ಬೋಡು ಬೋಡಿತ್ತಿನ ಸೇವೆ ಮಲ್ಪುವೆಂದ್ ಪರಕೆ ಪಂಡೊಂಡೆ. ಅಂಡಲಾ ಕಪ್ಪಲ್ ಮೆಲ್ಕುಜಿ. ದೇವಪಾಂಡ್ಯನ್ ಸಂಗತಿ ದಾದಂದ್ ತೆರಿಜಿ. ಆತ್ ಪೊರ್ತುಗು ಕಪ್ಪಲ್ುಳಯಿಡ್ ಮಲ್ಲ ಒಂಜಿ ಸೊರೆ ಕೇನುಂಡು, ಮಾತೆಲ್ಲ ಕೆಬಿ ಕೊರ್ದು ಕೇಂಡೆರ್. "ಯಾನ್ ಕುಂದೋದರೆ, ಕಪ್ಪಲ್ ಕಟ್ಟರೆ ಕಡ್ತಿ ಮರಟ್ ಯಾನ್ ಅವಾಸೊ ಆದಿತ್ತೆ. ಮರ ಕಡರೆ, ನೀಗ್ ಬುಡ್ಕರೆ ಎನಡ ಕೇಂಡಿಜರ್, ಅಂಚಾದ್ ಕಪ್ಪಲ್ಟನ್ ಯಾನ್ ಬುಡಯೆ, ಎಂಕ್ ಆವಾರೂ ಕೊರೊಡು. ಎರು, ಕುರಿ, ಕೋರಿ ಎಂಕ್ ಬೊಡ್ಡಿ. ಎಂಕ್ ನರ ಬಲಿ ಬೋಡು, ಯಾನ್ ಕಪ್ಪಲ್ ನೀರ್ಗ್ ಬುಡೊಡಾಂಡ ಎಂಕ್ ನರಬಲಿ ಕೊರೊಡು "ಇಂಚ ಮೂಜಿ ಮೂಜಿ ಸರ್ತಿ ಭೂತೊ ಸಾರ್ದ್ ಪಂಡ್ಂಡ್. 3 ಭೂತೊದ ಪಾತೆರೊ ಕೇಂಡಿ ಜನೊಕುಲು ಆಡೆಗೆ ಗೆಬ್ಬಯಿತ್ ಪೋಯೆರ್. ಸಾವುಕಾರಗ್ ತೆಡ್ ಹಾಕಿಲೆಕಾಂಡ್. ಆಡೆಗೆ ತರೆ ತಿರ್ಗ್ದ್ ಬರರೆ ತಯಾರ್ ಆಯೆ. ಆತಾನಗ ಬಾಕಿದಕುಲು ಪತೊಂಡೆರ್. ನಾರಾಯಣಗ್ ನಡ್ರೆ ಸುರುವಾಂಡ್, ಕಪ್ಪಲ್ ತೂಯರೆ ಬತ್ತಿ ಪಾವೊದ ಪೊಂಜೊವು ಆಂಜೊವು ನನ ಮೂಲು ಉಂತುಂಡ ಅಪಾಯೊಂದು ಎನ್ನಿಯೆರ್, ತನ್ನ ಜೋಕುಲೆನ್ ಒಂದು ಬಲಿಪೈರೆ ಅಂದಾಜಿ ಮಲ್ಲೆರ್, ಸಾವುಕಾರನ್ ಮೇನೆಡ್ ಕುಲ್ಲದ್ ಇಲ್ಲಡೆ ಕೊನೊಯೆರ್, ಅರಸು ಬಲ್ಲಾಳನಕುಲು ತರೆತಗ್ಗವೊಂದು ಅರಂತಡೆ ಬೂಡುದಂಚಿ ಪಿದಾಡ್ಯರ್, ಒಂಜರೆ ಗಳಿಗೆಡ್ ಕಡಲ ಬರಿ ಪೂರ ಖಾಲಿಯಾಂಡ್. ತರೆಕ್ ಕಯಿ ದೀದ್ ಎತೆಟ್ ಕುಲ್ಲಿನ ನಾರಾಯಣನ್ ಬುಡುಂಡ ಅವುಲು ನರಪುರಿ ತೋಜುಜಿ. "ಇನಿಕ್ ಯಾವು ಮಗ ಕತೆ, ನನ ಎಲ್ಲೆ ಪನ್ನೊ ಆವಂದ?" ಅಜ್ಜೆ ಭಾಸ್ಕರಡ ಕೇಂಡರ್, ಭಾಸ್ಕರೆ ಅಯಿಕ್ ಹೂಂಕುಟ್ಟೆ. ದೇವಪಾಂಡ್ಯ ಎತೆಟ್ ಬೂರೆ 0 ಆನಿ ರಾತ್ರೆ ಜೋಕುಲು ಬೇಗ ಉನಸ್ ಮಲ್ತ್ದ್ ಅಜ್ಜೆರೆಗ್ ಹಾಸಿಗೆ ಪಾಡ್ ಜೆಪ್ಯರೆ ಲೆತ್ತೆರ್, ಅಚ್ಚೆರ್, "ದಾನೆ ಮಗಾ ಇನಿ ಬಾರಿ ಅಮಸರ. ಯಾನೊಂಜಿ ಬಚ್ಚಿರೆ ತಿಂದೊ, ಅವಂದಾ?" ಪಂಡೆರ್, ಜೋಕುಲು ಕೂಡ್ಲೆ ಬಚ್ಚಿರೆ ಬಜ್ಜೆಯಿದ ಹರಿವಾಣ ನಾಥ್ ಕನತೆರ್, ಅಜ್ಜೆರೆಗ್ ಬಚ್ಚಿರೆ ಗುದ್ದುದು ಕೊರೆರ್. ಬಚ್ಚಿರೆ ತಿಂದ್ದ್ ಅಜ್ಜೆರ್ ಪಡ್ಯಗ್ ಉಬ್ಬಿದ್ ಬಾಯಿ ಮುಕ್ಕುಳಿತೆ. ಬೊಕ್ಕ ಬತ್ತ್ದ್ ಹಾಸಿಗೆಡ್ ಜೆತ್ತೆರ್, ಜೋಕುಲೆಗ್ ಕತೆ ಕೇನುನ ಉಮೇದ್, 'ದಾನೆ ಅಂಡ್ ಅಜ್ಜೆರೆ ದೇವ ಪಾಂಡ್ಯಗ್" ಕೇಂಡಲ್ ದೇವಕಿ, 15
