ದುಕ್ಕೊ ಒಂಜೆದ ಬೆರಿಕ್ ಕುಡ ಒಂಜಿ ತಾನೊಂದೆ ಉಪ್ಪುಂಡು ಪನ್ನಿನ ಸುಳ್ಳತ್. ವೀರ ಪಾಂಡ್ಯನ ಬದ್ಕ್ ಏರ್ತೆ ಮುಗಿಂಡೋಂದು ಪನ್ನಿ ಲೆಕ ಒಂಜಿ ಅನಿಷ್ಟ ಸೂಚನೆ ತೋಜಿಂಡ್. ಇತ್ತಿತ್ತಿಲೆಕನೇ ಮಂತ್ರಿ ಸುಬುದ್ದಿ ತೀರ್ ಪೋಯೆ, ಸುಬುದ್ದಿನ ಮರಣೋ ಅರಸುಗು ಗ್ರಾಣ್ಪತ್ತಿಲೆಕ ಅಂಡ್. ಸುಬುದ್ದಿ ದುಂಬಾಲೋಚನೆದ ಬುದ್ಧಿವಂತಿಕೆದಾಯೆ, ಕುಡ ಒರನ್ ಆ ಜಾಗೆಡ್ ಕುಲ್ಲಯರೆಗ್ ಅರಸುಗು ಏಲ್ಲಾ ತೋಜಿಜೆರ್. ಅರಸು ದುಃಕೊದ ಕಡಲ್ಡ್ ಮುರ್ಕೈ. ಪಗೆ ಮಾನೆ ಎದ್ರಾಳಿ ಬಂಬಡುಪ್ಪುನಗನೇ ಕಾಳಗೊ ಕೊರ್ಪುನಿ. ಉಂದು ಒಂಜಿ ಸೋಪವುನ ತಂತ್ರೋ. ಎಡ್ಡೆ ಕೆಲಸೊನು ಪುಗರುನಕುಲು ಒಂತೆ ಜನ. ಆಂಡ ಮಚ್ಚರೊಡು ಕಣ್ಣುರಿ ಪಡೆವುನಕುಲು ದಿಂಜ ಜನ. ಅಂಚ ಕಾತೊಂದಿತ್ತಿ ನಿರೆತ ಅರಸು ಚಂದ್ರಾಂಗದೆ ವೀರಪಾಂಡ್ಯನ ರಾಜ್ಯದ ಮಿತ್ ಆಕ್ರಮಣ ಮತ್ತೆ, ವೀರ ಪಾಂಡ್ಯ ಕಬಿದ್ ದುಕ್ಕೊನು ಕುಡು ರಟ್ಟಯೆ, ಕತ್ತಿ ಪತ್ತ್ ಲಡಾಯಿಗ್ ಪಿದಾಡ್ಯ, ಚಂದ್ರಾಂಗದನ ದಂಡ್ ವೀರ ಪಾಂಡ್ಯನ ದಂಡ್ದೆದುರು ಸೋತುದು ಪಿರ ಜಾರ್ಂಡ್. ಚಂದ್ರಾಗದೆ ಪೋಡಿದ್ ಬಲಿತ್ತೆ. ಉಂದುವೆ ಪೊರ್ತುಗು ಮೂಡಯಿ ಗಟ್ಟದ ಮಿತ್ತ್ ಒಂಜಿ ಲಡಾಯಿ ಸುರು ಆಂಡ್, ಆ ಲಡಾಯಿಗ್ ದಂಡ್ ಕಡಪುಡ್ಡು ಕೊರೊಡುಂದು ದೇವಪಾಂಡ್ಯಗೊಂಜಿ ಓಲೆ ಬತ್ತ್ಂಡ್. ಇಸ್ಟನ ಇಸ್ಟಾರ್ಕೊ ಈಡೇರವುನ ಧರ್ಮೊ. ಅರಸುಗಟ್ಟದ ಮಿತ್ತ್ ತನ್ನ ದಂಡ್ ಕಡಪುಡ್ಡು ಕೊರೆ. ه ಈ ಪೊರ್ತು ತೂದು ಚಂದ್ರಾಂಗದೆ ಕುಡ ವೀರಪಾಂಡ್ಯನ ರಾಜ್ಯದ ಮಿತ್ತ್ ಆಕ್ರಮಣ ಮತ್ತೆ, ಈ ಸರ್ತಿ ದಂಡ್ದ ಬಲೂ ಕಡಮೆ ಆಯಿನೆದ್ದಾವರೊ ವೀರಪಾಂಡೈ ಸೋಪೊಡಾದ್ ಬತ್ತ್ಂಡ್. ಉಪಾಯೊ ಇದ್ಯಂದ ಅರಂತಡೆದ ಅಧಿಕಾರೊ ಚಂದ್ರಾಂಗದ ಬುಡ್ಡು ಕೊರೆ, ಬೊಡೆದಿ ಬಾಲೆನ್ ಲೆತೊಂದು ಪಿದಾಡ್ಯ, ನೆನ್ ತೂದು ಜನೊಕುಲು ಮು ದೀದ್ ಬುಲಿತೆರ್. ಆಂಡ ವೀರ ಪಾಂಡ್ಯ ಸೋಲು ಗೇಲ್ನ್ ಸಮಾನೊಂದು ತೆರೆಯೊನುನಾಯೆ, ಬುಲಿಪುನಕುಲೆನ್ ಸಮದಾನೊ ಮಲ್ತ್ದ್ ಊರು ಬುಡುದು ಪೋಯೆ. ದೂರೊದ ಒಂಜಿ ಊರುದ ಅರಸು ವೀರಪಾಂಡ್ಯನ ದುಕ್ಕೊದ ಸ್ಥಿತಿನ್ ತೂದು ಆಸರೆ ಕೊರೆ, ತನ್ನ ರಾಜ್ಯೋಡು ಒಂಜಿ ಗ್ರಾಮೊ ಬುಡುದು ಕೊರ್ದು ಸುಖೋಟುಪ್ಪುಲ ಪಂಡೆ, "ಇನಿಕ್ ಕತೆ ಯಾವು. ರಾತ್ರಿ ಸುಮಾರಾಂಡ್ ನನ ನಿದೆರ್ಗ" ಪಂಡೆರ್ ಅಜ್ಜೆರ್, ಭಾಸ್ಕರಗ್ಲಾ ಕಣ್ ಬುಡಿಯೆರೆ ಬಂಜಿ ಅಪೆದ್ಂಡ್. ದೇವಕಿಗ್ ಒಂಜಿ ನಿದ್ರೆ ಆದಿತ್ತ್ಂಡ್, 'ಆಂಡ್ ಅಚ್ಚೆರೆ ನಿದ್ದೆರ್ಗ" ಪಂಡ್ದ್ ಪುದಪು ಒಮ್ಮೊಂಡಲ್ ದೇವ ಪಾಂಡೈ ಕಪ್ಪಲ್ ಕಟ್ಟಯ ರಾತ್ರೆದ ಪೊರ್ತುಗು ಉನಸ್ ಆಯಿ ಬೊಕ್ಕ ಅಜ್ಜೆರ್ ಪಿರ ಕತೆ ಮುಂದುವರಿಸಯೆರ್. ಭಾಸ್ಕರ ದೇವಕಿ ಅಂಚಿ ಇಂಚಿಡ್ ಜೆತ್ತ್ದ್ ಕತೆ ಕೇನ್ಯರೆ ತಯಾರಾಯೆರ್. ಸಾವುಕಾರ ದೇವಪಾಂಡ್ಯನ ಸಂಪೊತ್ತು ಎಷ್ಟೊಂದೇ ಪೋಂಡು, ದೇವ ಪಾಂಡ್ಯನ ಪ್ರಾಣ 12
