ಪೋಯಿನಿ ಇತ್ತೆ ಎಂಕ್ಲಗ್.. ನಿನ್ನು ಒಂಜಾದ್ ಪಾಶಾಣ ಪಾಡ್ಸ್ ಅಲೆನ್ ಕೆರಿಯರ್, ತೂಲೆ ಆಲ್ ಕರಿಯ ನುರ ಕಾಲು, ಬೊಲ್ಯ ನುರ ರುಂಬುದೊಲು. ಮೆಷ್ಯನ ಪಾತೆರ ತಗೆಯಾಡ್ಡೆಗ್ಲಾ ಸಹಿಸುಜಿ, ಅಕ್ಕು ಆಯನ್ ಸಮಧಾನ ಮಲ್ ಗೂರಿನ ಕಾಟದಡಗ್ ಪುಣೆನು ತುಂಬೊಂದು ಪೋಪೆರ್. ಬಾವೆರೇ... ನಮ್ಮವು ಅತ್... ಅಯಿಕಾದ್ ಸಂದುನವು ಸಂದಾವೋಡೇ ಅತ್ತಾ? ಇನಿಕ್ ಮರ್ದಲಂದ ಬೂಡುದ ಸಂತೇಶಿಗ್ ಅಲಿಯಾಂಡ್, ಬುಲಿತೊಂದು ಬುಲಿತೊಂದೇ ಕಾಟೊಗು ಈ ಕೋಸ್ಪೆರ್. ನಡು ಮುಜ್ಜಿಡ್, ಮಸಣೆಗು ಮಾರ್ತಾ ಬೆರಿ ಪಾಡೊಂದು ಪೋಪೆರ್. ಬನ್ನಾರ್ ಬುಡೆದಿನೊಟ್ಟುಗೇ ಬೂರು ಸೈಪೆ ಪನ್ಸರ್, ಹಠ ಕಟ್ಟವೆರ್. ಒರಿ ಪೊಣ್ಣನ್ ಬುಡುದು ಬರುಜಿ ಪಂಡ್ದ್ ಅವುಲೇ ಕುಲ್ಲುವೆರ್.
ಇಂಚನೇ ಏಲ್ ಇರ್ ಎಡ್ಜ್ ಪಗೆಲ್ ಕರಿಯನಗ ಅಲ್ಪ ಮಿತ್ತ ಮಿರಿ ಲೋಕೊಡು ಊರು ಸಂಚಾರ ಪಿದಾಡ್ಡಿನ ನಾರಾಯಣ ದೇವೆರೆನ ಬೆರಿಯೆನೇ ತಾಯ್ತಾ ಬರೆ ಪಂಡ್ದ್ ಹಠ ಕಷ್ಟೊಂದು ಅರೆನ ಬಾರಿಲಾ ಪಿದಾಡುವ, ಬನ್ನಗನೇ ನಾರಾಯಣ ದೇವೆರ್, 'ನಿಕ್ಸೆಗ್ ಪೊಂಜೊವೆಗ್ ತೂಯಿನವು ತೂಯಿನಂಚ ಅತ್ತ್, ಕೇನ್ನಿನವು ಕೇನ್ನಿನಂಚ ಅತ್ತ್. ಬರಡ' ಪನ್ನಗಲಾ ಈ ಸರಿ ನರಮಾನ್ಯನ ದುಃಖ ದುಮ್ಮಾನ ತೂವೊಡೇ ಪಂಡ್ದ್ ಬೆರಿ ಪತ್ತೊಂದು ಬತ್ತೆರ್. ಇಂಚ ಒರುನು ಬೆನ್ನಿದನಂಚ ಮಲ್ಲೊಂದು ಬನ್ನಗ ಅರುನ ತೂ, ಆಯಿಟ್ ತೋಜುನ ತರೆ ಸೂಡೆ, ದೂರೊಡು ಮಣ್ಣುನ ಕಣ್ಣಿಲೆನ್ ತೂದು ಭಾರೀ ಹಠ ಕಟ್ಟಿದ್ ಅವೈನ್ ಕೇನುವೆರ್. ಅಪಗ 'ನಿಕ್ಸ್ ಬನ್ನಗನೇ ಸಾರಿ ಸಾರಿದ್ ಪಂಡೆ. ಈ ತೂಯಿನನ್ನೇನ್ ತೂವಂದಿನಂಚ ಮಲ್ಕು, ಕೇನವೈನ್ ಕೇನಂದಿನಂಚ ಮಲ್ಕು ಪಂಡ್ದ್ ಇತ್ತೆ. ಆ 20
