನ, 'ಬಗ್' ದಾಂತಿನ (ಅತ್ತ್ ಡ ಬಗ್ಗು ಪಾತೆರಂದಿನ) 'ಅಡ್ವಾನ್ಸ್ಡ್ ಟೆಕ್ನಿಕ್ಕೊಲೊಜಿ'ನ್ ಗೇಲಿ ಮಲ್ಪುನ ಎನ್ನ ಅಪ್ಪೆ 'ಕಂಪ್ಯೂಟರ್'ದ ಬಾಸೆದಾಂತಿನಾರ್ ಅತ್ತಾ?
@@@
108
