"ಕೋಡೆ ದಾನೆ ಸಾಲೆಗ್ ಬೈದ್ ಜಾ?" ಪಂದ್. ಆನ್ ಪಂಡೆಗೆ "ಪೆತ್ತಗ್ ಎರು ಪತ್ತಾವರೆ ನರೊಲ್ಗೆಗ್ (ಇಲ್ಲದ ಪುದರ್) ದೆರೊಂದು ಪೋವರೆ ಇತ್ತ್ಂಡ್". ಅಪಗ ಟೀಚರ್ ಪಂಡೆರ್ಗೆ "ಉಂದು ಸಾಲೆ ಕಚ್ಚೆರಿನೈಕ್ ಸಮರ್ಪಕ ಕಾರಣ ಆತ್ತ್. ಈ ಕೆಲಸ ನಿನ್ನ ಅಮ್ಮೆರೆಗ್ಲಾ ಮಲ್ಪೊಲಿ". ಹುಡುಗೆ ಅಂಚಿ ಇಂಚಿ ತೂದು ಮಹಾ ಅನುಭವಸ್ತರ್ಲಕ್ಕ ಮೆಲ್ಲ ಟೀಚರ್ ಮಾತ್ರ ಕೇನುಲಕ್ಕ ಪಂಡೆಗೆ" ಇಜ್ಜಿ ಟೀಚರ್, ಐಕ್ ಕೊಟ್ಟೆದ ಮುಂಡೇ ಆವೊಡು". "ಬಾಸೆದಾಂತಿನ, ಅವು ಎಂಕ್ ಗೊತ್ತು ಉಂಡು" ಪಂದ್ ಟೀಚರ್ ತರೆ ಕಂತ ಪಾಡಿಯೆರ್ಗೆ.
ಸಾಲೆದ ವಿಚಾರ ಪನ್ನಗ ಎನ್ನ ಮಲ್ಲ ಸಾಲೆದ ಪೀಟರ್ ವಾಜ್ನ ಕುದ್ಕ ಕುಸಾಲುಲು ಖಂಡಿತಾ ನಿನೆಪುಗು ಬರೊಡೆ. ಒರ ಕಾರ್ಲಡ್ದ್ ಪಿರ ಬನ್ನಗ ಜಾರ್ಲದಲ್ಪ ಪರ್ಕಟ್ ಕುಟ್ಟೆ CPC ಬಸ್ ರಸ್ತೆ ಬರಿಟ್ ಉಂತುದುಂಡು. ಎಂಕಲ್ನ ಬಸ್ಸ್ ಡ್ ಇತ್ತಿನ ಮಾತ ಜೋಕುಲು ಕೆಕ್ಕಿಲ್ ಎಕ್ಕ ಎಕ್ಕದ್ ತೂದು ಪಂಡೆರ್" ಸಿಪಿಸಿ ಬಸ್ಸ್ ಪಾಲಾತ್ಂಡ್, ಬಸ್ಸ್ ಹಾಲಾತ್ಂಡ್". ಬಸ್ಸ್ ಮುಟ್ಟ ಬನ್ನಗ ಮೂಂಕುಗು ಕೈ ಪತ್ತ್ ದ್ ಪೀಟರ್ ಪಂಡೆ “ಅಂದ್, ಹಾಲದ್ ಮಸ್ತ್ ಪೊರ್ತು ಆತ್ಂಡಾ ಪಂದ್. ವಾಸನೆ ಬರ್ಪುಂಡು". ಬಾಸೆದಾಂತಿನ, ಅವು ದಾನೆ ಪಜ್ಜಿ ಮೀನ ಹಾಲಾದ್ ವಾಸನೆ ಬರಿಯೆರೆ?
ಪಾತೆರ ಪೆಜ್ಜಿದ್ ಪತ್ತರೆ ಎನ್ನ ಅಪ್ಪೆಲಾ ಕಮ್ಮಿ ಇಜ್ಜೆರ್ ಪನ್ಕ. ಒರ ಗಾಂದ್ಯೊಟ್ಟ, ಬಿಡ್ಗಕ್ಕೆ ಕೇಂಡೆರ್ ಎನ್ನ ಅಪ್ಪೆಡ “ತೇರ್ಗ್ ಪೋತರ ಉಮ್ಮೊಡ್ಪಿಯೆ?” ತೇರ್ ಗ್ ಪೋಯರೆ ಭಟ್ರೆನಗುಲು ಬುಡ್ಪುಜೆರ್ಯಾ. ಅಂಗನೊಗು ಪೋಯೆ, ತೇರ್ ಒಯಿಪುನ ತೂಯೆ" ಪಂದ್ ಪಂಡೆರ್ ಎನ್ನಪ್ಪೆ. "ಮೇರೆಗ್ಲಾ ಒಂಜಿ ಕುಸಾಲ್ ಲಕ್ಕುನು ಜೋಕುಲೆಕ್ಕ" ಪಂದ್ ಪಿನಿತ್ ತೆಲಿತೆರ್ ಬಿಡ್ಗಕ್ಕೆ, ಬಾಯಿದ ಬಚ್ಚಿರ್ ನೀರ್ ಉಬ್ಬಿದ್, 'ರಥ ಉತ್ಸವ' ಪನ್ಪಿ ಕ್ರಮ ಇಜ್ಜಿ ಎಂಕಲಂಚಿ, ತೇರ್ ಪಂಡ ರಥ ಉತ್ಸವ್ ಪಂದ್ ಲಾ ಅರ್ತ. ಅಂಚನೆ 'ಬಾಕಿಲ್ ಜಪ್ಪುನ' ಉತ್ಸವಲಾ ಕಂಡಜಾರ್ (ಕಣಂಜಾರು)ದ್ ಪುದರ್ ಪೋಯಿನವು. ಅಲ್ಪಲಾ ಕೆಲವರ್ ಕುಸಾಲ್ ಮಲ್ಪುನ ಉಂದು "ಇಯೇ ಇ ಇತ್ತೆ ಬಾಕಿಲ್ ಜತ್ತ್ ಜಡ. ಭಟ್ರೆನಗುಲು ಜಪ್ಪುಜೆರಾ?" ಪಂದ್. ವರ್ಸೊಡು ಒರ ಮಾತ್ರ ಅತ್ತೆ ಇ "ಬಾಕಿಲ್ ಜಪ್ಪು"ನ ಉತ್ಸವ, ದಿನಾಲ ಜಪ್ಪು ಬಾಕಿಲ್ದ್ ದಾದೆ ವಿಶೇಷ? ಅಂಚ ಒರ ಪೊಲ್ಲಿಗೆದ ಬೊಗ್ಗಣ್ಣನ (ಅತ್ತ್ ಡ ಟೈಲರ್ ಕೃಷ್ಣಣ್ಣನ) ಅಂಗಡಿಗ್ ಬತ್ತಿನ ಕಡಂಜಾರ್ದ ಪೋಂಜೊವು ರಾಕಿ ಪೊಲ್ಲರೆ ಪಾಡ್ದ್ "ಗೆಂಡ ದೊಂಕ್ಕರೆ ಬೋಡು. ಎಲ್ಲೆತ್ ಎಲ್ಲಂಜಿ ಮಿನಿ ಕೊರ್ಜಡ ಕರ್ ತಿಂತ ಎನನ್" ಪಂಡೆರ್. ನಂಬುಲೆ ಬುಡ್ಲೆ, ಯಾನ್ ಗಿರೆತಿನಿ
106
