ಲೆಪ್ಪವೊಂಡೆ. ತಮ್ಮಲೆಗ್ಲಾ ಅರಂತಡೆಡೇ ಉಪ್ರೊಡು ಪಂಡೆ. ಕೆಲವು ಸಮಯ ಆನಗ ಕಡಲ ಬರಿ ಕಾಪುದಕುಲು ಓಲೆಗೊಗು ಬತ್ತ್ದ್ ಬಂದರ್ಡ್ ಒಂಜಿ ಮಲ್ಲ ಕಪ್ಪಲ್ ಬತ್ತ್ದ್ ಉಂತುದುಂಡು ಪಂಡೆರ್. ಅನಿಗ್ ದೇವಪಾಂಡ್ಯನ ಕಪ್ಪಲ್ ಪೋದು ನಾಲ್ ವರ್ಸೊ ಆದಿತ್ತ್ಂಡ್, ತನ್ನನೇ ಕಪ್ಪಲ್ ಆದಿಪೊಡುಂದು ದೇವಪಾಂಡ್ಯನ್ ಅಂದಾಜಾಂಡ್. ದೇವಪಾಂಡೆ ಕಡಲ ಬರಿಕ್ ಪೋಯೆ, ಕಪ್ಪಲ್ಡ್ ಜತ್ತ್ದ್ ಬತ್ತಿನ ನಾರಾಯಣೆ "ಸಾವುಕಾರೆ ಎಂಕುಲು ಕುಂದೋದರನ ದಯೆಟ್ ಬತ್ತ್ ಎತ್ತುರ್ಯೊ" ಪಂಡ್ದ್ ಅರಾದ್ ಪತೊಂಡೆ, ದೇವಪಾಂಡೆ ನಾರಾಯಣನ್ ಅರಂತಡೆಗ್ ಲೆತೊನು ಪೋದು ಪಿದಯಿ ದೇಶ್ಗು ಬೋದು ಬತ್ತಿನ ಸುಕೋ ಕಷ್ಟೊನ್ ಕೇಂಡೆ, "ಕಪ್ಪಲ್ ಬಾರಕೂರು ಬುಡುದು ರತ್ನಗಿರಿಕ್ ಪೋಂಡು, ಅಲ್ಪ ಬೇರ ಮುಗಿ ಬೊಕ್ಕ ಅಲ್ಡ್ಸ್ ಕರಾಚಿಗ್ ಪೋಂಡು, ಅಲ್ಡ್ ಪಡ್ಡಯಿ ತಿರ್ಗ್ದ್ ಪೋನಗ ಬಿರುಗಾಳಿ ಬತ್ತ್ದ್ ದಿಸ್ಕ್ ತತ್ತ್ಂಡ್. ಮಯಿಸಂದಾಯನ್ ನೆನೆತೊಂದಾನಗ ಗಾಳಿ ತಗ್ಲೆಂಡ್, ಐಗುಪ್ತ ದೇಸೊಗು ಪೋಯ. ಅಲ್ಪಡ್ಸ್ ಕಪ್ಪಲ್ ದಿಂಜ ಪಚ್ಚೆಕಲ್ಸ್ ವಜ್ರ ವೈಡೂರ್ಯ, ಬೆಳ್ಳಿ ಬಂಗಾರ ಪಾದರಸೊ ಪತ್ತೊಂದು ಬತ್ತೊ' ಪಂಡ್ದ್ ನಾರಾಯಣೆ ಪಯಣದ ಕತೆ ಪಂಡೆ, ಮನದನಿ ಓಲೆಗೆ ಕೂಡ್ಲು ಕಪ್ಪಲ್ಲ ಸಾಮಾನ್ ಜಪ್ಪಾವುನೆಂದ್ ನಿಗಂಟಾಂಡ್. 3 ಮನದನಿ ಜಯ ಪಾಂಡ್ಯನ ಓಲೆಗೂ ನಡತ್ಂಡ್. ಮಂತ್ರಿ ಸಾಮಂತೆರ್ ಬೂಡು ಗುತ್ತುದಕುಲು ದೇವಪಾಂಡೆ, ನಾರಾಯಣೆ, ವೀರಪಾಂಡ್ಯ, ಸತ್ಯವತಿ ಮಾತೆಲ್ಲ ಓಲೆಗೊಡು ಕುಲೆರ್. ವಂದಿ ಮಾಗದರ್ ಸಂಪ್ರದಾಯ ಪಿರ್ಕಾರೊ ಪುಗರ್ತೆ ಪಂಡೆರ್. ಆತಾನಗ ಓಲೆಗ ಚಾವಡಿಡ್ ಕುಲ್ಲಿನ ದೈವೊದ ಪೂಜಾರಿಗ್ ಮಯಿಸಂದಾಯನ ವಸಯೊ ಆಂಡ್. ವಸಯೋ ಆದ್ ಇಂಚ ಅಪ್ಪಣೆ ಕೊರೆ. "ಯಾನ್ ಮಯಿಸಂದಾಯೆ, ಕುಂದೋದರೆ ಪಂಡಲಾ ಯಾನೆ. ಎನ್ನಾಡಾದೇ ಊರುಗು ಕುಂದಾಪುರ ಪತ್ನಿ ಪುದಾರಾಂಡ್ ಎನ್ನ ಭಕ್ತ ಜಯ ಪಾಂಡ್ಯ, ಆಯೆ ಭೂತೊದ ದಯೊಟು ಅರಸು ಆಯೆ. 27
