ತರೆ ಪುದೆತ ಬಗ್ಗೆ ಪನ್ನಗ, ಮಿಜಾರ್ ಅಣ್ಣಪೆರ್ ಪಂತಿನ (ನಂಕ್ ಆರ್ ಪಂತಿನಿ, ಆರೆಗ್ ಏರ್ ಪಂತಿನಿ ಗೊತ್ತುಜ್ಜಿ) ಕುಸಾಲ್ ನೆನೆಪುಗು ಬತ್ತ್ಂಡ್. ಒರಿ ತರೆ ಪುದೆಟ್ ಊರೂರು ಕೊನೊ ಮಾರುನಾಯೆ, ಒರ ಪೂರ ಮಾರ್ದ್ ಆನಗ ಪೂರ ಕತ್ತಲೆ ಆಂಡ್. ತಾದಿಡ್ ಕಾಡ್, ಗುಡ್ಡೆ, ಕಂದೊಡಿ, ಕಡಂಬಲೆ, ಪಿಲಿ, ಬಲಿಪೆ ಮಾತ್ರ ತಿಕ್ಕುವ. ಅಂಚಾದ್ ಆ ಊರುಡೆ ಒಲ್ಪಲ ಒಂಜಿ ಇಲ್ಲಡ್ ರಾತ್ರಿ ತಡೆವೊಡು ಪಂದ್, ಒಂಜಿ ಇಲ್ಲದ ಬಾಕಿಲ್ ಬೊಟ್ಟಿಯೆರ್ಗೆ. “ಅನ್ನಾ ಒಂತೆ ಚಪ್ಪರೆ ಚಾಗ್ ಕೊರ್ವರಾ" ಪಂದ್ ಕೇಂಡಿನೈಕ್, ಇಲ್ಲದ ಅಂಜೊವು "ಆಪುಜಿ, ಆಪುಜಿ ಮೂಲು ಪೊನ್ನು ಪೊಂಜೆವು ಉಲ್ಲೆರ್" ಪಂದ್ ದುಂಬು ಕಡಪುಡಿಯರ್ಗೆ. ಅಂಚನೆ ನಾಲಾಜಿ ಇಲ್ಲಡ್ದ್ ಉತ್ತರ ಬತ್ತಿ ಬೊಕ್ಕ ಮಾರುನಾರ್ಲಾ ಪನಿತ್ ಎನ್ನಿಯರ್ಗೆ. 'ಅಂಗೈ ತೋರಿಸಿ ಅವಲಕ್ಷಣ' ಕೇನುನೈಡ್ದ್ ಸುರುಟೆ ಕಾತ್ರಿ ಮಲ್ತೊನುಗ ಪಂದ್, ಬೊಕ್ಕೊಂಜಿ ಇಲ್ಲಡ್ ಬಾಕಿಲ್ ಜತ್ತಿ ತಟ್ಟೆಗ್ ಕೇಂಡೆರ್ಗೆ "ಅನ್ನಾ ಮೂಲು ಪೂಂಜೆವು ಉಲ್ಲೆರಾ?" ಪಂದ್. ಇಲ್ಲದಾಯೆ ಪಂಡೆಗೆ "ಅಂದ್ ದಾಯೆಗ್?" ಮೇರ್ ಪಂಡೆರ್ "ಜೆಪ್ಪರೆ. ಬೊಕ್ಕ ದಾನೆ ಆಂದ್ ಪನೊಡ? ಪಾಪದಾರ್, ಈ ತುಲುಟು 'ಲಕ್ಕುನೈಕ್' ಮಾತ್ರ ಆತ್ 'ಜೆಪ್ಪುನೈಕ್'ಲಾ ರಡ್ಡ್ ಅರ್ತ ಉಂಡು ಪಂದ್ ತೆರಿಯಂದಿನ ಬಾಸವಾಂತಿನರ್.
ಒಂಜಿ ಸಬ್ದೊಗ್ ರಡ್ಡ್ ಆರ್ತ ಇಪ್ಪಡಪ್ಪ, ಒಂಜೇ ಸಬ್ದೊ ರಡ್ಡ್ ವಿರೋದ ಅರ್ತಲಾ ಕೊರ್ಪುಂಡು! ಇಗರ್ಜಿಗ್ ಪೊಸತ್ ಬೈದಿನ ಗುರುಕುಲೆನ್ ತಿಕ್ಕರೆ ಊರುದ ನಾಲಾಜಿ ಜನ ಪೊಯೆರ್ಗೆ. ಕುಶಲೋಪರಿ (ಬುಹಶಃ ಬಜಿಲ್ ಉಪ್ಪು ಕರಿಲಾ) ಆಯಿ ಬೊಕ್ಕ ಗುರುಕುಲ್ಲ ಪಂಡೆಗೆ “ಬರ್ಪ" ಪಂದ್, ಬೊಕ್ಕ ಪಿದಾಡಿಯೆರ್ ಆಗಲ್ನ ಅಗಲ್ನ ಇಲ್ಲಗ್. ಗುರುಕುಲು ಬೊಟ್ಲರ್ದ (butler) ಪಂಡೆರ್ಗೆ ಆಜಿ ಜನೊಕು ಆಪಿನಾತ್ ಅಟ್ಟಿಲ್ ತಯಾರ್ ಮಲ್ಪರೆ. ಮೊಗುಲು ಏರ್ಲಾ ಮುಟ್ಟಲಾ ಇಜ್ಯೆರ್ ಬೈಯದ ಉಣಸ್ಗ್. ಬೊಕ್ಕ ಒರ ತಿಳಿನಗಲೆಡ ಗುರುಕುಲು ಪಂಡೆಗೆ "ನಿಕುಲು ಆನಿ ಬರ್ಪೆ ಪಂದ್ ಬೊಕ್ಕ ಬತ್ತಿನೆ ಇಜ್ಜಿ ಉಣಸ್ಗ್. ತುಳು ಬಾಸೆದಾತ್ ಸೌಜನ್ಯದಿಂಜಿನ ಬಾಸೆ ಬೊಕ್ಕೊಂಜಿ ಉಂಡೆ? 'ಪೋಪೆ' ಪಂಡ ನಿಗಲೆ 'ದೂರ' ಆಪಿನಿ ಪಂದ್ ಅತ್ತೆ? 'ಬರ್ಪೆ' ಪಂಡ, ಇತ್ತೆ ಪೋಪಿನಿ ನನ ಒರ ಬರಿಯೆರೆ ಪಂದ್ ಅರ್ತ. ಅಂಚೆನೆ ತಾದಿಡ್ ತಿಕಿನಗಲೆಡ 'ಓಡೆಗ್' ಪಂದ್ ಕೇನರ ಆವಂದ್, 'ದೂರ' ಪಿದಾಡ್ತಿನಿ ಪಂದ್ ಕೇನೊಡು ತುಲುಟು.
ಕೆಲವು ಸರ್ತಿ ಅರ್ತ ಮಲ್ತೊಂಬಿನಗಲೆನೆ ಮನೋಭಾವ ಹೊಂದೊಂದು ವಾಕ್ಯೊಗು ವಿಪರೀತಾರ್ಥ ಬರ್ಪುಂಡು ತೂಲೆ. ಹಲ್ಲಿದ ಸಾಲೆದ ಟೀಚರ್ ಒಂಜಿ ಆನಡ ಕೇಂಡೆರ್ಗೆ
105
