ತುಳುನಾಡ್ಡ್ ಬಂಜ ಶಿವದೇವಿ, ಬೇತೆ ದೇಶೂಲೆಡ್ ಪೂರಾ ದುಡ್ಡು ಗು ಬೋಡದ್ ನರಮಾನ್ಯನ್ ಮಾರುನಕುಲು ಉಲ್ಲೆರ್ಗೆ, ಆಂಡ ತುಳುನಾಡ್ಡ್ ಏರ್ ಮಾರರೆ ತಯಾರುಲ್ಲೆರ್ ಪನ್. ಈ ಒಂಜಿ ಮಲ್ಲ ಮನಸ್ ಮುಂದಾಂಡ ಎನ್ನ ಕಾರ್ಯೊಕೈಗೂಡುಂಡು" ಆಸೆದ ಕಣ್ಡ್ ಆಳೆನ್ ತೂಯೆ, b 10 ત્ર "ಯಾನ್ ಮನಸ್ ಮಲ್ಲೊಡೆ? ಎಂಕ್ ಅರ್ಥ ಆಪುಜಿ, ಎನನ್ ತರೆ ಕಡುವರೋ ದಾನೆ ? ಯಾನ್ ಎಂಚಲ ಪರಬು ಆತೆ, ಎನನೊಂಜಿ ಕೆರ್ಡ್ಂಡ ಕುಡ ಒಂಜಿ ಜವ್ವಂದಿ ಪೊಣ್ಣನ್ ಕನವೊಲಿಂದ್ ಈರೆನ ಆಲೋಚನೆ ಉಪೊಡು." ಸೊಜಿಗೊಡು ಕೇಂಡಲ್ "ನಿನನ್ ತರೆ ಕಡುನೆ ಅತ್ತೆ, ನಿಮ್ಮ ಏಳ್ ಜನೊ ಬಾಲೆಲು ಉಳ್ಳರತ್ತಾ, ಅವೆಟ್ ಒಂಜೆನ್ ಬಲಿ ಕೊರ್ಕಂದ್ ಎನ್ನ ಆಲೋಚನೆ". ದೇವಪಾಂಡ್ಯ ಮನಸ್ಗ್ ಧೈರ್ಯೊ ದೆತೊಂದು ಸರಿ ಬುಡದ್ ಪಂಡೆ. ನೆನ್ ಕೇಂಡ್ ಅಳೆಗ್ ಪಿಸ್ ಒರನೆ ನೆತ್ತಿಗೇಂಡ್, "ದಾನೆ ಪಂಡರ್, ಎನ್ನ ಬಾಲೆಲೆಡ್ ಒರನ್ ತರ ಕಡೊಡುಂದಾ ? ಕೊರಯೆ. ಎನ್ನ ಬಾಲೆಲೆನ್ ಯಾನ್ ಬುಡಯೆ. ಎಂಕ್ ಬಾಲೆಲು ದಾಲ ಎಚ್ಚಾತಿಜಿ. ಉಂದು ಪೂರ ಆ ನಾರಾಯಣನ ಮಸಲತಿಗೆ, ಆಯ ಬಾಲೆಲಿಜ್ಜಿ. ಆಯನ ಬೊಡೆದಿ ಸೀತಮ್ಮಗ್ ಏಪ ತೂಂಡಲ ಎನಡ ನಂಜಿ, ಕೋಡೆ ಈರೆನ್ ಲೆತೊನು ಪೋದು ತರೆ ನಿನ್ನೆ ದಿಂಜದಿಪೊಡು" ಪಟಪಟಾಂಡ್ ಒರೊನೆ ಬಾಯಿ ಬುಡ್ಕಲ್. "ಅಂಚ ಅತ್ತ್ ಶಿವಾ. ಒಂತೆ ಸರಿ ಕೆಬಿ ಕೊರ್ದು ಕೇನ್, ಕಪ್ಪಲ್ಗ್ ಬಲಿ ಕೊರ್ಜಿಂಡ ಲಕ್ಷಾಂತರ ಪಣವು ನಷ್ಟ ಆಪುಂಡು. ಈ ಸಂಪೊತ್ತು ಏರೆಗಿತ್ತಿನವು ಪನ್ ನಿನ್ನ ಜೋಕೆಗೇ ಇತ್ತಿನವು, ಒಂಜಿ ಮಗನ್ ಬಲಿ ಕೊರ್ದು ಕಪ್ಪಲ್ ಪರದೇಶೂಗು ಕಡಪುಡುಂಡ ಪತ್ತ್ ಪಾಲ್ ಲಾಭ ಬರ್ಪುಂಡು. ನಿನ್ನ ಅಜಿ ಜನ ಬಾಲೆಲು ಅಕುಲೆ ದುಂಬುದ ಸಂತಾನ ಪರಿಯಂತೊ ಸುಕೊಟ್ಟುಕ್ಕರೆ ಸಾದಿ ಆಪುಂಡು. ನಿನ್ನ ಜೋಕುಲು ಎಂಕ್ಲಾ ಜೋಕುಲೆ, ದುಂಬುದ ಸುಕೊತ ಆಲೋಚನೆಗಾದ್ ಇತ್ತೆ ಒಂತೆ ದುಕ್ಕೊ ಪಡೆವೊನೊಡಾಪುಂಡು. ಒಂಜಿ ಬಾಲೆನ್ ಕೊರು. ಒರಿನ ಆಜಿ ಜನ್ನು ತೂದು ಆಯನ್ ಮದಪು". ದೇವ ಪಾಂಡ್ಯನ ಪಾತೆರೊ ಕೇಂಡ್ದ್ ಶಿವದೇವಿ ಕೋಪೊಡು ರಕ್ಕಸಿನ ಒರು ಆಯಲ್, ಕಣ್ ಕೆಂಪು ಮಲ್ತ್ ದೊಂಡೆ ನರಿದ್ "ಕೊರಯೆ. ಯಾನ್ ತರೆಕಣ್ಮರೆ ಬಾಲೆನ್ ಕೊರಯೆ. ಎಂಕ್, ಎನ್ನ ಜೋಕುಲೆಗ್ ಈರೆನ ಆಸ್ತಿ ಬದ್ ಬೊಡ್ಡಿ, ಬದ್ದ್ ಒರಿಂಡ ಎಂಕುಲು ನಟ್ಸ್ದ್ ಬಂಜಿ ದಿಂಜವೊ, ಈರೆನ ಬದ್ ಬೂರಡ್, ಈರ್ ಆ ಜೋಕುಲೆಗ್ ಅಮ್ಮೆ ಅತ್ತ್. ಪುಟ್ಟಯಿ ಬಾಲೆಲೆನ್ ಕೆರರೆ ಪಿದಾಡ್ನ ರಕ್ಕಸೆ. ನನ ಒಂಜಿ ಗಳಿಗೆಲಾ ಯಾನ್ ಮೂಲು ಉಂತಯೆ. ಮೂಲು ಉಂತುಂಡ ಎನ್ನ ಜೋಕುಲೆನ ಜೂವೊಗು ಅಪಾಯೊ" ಪಂಡೊಲು. ಏಳ್ ಜೋಕುಲೆನ್ಹಾ ಪಿದಾಡ್ರುಡ್ಯಲ್, ತಾನ್ಲಾ ಸೀರೆ ರವಕೆ ಕುಂಟು ಗಂಟೆ ಮೂಟೆ ಕಟೊಂಡಲ್, ಜೋಕುಲೆನ್ ಒಲ್ಲೊಂದು ಇಲ್ಲೊ ಮೊಟ್ಟಿ ಕಲ್ ಜತ್ತೊಲು. "ಶಿವದೇವಿ ಉಂತು" ಪಂಡೆ ದೇವಪಾಂಡೆ, ಕಂಡನ್ಯನ ಲೆಪ್ಪುಗು ಕೆಬಿ ಕೊರಂದೆನೆ ಜಾಲ್ ಕಡಲ್, ಜೋಕುಲು ಒರ ಅಪ್ಪೆನ್ ಒರ ಅಮ್ಮನ್ ತೂಪೊ, ಬಲೆ ಜೋಕುಲೆ ನಿಕುಲು ಮೂಲು ಉಂತ್ಯರ್ಂಡ ನಿನ್ನೆ ಅಮ್ಮ ನಿಕ್ಷೆನ್ ಒರೊರನೇ ಕಪ್ಪಲ್ಗ್ ತರೆ ಕಡ್ ಸಂಪೊತ್ತು ದಿಂಜವೊನ್ನೆ. ಬದುನ ಆಸೆ ಇತ್ತ್ಂಡ ಬಲೆ ಎನ್ನೊಟ್ಟಿಗೆ" ಅಪ್ಪೆನ ಪಾತೆರೊ ಕೇಂಡ್ದಾನಗ ಜೋಕುಲೆಗ್ ಅಮ್ಮನ ಮೋನೆ ತೂಯರೆ ಪೋಡಿಗೆ ಆಂಡ್. ಸರಸರಾಂದ್ ಜೋಕುಲು ಅಪ್ಪೆನ ಪಿರಾವುಡೆನೆ ಬಲಿತ್ತೊ. "ಶಿವದೇವೀ ಎನ್ನ ಇಲ್ಲದ ಮೊಟ್ಟಿ ಕಲ್ ಜತ್ತ್ದ್ ಎನ್ನ ಪಾತೆರ ಮೀರ್ದ್ ಪೋಯ, ಜತ್ 3 3 ca 20
