ಬೆರಿ ಬಗ್ಗ್ ದ್ ಇತ್ತ್ಂಡಲಾ ಆರೋಗ್ಯ ಸರಿ ಇತ್ತ್ಂಡ್. ದಿಕ್ಕೆದ ಬೊಂಞ, ಕಿದೆತ ಗೊಬ್ಬರ ಬುಂಡಾ, ಇತ್ತೆದಲ್ಕ ಡಿ.ಡಿ.ಟಿ, ಎಂಡೋ ಸಲ್ಫಾನ್ ಇಂಚಿತ್ತಿನ ಮಾತ ಸಂಕಮಸಣ ಕಂಡೊಗು ಪಾಡೊಂದು ಇತ್ತಿಜ್ಯೆರ್ ತೂಲೆ. ಇಂತಿರ್ಪ ಕೂಸಜ್ಜಿ ತತ್ತ್ದಲಾ ಡಾಕ್ಟ್ರೆನ ಸೋಪುಗು ಪೋತುಜೆರ್. ತ್ಯಾಂಪಣ್ಣ ಭಂಡಾರೆನ ಎನ್ನೆಡ್ಲಾ, ಪದ್ಮ ಪೂಜಾರ್ಲೆನ ಮಾತ್ರೆಡ್ಲಾ ಆರೆನ್ ಕೆಲಸ ಆವೊಂದು ಇತ್ತ್ಂಡ್. ಪ್ರಾಯ ಆನಗ ಒಂತೆ ನಿಃಶಕ್ತಿ, ನಿತ್ರಾಣ, ಕೈಕಾರ್ ಪುಲೆವುನು ಉಂದು ಮಾತ ಸಹಜ ಅತ್ತೆ. ಅವು ದಾಯೆಡ್ ಪಂದ್ ಕೇನರೆ ಸುರುತ ಸರ್ತಿ ಭಟ್ರು ದಾಕ್ದಾರ್ಲೆನ ಸೋಪುದ ಮುಟ್ಟು ಮಿತರಿಯೆರ್ ಕೂಸಜ್ಜಿ. ಸಾಲೆಡ್ಜ್ ಬನ್ನಗ ಎಂಕ್ ತಿಕಿಯೆರ್ ಪೇಂಟೆಡ್. "ಏರ್ದೆ ಅವು, ನಾರಾಯಿನೆನಾ? ಕೇಂಡನ, ಒಂಜೇ ಲೆಕ್ಕ ಕೈಕಾರ್ ಬಚ್ಚುನು, ತಿಗಲೆ ಪಕ ನಲಿಪುನು, ನಾಲ್ ಎಜ್ಜ ಪಾಡ್ಂಡ ಜಗೆ ಕುಟ್ಟುನು ಮಿತ್ತ್ ಮುಕ. ಐಕ್ ದಾಕ್ಟ್ರನಡೆಗ್ ಪೋಯೆ. ಇರ್ನ ಕಾಯಿಲೆಗ್ ಇಂಜೆಕ್ಸನ್ ಕೊರೊಡು. ಅಂಡ ಇರೆನ ಮೆಯಿಟ್ ನೆತ್ತೆರ್ ಇಜ್ಜಿ ಪಂಡೆರ್. ಬೊಕ್ಕ ಐತ ಬದಲ್ಗ್ ಇಂಜೆಕ್ಸನ್ ಮಾತ್ರೆ ಕೊರಿಯೆರ್ ಮಗ. ಈ ಇಂಗ್ಲಿಸ್ ಮರ್ದ್ ಗ್ ತಂಪು ಮಲ್ಪೊಡುಗೆ, ಪೇರ್ ಪರೊಡುಗೆ ಎನಡ ಬೊರಿಪಿನ ಇಜ್ಜಿ ಪಂಡೆ. ಐಕಾತ್ರ ಕುಡ ಪೇರ್ದ ಮಾತ್ರೆ ಕೊರಿಯರ್ ಮಗಾ. ನನ ಈ ಕಲಿಕಾಲೊಡು ವಾ ವಾ ಮಾತ್ರೆಲು ಮಾತ ಬರ್ಪನಾ ಪನ್ಗೆ ಪಂದ್, ಕೂಸಜ್ಜಿ ಆಜಿ ಮಲ್ಟಿ ವಿಟಾಮಿನ್ ಕ್ಯಾಪ್ಸುಲ್, ಆಜಿ ಶುಗರ್ ಕೋಟೆಡ್ ಮಾತ್ರೆ (ಬಹುಶ್ಯ ಐಬೋಪ್ರೊಫೆನ್), ಆಜಿ ಕಂಪ್ರೆಸೈಡ್ ಮಾತ್ರೆದ ಕಟ್ಟ್ ಗಿತ್ತ್ ತೊಜಪಾಯೆರ್. ಬಾಸೆದಂತಿನ ದಾಕ್ಟ್ರೆನಗುಲು, ಕಾಯಿಲೆಗ್ ಮರ್ದ್ ಕೊರ್ಪಿನ ಬುಡ್ದು ಇಂಜೆಕ್ಸನ್ ಮಾತ್ರೆ, ಪೇರ್ದ ಮಾತ್ರೆ ಮಾತಾ ಕೊರ್ತೆರ್. ಐಡ್ದ್ ಬಡವು ಆವಂದಿಲೆಕ್ಕ ಮಾತ್ರೆ ಕೊರ್ತುವೆರಾ. ಆಣ್ ಬಾಲ್ಲು ದಾಂತಿ ಕೂಸಜ್ಜಿಗ್ ಏತ್ ಉಪಕಾರ ಆತು? ಬಡವು ಆಪಿನ ಮಾತ್ರೆ ಕೊರ್ಪಿ ದಾಕ್ತಾರೆನಗಲೆನ ಗುರ್ತ ಪಾಕ ಅಪ್ಪೆಲೆಗ್ ಇಪ್ಪು ವರ್ಸದ ಬಾಲೆ ಒರೊಕ್ಕು ವರ್ಲ ಅರಿತ ಉಂಡಲಾ, ಅಪ್ಪೆಲೆನ ಒಂಜೆ ರಾಗ "ಎನ್ನ ಬಾಲೆ ಉನ್ಪಿನೇ ಇಜ್ಜಿ ಪಂದ್. ಅಪಗ ದಾಕಕ್ದಾರು ಕೊರ್ಪೆರ್, ಯುನಿ ಎನ್ಜೈಮ್ ಮತಾರೆ, ಸರಿ ಇತ್ತಿನ ಬಂಜಿನ್ ಹಾಲ್ ಮಲ್ಪೆರೆ, ಬಾಲೆದ ಅಮ್ಮನ ಕಿಸೆಕ್ ಹೋಲ್ (ಒಟ್ಟೆ) ಮಲ್ಪೆರೆ.
ಬಡವು ಆವಂದಿಲೆಕ್ಕ ಮಾತ್ರೆ ಪನ್ನಗ ಪಕ್ಕ ನಿನೆಪು ಆಂಡ್, ತುಲುತ ಒಂಜಿ ಗಾದೆ/ಪಾತೆರ, “ಎಂಕೊಂಜಿ ಉಣಸ್ ಪಾಡಿಯಡ, ನಿನ್ನೊಂಜಿ ಬಡವು ಆವಂದಿಲೆಕ್ಕ ಮಾತ್ರೆ ಕೊರ್ಪೆ ಪಂದ್. ನಮ್ಮ ನಾಯ್ಕೆರ್ನಗುಲುಲಾ ಐನ್ ವರ್ಸೊಗೊರ (ಒರ
102
