ಎರ್ಲು ಪಲಾಯಿ ಒಯಿತೊಂದು ಕಂಡ ಒರ್ಬಡಿ ಪೋವೊಡು, ಅತ್ತೆ? ಬಾಸೆದಾಂತಿನ
(ಏರ್ ಅಗುಲಾ ಅತ್ತ್ ಎಂಕುಲಾ?) ತುಲುವೆರ್.
ಈ 'ಬಂಜಿ ಪೊತ್ತುನು' ಪನ್ನಿನೈಕಾ ರಡ್ಡ್ ಅರ್ತ ಉಂಡು ತುಲುಟು. ಈ 'ಗ್ಯಾಸ್ಟ್ರಿಕ್'
ತೊಂದೆರದ 'ಬಂಜಿಪೊತ್ತು' ನವ್ವೆನೆ ಎಂಕಲಂಚಿ 'ಪುಲಿ ಆಡಿಗೆ' ಬರ್ಪಿನಿ (ಅಸಿಡಿಟಿ)
ಪನ್ನೆರ್. ಆ ನನೊಂಜಿ ಅರ್ತ ಕನ್ನಡದ "ಹೊಟ್ಟೆ ಉರಿ", ಉಂದು ನನೊರಿಯನ ಏಲಿಗೆ
ತೂದು ಆವು, ಕೈ ತತ್ತ್ ಪೋಯಿನ ಸದಾವಕಾಶ ಎನ್ನ್ದ್ ಆವು, ಕೈಕ್ ಬತ್ತ್ದ್
ಬಾಯಿಗ್ ಬರಂದಿ ಬುಲೆ ಸಲೆತ ಬಗ್ಗೆ ಆವು. ಉದಾರ್ನೆಗ್ ಪಾಲ್ದಗಲ್ನ ಟಿವಿ,
ಫ್ರಿಜ್ ತೂದು ಆಪಿನ 'ಬಂಜಿ ಪೊತ್ತೆಲ್' 'ಕಿಚ್ಚಿ' ಪನ್ಪೆರ್, 'ಮಚ್ಚರ' ಪನ್ಪೆರ್, ಅತ್ತಡ
'ನಂಜಿ' ಪನ್ಪೆರ್. ಯಾನ್ ಇತ್ತೆ ಶಬ್ದಾರ್ಥ, ಭಾವಾರ್ಥ ಪನರೆ ಪಿದಾಡ್ದಿನಿ ಅತ್ತ್,
ವ್ಯಂಗಾರ್ಥ ಪನರೆ ಪಿದಾಡ್ದಿನಿ. 'ಬಂಜಿ ಪೊತ್ತೆಲ್' ಪನ್ಪಿ ಪ್ರಯೋಗ ಸುದ್ದತುಲು ಆಂಡಲ
ಕೆಲವು ತುಲು ಬಾಸೆದ ಅರೆ ಜ್ಞಾನಿಲು ಕಿಸ್ಕ ತೆಲಿಪುವೆರ್. ಅಂಚದ್ 'ಬಂಜಿ ಪೊತ್ತಿಗೆ'
ಪಂದ್ ಸರಿ ಇತ್ತಿನೈನ್ ತಪ್ಪಾದ್ ಪನ್ಪಿನೈಟ್ ತಪ್ಪು ದಾಲ ಇಜ್ಜಿ ತೂಲೆ. ಎನ್ನ ಮೆಗ್ಯೆ
ಪಂಡಿಲೆಕ್ಕ “ಎನ್ನ ಕನ್ನೆದೂರು ಬಾಟ್ಲಿ ದರಿದ್ ಒಡ್ಡೊಂದು ಪೊಯಿನ ಸ್ಕಾಚ್ ವಿಸ್ಕಿ
ತೂದು ಎನ್ನ ಬಂಜಿ ಪೊತ್ತುಂಡು, ಆತ್ ಇತ್ ಅತ್ತ್". ಬಾಸೆದಾಂತಿನಯೆ, ಸೊಡ
ಪಾಡಂದೆ ಬಜಿ ಬಂಜಿಗ್ ಅವ್ವೆನ್ ಪರ್ತುವೆಡಾ, ಐಡ್ದ್ ಹೆಚ್ಚ ಪೊತುದು ಉಂಬ್ಯನ
ಬಂಜಿ.
ಈ ಪೊತ್ತುನ ಇಚಾರ ಪನ್ನಗ ಕೊದ್ಯುನ ಇಚಾರ ಗೋಚರೊಗು ಬರ್ಪುಂಡು. ಒವ್ವೇ ಒಂಜಿ ದ್ರವ ತನ್ನ 'ಕುದಿಯುವ ಬಿಂದು'ಡ್ಡು ಹೆಚ್ಚ ಬೆಚ್ಚ ಆಪುಜಿ, ವಾತಾರವಣದ ಒತ್ತಡೊಡು ಪಂದ್ ನಿಕಲ್ನ ಭೌತ ಶಾಸ್ತ್ರದ ಮಾಸ್ಟ್ರು ಪಂದ್ ಇಪ್ಪೆರ್, ಅಧುನಿಕ ಜಗತ್ತ್ಡ್, ವಿಜ್ಞಾನದ ಈ ವಿಷಯ ಅವಿಷ್ಕಾರ ಆವೊಡ್ಡು ಏತೋ ಶತಮಾನ ದುಂಬೇ ಎಂಕ್ಲೆನ ಕೌಡೂರುದಕ್ಲೆ ಉಂದು ತೆರಿದ್ ಇತ್ತ್ಂಡ್, ಐಕ್ ಅಕ್ಲೆನ ಬಾಸೆನೆ ಪ್ರಮಾಣ. ನೀರ್ ಬೆಚ್ಚ 'ಕೊದ್ಯುಂಡು' ಪನ್ಪೆರ್. ಎಂಕಲೆಡ್ದ್ ಒಂತೆ ತೆನ್ಕಾಯಿದಗುಲು ಈ ಇಚಾರೊಡು ಒಂತೆ ಪಿರ ಒರಿದೆರ್. ದಾಯೆ ಪಂಡ ಅಗುಲು ಬೆಚ್ಚ 'ಪೊತ್ತುಂಡು' ಪನ್ಪೆರ್. ಬೆಂದ್ರ್ದ ನೀರ್ಲಾ ಪೊತ್ತುನು, ಅವ್ವೆನ್ ಬೆಚ್ಚ ಮಲ್ಪುನ ಕನಕ್ಲಾ ಪೊತ್ತುನು, ಲಚ್ಚಿಲ್ಗ್ ತೂ ಬೂರ್ದು ಮುಲಿಲಾ ಪೊತ್ತುನು, ಅವು ಎಂಚ? ಅವು ಸೈಯಡ್, ಎಂಕುಲು "ಬೆಚ್ಚss ಕೊದ್ದೆಲ್ ಕೊದ್ದೆಲ್ ಚಾ ಪರಿಯ" ಪನ್ಪ, ಆಗುಲು "ಬೆಚ್ಚss... ಚಾ ಪರಿಯ" ಪಂದ್ ಪನೊಡು ಆಪುಂಡಾ ಇಜ್ಜತ್ತಾ? ಅಂಚಾದ್ ಬಾಸೆದಾಂತಿನಗುಲು ನಿಗುಲಾ,
96
