ಒಂಜಿ ಇಸೇಸ. ಇ ಯಕ್ಸಗಾನೊಡು ಚೆಂಟೆ, ಮದ್ದೊಳಿ, ಬಾಂಗೊತೆರ್ ಮಾತ ಉಂಡು. ಅಂಚಾದ್ ಇ ಯಕ್ಸಗಾನ ಒಂಜಿ ಇಸಯ, ಒಂಜಿ ಇಸೇಸ. ಯಕ್ಸಗಾನೊಡು ಸಿರಿಏಸ, ಪುಂಡು ಏಸ, ಕಟ್ಟೇಸ, ತಟ್ಟಿ ಏಸ, ಹಾಸಿಗಾರೆ ಮಾತ ಉಂಡು. ಅಂಚಾದ್ ಯಕ್ಸಗಾನ... ಏನ್ ಕರ್ನಾಟಕೊಗು ಪೋತೆ, ಮೈಸೂರ್ಗ್ ಪೋತೆ, ಬೆಂಗಲೂರ್ಗ್ಲಾ ಪೋತೆ, ಅಂಡಾ ಯಕ್ಸಗಾನದಿಂಚಿನ ಇಚಾರ ಅವುಲು ಓಲುಲಾ ಇಜ್ಜಿ. ಅಂಚಾದ್ ಯಕ್ಸಗಾನ ಒಂಜಿ... ಮರಾಸ್ಟ್ರೊಗ್ ಪೋತೆ, ಬೊಂಬಾಯಿಗ್ ಪೋತೆ, ಪೂನೊಗು ಪೋತ, ತಾನೊಗುಲಾ ಪೋತೆ, ಅಂಡಾ ಯಕ್ಷಗಾನದಂಚಿನ ಒಂಜಿ ಕಲೆ ಅವುಲು ಓಲುಲಾ ಇಜ್ಜಿ. ಅಂಚಾದ್ ಯಕ್ಸಗಾನ..." ನನ ಆರೆನ ಬಾಸನದ ಪೂರಾ 'ಇಸಯ' ಪಂದ್ ಕುಲಿಯೆಡ ನಿಗುಲು ಎನ್ನ ಸಂತಾನ ಸಂತೇಸಿಗ್ ನೆರುವರ್. ಇತ್ತೆ ನಿಗುಲೇ ಪನಿ ಆ ಸ್ವಾಮಿಲೆಗ್ ಬಾಸೆ ಉಂಡಾ ಅತ್ತ್ ಬಾಸೆದಾಂತಿನಾರ ಪಂದ್.
ಅಪಗ ನನ ಒಂತೆ ತುಳು ಬಾಸೆದ ಬಳಕೆದ ಬಗ್ಗೆ ಪಾತೆರ್ಗ, ಒರ್ತಿಗ್ ಓಡೊಡು ಪೋನಗ ಪೂಂಕಿ ಬತ್ತ್ಂಡ್ಗೆ, ನನ ನಾಲ್ ಜನ ಸೇರನಲ್ಪ ಹೇಸಿಗೆ ಆಪುಂಡು ಪೂಂಕಿ ಬುಡ್ಪಿನ ಕೇಂಡ ಪಂದ್ ಒಂಜಿ ಬಿರ್ಸಾದಿಗೆ ಲಕ್ಕಾಯೊಲ್ಗೆ. ಜೋರುಡು ಓಡ ಒಚ್ಚುನಾಯಡ ಕೇಂಡೊಲ್ಗೆ "ಅಂದಯಾ, ಆಟಿಡ್ ಏತ್ ಪೋಂಡು' ಪಂದ್. ಪನೊಂದು ಪನೊಂದು ಬುಡಿಯೊಲ್ಗೆ ಗಾಲಿ. ಆ ಓಡದಾಯೆಲಾ ನ್ಯಾಲ ಮಕ್ಕೊಗು ಪೋತಿನಯೆ. "ಆಟಿಡ್ ಏತ್ ಪೊಂಡ್ ಗೊತ್ತು ಇಜ್ಜಿ ಅಕ್ಕೆ, ಓಡೊಡು ರಡ್ಡ್ ಪೊಂಡು" ಪಂಡೆಗೆ. ಆಲ್ ಪಾಪದಾಲ್ ಆಟಿ ತಿಂಗೊಲ್ದ ಏತನೇ ದಿನ ಪಂದ್ ಕೇಂದಿನಿ, ಈ ಬಾಸೆದಾಂತಿನ ಓಡದಾಯೆ ನಾದಯೆ ಅತ್ತಾ? ಆಯನ್ ನೀರ್ ದಾಂತಿನಲ್ಪ ಕೋನೊದು ತರೆ ಕಡ್ಪೊಡ್ಚ?
“ಓಡ ಒಚ್ಚುನು' ಪನ್ನಗ ಪಕ್ಕ ಎಂಕ್ 'ಗೋರಿ ಮುಟ್ಟುನ' ನಿನೆಪು ಬತ್ತ್ಂಡ್. ಒಚ್ಚುನು ಪನ್ನಗ ಕೆಲವೆರ್ 'ಗಟ್ಯೂನು', 'ಪೂಜಿನು' ಪಂದ್ ಅರ್ತ ಕಟ್ಟರೆ ಉಲ್ಲೆರ್. ನಮ್ಮ ತುಳು ನಾಡ್ದ ಹೆಚ್ಚಿನ ತುದೆಕ್ ಲೆಡ್ ಓಡ ಜಲ್ಲ ಪಾಡ್ದ್ ನೂಕುನಾಂಡಲಾ, ಒಚ್ಚುನು ಪಂಡಾ ನಡಾಪಾವುನು ಪಂದೆ ಪನ್ನಿನಿ. ಅಂಚೆನೆ ಎಂಕಲಂಚಿ ದತ್ತಿ ಬೊಕ್ಕ ಗೆಟ್ಟಿ ಪೊಡಿ ಮಲ್ಪರೆ (ಪೊಡಿ ಕಂಡ ಅಂಡ) ಅತ್ತ್ ಡ ಗೆಟ್ಟಿ ನೀರ್ ಮಲ್ಪರೆ (ನೀರ ಕಂಡ ಆಂಡ) ಗೋರಿ ಅತ್ತ್ ಡ ಪಲಾಯಿ 'ಮುಟ್ಟುವ'. ಎಂಕಲ್ನ ಅಲ್ತ್ ಒಂತೆ ಬಡಕಾಯಿದಗುಲು ಪಲಾಯಿ ಪಾಡುನು. ಅಕ್ಲ್ನ ಪ್ರಕಾರ ಗೋರಿ 'ಮುಟಿ' ಪೆಟ್ಟಿಗ್ ಗೆಟ್ಟಿ ಪೊಡಿ/ನೀರ್ ಆಪುಜಿ. ಅಪಗಾಂಡ ಕಂಡೊಗು, ಪಲಾಯಿ 'ಪಾಡಿ' ತಟ್ಟ್ ಗ್ ಗೆಟ್ಟಿ ಪೊಡಿ ಆಪುಂಡಾ? ಪಲಾಯಿ ಎರ್ಲೆನ ನುಗೊಕು ಕಟ್ಟೊಡು, ಪಲಾಯಿದ ಮಿತ್ತ್ ನರಮಾನಿ ಉಂತೊಡು,
95
