ಎನ್ನ ಪಚ್ಚಡೆ ಚಂಡಿ ಆಂಡ್, ನಿನನ್ ಇಂಚನೇ ಕಡೆಪುಡುಂಡ ನಿನ್ನ ತಗೆಯಾಡು ದಾನೆ ಪನುವೆರ್' 'ಇಜ್ಜಿ... ಎಂಕ್ ಪೋವೊಡೇ.. ಎಂಕ್ ಒರೊಗು ಕಡಪುಡುದು ಕೊರೆ' 'ಸರಿ... ನಿನನ್ ತೂವನಗ ಎನ್ನ ಉಡಲ್ ಕೇನುಜಿ. ಪೋ... ಈ ನಿನ್ನ ಆಯಿತ ಸಿಂಗಾರೊನು ಮಲ್ಬುಲಾ, ಯಾನ್ ದಂಡೆದ ಬೋವಿನನ್ ಲೆತ್ತ್ದ್ ಕಿನ್ಯ ದಂಡನ್, ಪಿದಾಯಿ ದೀದ್ ಅಯಿತ ಸಿಂಗಾರ ಮರೆಗ್ ಪನ್ಸೆ' ಬನ್ನಾರ್ ಬೋವಿಲೆಡ ಸಾದಿದ ಅಂತ್ ಗುಂತು ಪಂಡ್ದ್ ಬೇಗ ಪಿರ ಬಗ್ ಪಂಡ್ದ್ ಬಾಲೆನ್ ಕಡಪುಡುದು ಕೊರೆರ್,
ಮರ್ಮಲ್ ಕುಲ್ಲುದಿನ ದಂಡೆ ತೊಡಮೆ ಕಡಪನಗ ಮಾಮಿನ ಶೀಂತ್ರಿದ ಗೊಬ್ಬು ಸುರು ಆಂಡ್. ಪೊಣ್ಣುಲೆಗ್ ಕಡಪುಡುದು ಕೊರಿನ ಓಲೆದ ಸಂಗತಿ ಎದುರಾವೆರೆಗ್ ಸುರು ಆಪುಂಡು. ಬನ್ನಾಲ್ ಕುಲ್ಲು ದಿನ ದಂಡೆ ಮಲ್ಲ ಮೈತಿದ್ದಿ ಇತ್ತಿನ ಊರುಗು ಬನ್ನಗ ಮೈತಿದ್ರಿ.... ಗಿಂಡೆಡೊಂಜಿ ಪೇರ್ನ್ ಪತ್ತೊಂದು ತಾದಿಗ್ ಅಡ್ಡ ಉಂತುದೊಲು, ಭಾರೀ ಮೋಕೆಡ್ ಬಡವು ಬಾಜೆಲುನು ಕೇನುವೋಲು. 'ಎನ್ನ ಇಲ್ಲಾಡೆ ಬರಂದೆ ಈ ಸಾದಿಡೆನೇ ಪೋಪುನ್ನಾ? ಮೈತಿದಿ ಪನ್ನಿನ ಬಾಮೆಲಾ ಮದತ್ತನಾ, ಆವಡ್ ಇಲ್ಲಾಗ್ ಬರುಜಾಂಡ ಮಲೆ ಇಜ್ಜಿ, ಒಂಜಿ ಗಿಂಡೆ ಪೇರ್ನ್ ಕನಬೈದೆ. ಅಷ್ಟೇನ್ ಆಂಡಾಲ ಪರ್' ಬಾರೀ ಕೊಂಡಾಟೊಡು ಪಲು. ಬನ್ನಾಲೆಗ್ ಬಂಜಿಗ್ ಬಡವು ಇಜ್ಜಿ, ದೊಂಡೆಗ್ ಅಸರ್ ಇಜ್ಜಿ. 'ಬೊಡ್ಡಿ ಮೈತಿದೆ... ಬಂಜಾರ ಉನ್ನಿನ ನನಲಾ ಕರಬ್ಜಿ, ನಿಲಿಕೆ ಇತ್ತಿನ ಬಂಜಿಗ್ ಪೇರ್ ದಾಯೆ?' 'ಅಯ್ಯೋ... ಫೇರ್ ಬಡವುಗು ಅತ್ತಪ್ಪ, ಅವು ಮೋಕೆಗ್ ಪರಿನ, ಬಂಜರ ಇತ್ತ್ಂಡ ದಾನೆ? ಪೇರ್ ಬೊಡ್ಡಿ ಪನೆರೆಗ್ ಬಲ್ಲಿ ಮಗಾ ದೆತೊನು, ತೂಲಾ ಅಪ್ಪೆ ಇಲ್ಲಾಡೆ ಪೋಪಿನಿ ಪಂಡ ಬಡವು ಬಾಜೆಲ್ ಮಾಜುಂಡು. ಮುತ್ತೈದೆ ಪೊಣ್ಣೆ ಬಜೀ ಆಡಿಗೆ ಪೋಂಡ 16
