“ಮಿತ್ತಲ್ಲಡ್ ಕೋರಿಯಕ್ಕೆ ಏರ್ ಉಂಬೆ?” ಯಾನ್ ಕೇಂಡೆ, ಉಂಬೆ ಒರಿ ಒಂಜಿ ಪೊಸಾತ್ ಬತ್ತಿನಗಲ್ನಕ್ಕ ಮಲ್ಪುನು, ಕೋರಿಯಕ್ಕೆ ನರ್ಸಿಯಕ್ಕೆನ ಪಲ್ದಿ" ಪಂದ್ ಪಂಡೆ ಎನ್ನ ಮೆಗ್ಯೆ ಹರ್ಸೆ. "ಆರ್ನ ಪುದರ್ ಮೀನಕ್ಕೆ ಉಂಬೆ, ಅಮ್ಮಗ್ ಪನರೆ ಆಪುಜಿ. ನಿಕ್ಕ್ ದಾನೆ ಆಪುಜಿ ನಿನ್ನ ಮಾಮಿನಲಾ ಪುದರ್ ಅಂಚನಾ?" ಕೇಂಡೆ, “ಪೊಕುಡ್ದೆ ಕುಂದಾಯ, ಯಾನ್ ಇನಿ ಮುಟ್ಟಲಾ ಆರೆನ ಪುದರೇ ಕೋರಿಯಕ್ಕೆ ಪಂದ್ ಎನ್ ದಿತ್ತಿನಿ" ಪಂಡೆ. ಎನ್ನ ದೋಸ್ತಿ ಗಂಗಾದರ್ನ ಅಪ್ಪೆ 'ಮೋನೆ' ದೆಕ್ಕಂದೆ ಮುಟ್ಟ ಮುಟ್ಟ ಅಜಿಪ ವರ್ಸ ಅಂಡ್. ದಾಯೆ ಪಂಡ ಮದಿಮೆ ಆಯಿನೈಡ್ದ್ ಇಂಚಿ ಆರ್ 'ಮೋನೆ' ಅತ್ತ್ ದೆಕ್ಕುನು, 'ಮುಕ', ಇಜ್ಜಿಡ ಗಂಗಾದರ್ನ ಅಮ್ಮೆರ್ "ಮೋನಪ್ಪ"ಣ್ಣೆ ಸೂರಕ್ಕೆನ್
ಬುಡುವೆರಾ?
ಮೆಗ್ಯನ ವಿಚಾರ ಪನ್ನಗ ಬೊಕ್ಕೊರಿ ಮೆಗ್ಯನ ವಿಚಾರ ನೆನೆಪುಗು ಬತ್ತ್ಂಡ್, ಈ 'ಬೇರ್ ತಪ್ಪು' ಎಂಕಲೆ ಒಂತೆ ಅಪೂರ್ಪ, ಕಂಡಲ್ಕೆ ಇಟ್ ನಾಯ್ಕೆರಡೆ ಪೋವೊಡು ದುಂಬುಡು (ಒರ ಒರ ನಡಿ ದೆಂಬುಡು ರಡ್ ಮೈಲ್ ನಡಪೊಡು). ಒಂಜಿ ದಿನ ಇಗರ್ಜಿ ಸಾಲೆಡ್ಜ್ ಬೈಯಡ್ ಬನ್ನಗ ಪಾರೊಂದು ಬತ್ತೆ ಎನ್ನ ಮೆಗ್ಯೆ ಜಯೆ, ಪಡ್ಡಾಯಿ ಬಾಕ್ಯಾರ್ದ ಕೋಡಿಗ್, ರಡ್ದ್ ನಾಯಿಲೆಡ್ದ್ ದುಂಬು. ತೆಂಕ ತಂಕದ್ ಪಂಡೆ “ಅನ್ನಾ, ಅನ್ನಾ, ಅಮ್ಮ ಬೆದ್ ರ್ ತಪ್ಪುದ ನುಪ್ಪು ಮಲ್ಪೆರ್". ಎಂಕ್ಲಾ ಬಾರಿ ವಿಚಿತ್ರ ತೋಜಿಂಡ್. ಬೆದ್ ರ್ ಅರಿ ಕೆನ್ದೆ, ತಪ್ಪುಲಾ ಆಪುಂಡ ತಿನರೆ? ನಮದಾನೆ ಆನನಾ?
ಬೊಕ್ಕ ತೂಂಡ ಎನ್ನ ಅಪ್ಪೆ, ಪೂಡಿ ಬೊಲಂತರಿತ ನುಪ್ಪು ನೀರ್ ಆಜರ್, ಬೇರ್
ತಪ್ಪುದ ಒಗ್ಗನೆ ಕೊರ್ತಿನಿ, ಪರಿಮಲೊಗು. ಈ ಆನನ ಬಾಯಿಡ್ ಅವು ಆನೆ ತಿನ್ನಿನ
ಬೆದ್ರ್ ತಪ್ಪು ಲೆಂಡ್, ಏತ್ ಮಲ್ಲ ತಪ್ಪು ತೂಲೆ? ಬಾಸೆದಾಂತಿನ...
ಕಾರ್ಲದ ಪೇಂಟೆಡ್ ದುಂಬು ಪೊಂಜೊವು ತರೆ ಪುದೆಟ್ 'ಉಂಡ್ಯ' ಪಂಡ
ಬಯಿತ ಸೂಡಿ ಕನವೊಂದು ಇತ್ತೆರ್ಗೆ, ಪೇಂಟೆದಗಲ್ನ ಪತ್ತೊಲೆಗ್ ಪುಲ್ ಪೋವರೆ,
ಪೇಂಟೆದ ಕೆಲವೆರ್ ಮಸ್ಕಿರಿ ಮಲ್ಲೊಂದು ಇತ್ತೆರ್ಗೆ "ಮುಂಡೆ, ಮುಂಡೆ ಮುಂಡೆಗ್
ಏತ್?" ಪಂದ್ ಪೊಂಜೊವು "ದಾನೆಯೆ, ಏರೆಗ್ ಮುಂಡೆ ಪನ್ನಿ?" ಪಂದ್ ಉಂಡ್ಯದ
ಕಟ್ಟ ತಿರ್ತ್ ಪಾಡ್ಸ್, ಅಂಗಡಿದ ಮುಟ್ಟು ಮಿತ್ತರ್ಯೆಡ್ರ, ಅಡೆಗೆ ಬೀಲ ಮಡ್ತಿದ್
"ಅತ್ತೆಯಾ ಉಂಡೆ ಪನ್ನಿ, ನಿಕ್ ಅಂಚ ಕೇನ್ನಿ" ಪಂದ್ ಬಾಯಿ ಮೇಲ್ ಮಲ್ಲೊಂದು
ಇತ್ತೆರ್ಗೆ, ಅಗ ನಾಲಾಯಿಗ್ ಪೆತ್ತ ಮುಟ್ಟರೆ, ಬಾಸೆದಾಂತಿನ.
104
