"ಇಂಚ ಜಯಪಾಂಡ್ಯ ಬದ್ದ್ ಒರಿಯೆ, ಕಪ್ಪಲ್ ನೀರ್‌ಗ್ ಜತ್ತ್ಂಡ್, ದೇವ ಪಾಂಡ್ಯನ ಸಾಧನೆ ಸಾರ್ಥಕ ಅಂಡ್" ಪಂಡ್‌ದ್ ಅಜ್ಜೆರ್ ಕತೆ ಉಂತಯೆ, "ಜಯನ ಅಪ್ಪೆ ಅಮ್ಮಗ್ ಎತ್ ಸಂತೋಸು ಆಳ್ವಂದ್" ಪಂಡಲ್ ದೇವಕಿ, "ಆಯನ್ ಆಯನ ಇಲ್ಲಡೆ ಕಡಪುಡ್ಡೆರಾ?" ಭಾಸ್ಕರೆ ಕೇಂಡೆ. "ಜಯನ್ ಆಯನ ಇಲ್ಲಡೆ ದೇವಪಾಂಡ್ಯನೇ ಲೆತೊನು ಪೋಯೆ. ಅಪ್ಪೆ ಅಮ್ಮಗ್ ಬಾರಿ ಸಂತೋಸು ಅಂಡ್". ಅರ್ವದೆ ತಮ್ಮಲೆ ಒಟ್ಟಿಗೆನ್ ಉಪ್ಪಡ್, ಪಂಡೆರ್ ಆಯನ ಅಪ್ಪೆ ಅಮ್ಮ” ದೇವಪಾಂಡೆ ಪಿರ ಆಯನ್ ಲೆತೊನು ಬತ್ತ್ದ್ ಬರವು ಸರವು ಕಲ್ಪಯೆ. "ಭೂತಾಳ ಪಾಂಡ್ಯ ದಾನೆ ನನಲಾ ಬತ್ತೀಜೆ?" ಭಾಸ್ಕರೇ ಕೇಂಡೆ. "ನಿಕ್ ದಾನೆ ಅಷ್ಟೇ ಅಂಗಲ್ಲು, ತರಿ ಇನಿ ಕತ್ತಲೆಗ್ ಪನ್ನೆ, ಇತ್ತೆ ಯಾವು ಪಂಡ್‌ದ್ ಅಜೇರ್‌ ಕತೆ ಉಂತಯೆರ್. ಅಳಿಯಕಟ್ಟೋದ ಕರ್ತು ಭೂತಾಳ ಪಾಂಡ್ಯ ಉನಸ್‌ ಆಯಿವೆಟ್ಟಿಗೆ ಪಿರ ಅಜ್ಜೆರ್ ಕತೆ ಪನಿಯರ ಅಟ್ಟಣೆ ಮಲ್ಲೆ, ಜೋಕುಲು ಸುತ್ತು ಕೂಡೋ, ಇನಿ ಅಪೆದಿಲ್ಲ ದರಗುಲಾ, ಜಗ್ಗಲಾ ಬತ್‌ರ್, ಅಜ್ಜೆರೆನ ಕತೆ ಸುರು ಆಂಡ್. ಆನಿ ಬಾರಕೂರುಡು ಬಾರಿ ಜನ ಸೇರ್ದ್‌ಂಡ್‌. ಊರುದ ಅರಸು ಸಿದ್ಧವರ್ಮೆ ತೀರ್ ಪೋತೆ. ಅರಸುಗು ಬಾಲೆಲು ಇಜ್ಜಿ, ಕುಟುಮೊ ಇಜ್ಜಿ, ಏರೆಗ್ ಪಟ್ಟ ಕಟ್ಟುನೆ ಪಂಡ್‌ದ್ ಓಲೆಗೊಡು ಚರ್ಚೆ ಅಂಡ್. ಮಂತ್ರಿ ಸುಶರ್ಮ ಒಂಜಿ ಆಲೋಚನೆ ಪಂಡೆ, ಊರುದ ಮಾತ ಜನೊಕುಲೆನ್ ಬರರೆ ಪನ್ನುನೆ. ಆನೆದ ಸೊಂಡಿಲ್ಲ ಪೂತ ಮಾಲೆ ಕೊರ್ದು ಬುಡುಪುನೆ. ಆನೆ ಏರೆಗ್ ಪೂತ ಮಾಲೆ ಪಾಡುಂಡೋ ಆಯನ್ ಪಟ್ಟದ ಮಣೆಟ್ ಕುಲ್ಲವುನೆ. ಆಯಿಕ್ ಮಾತೆಲ್ಲಿ ಒಪೈರ್, ಪಟ್ಟಾಭಿಷೇಕೊದ ದಿನ ನಿಗಂಟಾಂಡ್, ಊರಿಡಿಯ ಡಂಗುರೊ ಸಾರಯೆರ್. ಊರುಡೂರು ಜನ ನಿರೆಂಡ್. ಏರ್ ಅರಸು ಅಪೆರ್‌ಂದ್ ತೂಯರೆ ಮಾತೆರೆಗ್ಲಾ ಅಂಗಲ್ಲು. ದೇವಪಾಂಡೈ ಅರುವದೆ ಜಯನ್ ಲೆತೊಂದು ಸಭೆಕ್ ಪೋಯೆ, ರಡ್ ಜನೊಲಾ ಅಂಗಡೊಡು ಕುಲೈ, ಆನೆದ ಕೈಟ್ ಪೂತ ಮಾಲೆ ಕೊರ್ಯೆರ್, ಆನೆ ತಿರ್ಗ್ ತಿರ್ಗ್ ಜಯ ಪಾಂಡ್ಯ ಕುಲ್ಲಿನ ಸಾಲ್‌ಡೆ ಬತ್ತ್ಂಡ್. ಇಡೀ ಸಭೆಡ್ ಒಂಜೇ ಒಂಜಿ ಸೊರೊ ಪಿದಾಡುಜಿ, ಮಾತೆರ್ನ ದಿಟ್ಟಿಲಾ ಆನೆದ ಮಿತ್ತೆ, ಬತ್ತೆ ಬತ್ತದ್ ಆನೆ ಜಯನ ಕೈತಡೆ ಎತ್ಕಂಡ್ ಕುಲ್ಲೊಂದಿತ್ತಿನ ಜಯನ ಕೆಕ್ಕಿಲ್‌ಗ್ ಪೂತ ಮಾಲೆ ಪಾಡ್‌ಂಡ್. ಜಯ ಲಕ್ಕುದುಂತುದು ಸಭೆಕ್ ಕೈ ಮುಗಿಯೆ. ಮಂತ್ರಿನಕಲು ಬತ್ತದ್ ಜಯನ್ ಕೊಂಬು ವಾಲಗೊಡು ಲೆತೊನು ಪೋದು ಪಟ್ಟದ ಮಣೆಟ್ ಕುಲ್ಲಯೆರ್. ಪುರೋಹಿತೆ ಮಂತ್ರ ಪಂಡ್‌ದ್ ಅಭಿಷೇಕ ಮಲ್ಲೆರ್, "ಜಯಪಾಂಡ್ಯಗ್ ಜಯ ಆವಡ್" ಪಂಡ್‌ದ್ ಜನೊಕುಲು ಸಂತೋಸುದ ಕಣನೀ ಬುಡುಯೆ. ಜಯಪಾಂಡೆ ಬಾರಕೂರುದ ಗದ್ದಿಗೆ ಏರ್ಯೆ, ಅರಸು ಆಯೆ. ತನ್ನ ಅಪ್ಪೆ ಅಮ್ಮನ್ ಅರಂತಡೆಗ್ 26
