ಅಧ್ಯಕ್ಷೆರೆನ ಮದಿಪು شم ತುಳುನಾಡ್ಡ್ ಪ್ರಾಕ್ಡ್ದಿಂಚಿ ನಮ್ಮ ಹಿರಿಯಾಕುಲು ಪಂಡೊಂದು ಬತ್ತಿಂಚೆ ಅಜ್ಜಿ ಕತೆಕುಲು, ಪಾಡ್ಡನದ ಕತೆಕುಲು ಒಂಜಿ ಕಾಲೊಡು ನಮ್ಮ ತುಳುವೆರೆಗ್ ಅಕ್ಲ್ನ ಚರಿತ್ರೆನ್ ತೆರಿಪಾಯಿನ ಕಾಯಿನ ವಿದ್ಯಲು, ಕೋಟಿ ಚೆನ್ನಯೆರ್, ಸಿರಿ, ಅಬ್ಬಗೆ ದಾರಗೆ, ದೇವು ಪೂಂಜೆ, ಅಗೋಳಿ ಮಂಜಣೆ, ಪುಳ್ಳೂರು ಬಾಚೆ, ಪರತಿ ಮಂಗಣೆ ಇಂಚ ಏತೇತೋ ಆಂಜೊವು ಪೊಂಜೊವೆಲೆನ ಪುದರ್ಲೆನ್ ಕತೆಕ್ಲೆನ್ ನಮ್ಮ ಹಿರಿಯಾಕುಲು ಕೇಂಡೂಂದು ಕಲ್ಲೊಂದು ಮಲ್ಲೇ ಆತ. ಒಂಜಿ ಕಾಲದ ಅಜ್ಜಿ ಅಜ್ಜೆರಕುಲು ಪುಳ್ಳಲ್ಲಗ್ ಪನೊಂದಿತ್ತಿನ ಕತೆಕ್ಸೆಡ್ ಕುಸಾಲ್ ಇತ್ತ್ಂಡ್, ಕುಸೆಲ್ ಇತ್ತ್ಂಡ್, ಕನಕಟ್ಟುನ, ಗೇನ ಪುಟ್ಟಾವುನ ಶಕ್ತಿ ಇತ್ತ್ಂಡ್, ತೆಲ್ ತೆಲ್ತ್ದ್ ಬಂಜಿ ಉರ್ಕಾವುನ ಉಲ್ಲಾಸ ಇಡ್ಕೊಂಡ್, ಇಂಚ ತೆಲಿಪುನ ಯೋಚನೆ ಮಲ್ಪುನ ಪೊಸ ಲೋಕೊಗು ಪೋಪುನ, ಪೊಸ ಸಾದಿ ಪತ್ತುನ, ಪೊಸ ವಿದ್ಯೆನ್ ತುಳುವೆರ್ ಕಲ್ತ್ದ್ ಅಕ್ಷನ ಅಜ್ಜಿ ಕತೆಕ್ಸೆಡ್ ಇಂಚಿತ್ತಿ ಅಜ್ಜಿ ಕತೆಕ್ಕೆ, ಪಾಡ್ಡನದ ಕತೆ ರುಚಿನ್ ನಮ್ಮ ಪೊಸ ಕಾಲದ ತುಳುವ ಜೋಕ್ಸೆಗ್ ಪುಟ್ಟವೊಡು ಪನ್ನಿ ಆಸೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದವು. ಅಂಚಾದ್ ಈ 20 ತುಳು ಕತೆ ಬೂಕುಲೆನ್ ತುಳು ಸಾಹಿತಿಲೆಡ ಬರೆಪಾದ್ ಕತೆಕ್ಲೆಗ್ ಬೋಡಾಪಿನ ಚಿತೊಲೆನ್ ಸೇರಾದ್ ಬೂಕುಲೆ ಮೋನೆಲೆಗ್ ರಂಗ್ ಪಾಡ್ವಾದ್ ತುಳು ಜೋಕುಲೆ ಮಟ್ಟೆಲ್ಗ್ ಪಾಡೊಂದುಂಡು. ತುಳು ಸಾಹಿತ್ಯ ಅಕಾಡೆಮಿ 1994 ಈ ಕತೆ ಬೂಕುಲೆನ್ ಬರೆಪವುನ ಯೋಚನೆ ಮಲ್ತ್ದ್ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ದೊಟ್ಟಿಗೆ ಸೇರ್ದ್ ಅಚ್ಚಿ ಮಲ್ಪುನ ಯೋಜನೆ ಇತ್ತ್ಂಡ್, 20 ಜನ ಸಾಹಿತಿಕುಲು ಅಕಾಡೆಮಿಡ್ ಸೇರ್ ಚರ್ಚೆ ಮಲ್ತ್ದ್ ಈ ಬೂಕುಲೆನ್ ಬರೆದ್ ಕೊರೆರ್. ಬೇತೆ ಬೇತೆ ಕಲಾವಿದೆರಕುಲು ಈ ಬೂಕುಲ್ನ ಮೋನೆದ ಚಿತ್ರೋಲೆನ್ನ ಉಳಯಿದ ಚಿತ್ತೊಲೆನ ಬರೆದ್ ಕೊರೆರ್, ಆಂಡ 1995ಟ್ಸ್ ತುಳು ಸಾಹಿತ್ಯ ಅಕಾಡೆಮಿ ಅಸ್ತಿತ್ತೊಡು ಇಜ್ಜಂದಿನೆದ್ದಾಾ, 1996ಟ್ಸ್ ಅಕಾಡೆಮಿಗ್ ಪೊಸ ಜುವ ಕೊರ್ನಗ ಜಿಲ್ಲಾ ಪಂಚಾಯತ್ ಯೋಜನೆ ಉಂತುದು ಪೋಯಿನೆಡ್ಡಾದ್ರಾ ಬೊಕ್ಕ ಅಕಾಡೆಮಿದ ಪಣವುದ ತಾಪತ್ರಯೊಲೆಡ್ಡಾದಾ ಈ 20 ಬೂಕುಲೆನ್ ಅಚ್ಚಿ ಮಲ್ಪುನ ಕೆಲಸೊ ದುಂಬು ದುಂಬೇ ಪೋಂಡು. ಆಂಡ ಇತ್ತೆ ಎಂಚಲಾ ಮನಸ್ ಮಲ್ತ್ದ್ ಈ ಎಡ್ಡೆ ಕೆಲಸೂನು ಕೋಡಿ ಎತ್ತವೊಡುಂದು ತುಳು ಸಾಹಿತ್ಯ ಅಕಾಡೆಮಿ ಈ 20 ಬೂಕುಲೆನ್ ಅಚ್ಚಿ ಮಲ್ಲೊಂದುಂಡು. ಈ ಬೂಕುಲೆನ್ ಬರೆದ್ ಕೊರುನ ಮಾತ ತುಳು ಸಾಹಿತಿಲೆನ್ಹಾ, ಅವೆಕ್ಟ್ ಚಿತ್ರ ಬರೆದ್ ಕೊರಿ ಕಲಾವಿದರೆಲ್ಲಾ ಅಕಾಡೆಮಿ ಮೋಕೆಡ್ ನೆನೆತೊಂದುಂಡು, ಉಂದೆಟ್ ಬಾಲ್ ಕತೆ ಬೂಕುನು ಪೊರ್ಲುಡು ಮೊಡೆದ್ ಕೊರಿನ ಕ್ಯಾಥರಿನ್ ರಾಡ್ರಿಗಸ್ ಮೆರೆಗ್ ಅಕಾಡೆಮಿದ ಪುದರ್ಡ್ ಸೊಲೆ ಸಂದಾವೊಂದುಲ್ಲ. ಈ ಬೂಕುಗು ಅಕ್ಷರ ಜೋಡಣೆ ಮಲ್ತ್ ಕೊರಿನ ಆಕೃತಿ ಕಂಪ್ಯೂಟರ್ಸ್ ಕಲ್ಲೂರು ನಾಗೇಶ್ ಬೊಕ್ಕ ನಳಿನಿ ಸುವರ್ಣ ಮೊಕ್ಷೆಗ್ಲಾ, ಕಡಮೆ ಕಾಲೊಡು ಪೊರ್ಲು ಪೊಲಿಗೆಡ್ ಅಚ್ಚಿ ಮಲ್ತ್ ಕೊರಿನ ಪ್ರಕಾಶ್ ಆಫ್ಸೆಟ್ ಬೈಕಂಪಾಡಿ ಇಂದ ದನಿ ಕೆ.ಎಂ. ಶಂಕರ ಪ್ರಭು, ಬೊಕ್ಕ ಬಳಗೊದಕುಲೆನ ಸಹಾಯೊನು ಅಕಾಡೆಮಿ ಏಪಲಾ ನನನುಂಡು. ಮಂಗಳೂರು 20.5.1998 ಪ್ರೊ. ಬಿ.ಎ. ವಿವೇಕ ರೈ
