ಯಾನ್ ಆಯಗ್ ಜೂವೊ ದಾನ ಮತ್ತೆ ಆಯನ್ ಅರಸು ಮತ್ತೆ. ಅಂಚಾದ್ ನನ ದುಂಬುಗು ಆಯೆ ಭೂತಾಳ ಪಾಂಡ್ಯ", "ಭೂತಾಳ ಪಾಂಡ್ಯ, ಭೂತಾಳ ಪಾಂಡ್ಯಾ' ಪಂಡ್‌ದ್ ಮೂಜಿ ಮೂಜಿ ಸರ್ತಿ ಲೆತ್ತ್ದ್ ಆಯಗ್ ಅಭಯ ಕೊರುಂಡ್. "ದೇವ ಪಾಂಡ್ಯನ ಬುಡೆದಿ ಜೋಕುಲು ಎಂಕ್ ಬಲಿ ಕೊಲ್ಕೆರೆ ಒತ್ತಿಜೆರ್. ಎನನ್ ಲೆಕ್ಕೊಗೇ ದೀಜೆ, ಊರು ಬುಡ್ಡು ಪೋಯೆರ್. ಅಕುಲೆನ್ ಯಾನ್ ತೂವೊಂಡೆ. ಅಕುಲೆನ್ ಒರೊಯ್ಯನೇ ಅರಿತ್ತೆ. ಒರಿನಕುಲು ನಟ್ಸ್ ತಿಂದೊಂದುಲ್ಲೆರ್. ದೇವಪಾಂಡ್ಯನ ಸಂಪೊತ್ತು ಪೂರಾ ಆಯನ ಅರುವದೆ ಭೂತಾಳ ಪಾಂಡ್ಯಗ್ ಸೇರೊಡು. ಬೊಡೆದಿ ಜೋಕುಲೆಗ್ ದಾಲಾ ಕೊರರೆ ಬಲ್ಲಿ, ಅತ್ತೇ ಅತ್ತೆ ನನ ದುಂಬುಗು ತುಳುನಾಡ್‌ಡ್ ಇಂಚನೇ ನಡಪೊಡು. ಉಂದು ಅಳಿಯ ಸಂತಾನ ಕಟ್ಸ್, ಉಂದು ದೈವೊದ ಕಟ್ಟೆ, ಉಂದು ನಾಗ ಬಿರ್ಮೆರೆ ಕಟ್ಸ್" ಭೂತೊ ಮೂಜಿ ಮೂಜಿ ಸರ್ತಿ ಸಾರ್ದ್ ಪಂಡ್ಂಡ್. ಅಯಿಡ್ಸ್ ಬೊಕ್ಕ ಅಳಿಯ ಸಂತಾನ ಕಟ್ಟೆ ಪಿರ್ಕಾರೋ ತುಳುನಾಡ್‌ಡ್ ನಡತೊಂದು ಬರೊಡಾಯಿನ ಪದ್ಮಾಲ್‌ಟ್ಸ್ ಪದ್ಮಾಜಿ ಕಟ್ಟಲೆನ್ ಸಾರ್ದ್ ಪಂಡ್ಂಡ್. ನೆನ್ಸ್ ಕಲ್ಸ್‌ಡ್ ಬರೆಪದ್ ಪಂಚಲಿಂಗೇಶ್ವರನ ಅಂಗಡು ನಡವೊಡುಂದು ಅರಸುಗು ಅಪ್ಪಣೆ ಕೊರುಂಡು. ત્ર ಅಯಿಡ್ ಬೊಕ್ಕ "ಕಪ್ಪಲ್ಡ್ ಬತ್ತಿ ಸಾಮಾನ್ ಪೂರ ಭೂತಾಳ ಪಾಂಡ್ಯನ ಭಂಡಾರೊಗು ಸೇರೊಡು. ಬೇಲೆ ಬೆಂದ್‌ನ ನಾರಾಯಣಗ್ ಬೋಡಿತ್ತಿ ಸಂಪೊತ್ತು ಉಂಬೊಳಿ ಬುಡ್ಡು ಓಲೆಗೂಡು ಕುಲ್ಲವೊಡು. "ಇಂಚ ಅಪ್ಪಣೆ ಕೊರ್ದು ಮಯಿಸಂದಾಯೆ ಪೂಜಾರಿನ ಮೈಡ್ಸ್ ಬುಡ್ಡು ಪೋಯೆ. ಭೂತಾಳ ಪಾಂಡ್ಯರಾಯಗ್ ಜಯ್ ಆವಡ್ ಪನ್ನಿ ಸೊರೊ ಓಲೆಗೊಡ್ಡು ಪಿದಡ್ಸ್ ಮುಗಲ್‌ ಮುಟ್ಸ್‌ಂಡ್. ಭೂತಾಳ ಪಾಂಡ್ಯ ಭೂತೊ ಪಂಡಿಲೆಕನೆ ನಡತೊಂಡೆ, ಕಲ್ಪರವು ಬರೆಪದ್ ನಡ್ನಯೆ. ಅಳಿಯ ಸಂತಾನೊದ ಕಟ್ಟು ಕಟ್ಟಳೆನ್ ಊರಿಡಿಯ ಡಂಗುರ ಸಾರ್ ತೆರಿಪಯೆ, ತೆರಿನಾಕುಲೆನ್ ಬರ್ಪದ್ ಗ್ರಂಥ ಬರೆಪಯೆ. ಮಯಿಸಂದಾಯಗ್ ತಾನೊ ಕಟ್ಟದ್ ಧರ್ಮೊ ನೇಮ ಕೊರ್ಪೆಯೆ, ಊರುಡು ದೈವ ದೇವರ್ಲೆಗ್ ಗುಡಿ ಕಟ್ಟಯೆ. ಪೆರಿಯರಂತಡೆ ಕೋಟೆ ಕೊತ್ತಳ ಕಟ್ಟಯೆ, ಕೈತತ್ ಪೋಯಿನ ರಾಜ್ಯೋನು ಗೆಲ್‌ದ್ ಕೈತುಳಯಿ ಮತ್ತೊಂಡೆ. ಜನ ಸುಕೊ ಸಂತೋಸುಡು ಭೂತಾಳ ಪಾಂಡ್ಯನ್ ಪುಗರೊಂದಿತ್ತೆರ್. "ಇತ್ತೆ ಗೊತ್ತಾಂಡ್ ಎಂಕ್ ಭೂತಾಳ ಪಾಂಡ್ಯ ಪಂಡ ಏ‌ಂದ್" ಪಂಡೆ ಭಾಸ್ಕರೆ. "ಅಪಗ ಅಳಿಯಕಟ್ಸ್ ಆಯಡ್ಸ್ ಬೊಕ್ಕ ಉಂಡಾಂಡ್" ಪಂಡಲ್ ದೇವಕಿ, " ಅಂದ್ ಈಡೆಗ್ ಕತೆ ಮುಗಿಂಡ್" ಪಂಡೆರ್ ಅಜ್ಜೆರ್. ಜೋಕುಲು ಹಾಸಿಗೆಡ್ ಜೆತ್ತೊ, ಅವೆಕ್ ಕಣ್ಣು ಮುಚ್ಚಿಂಡಲಾ ಮಯಿಸಂದಾಯನೇ ತೋಜೊಂದಿತ್ತೆ. ಒಂತೆ ಪೊರ್ತಾನಗ ನಿದ್ರೆ ಬತ್ತ್ಂಡ್. 28
