ಪೋಯೆರೆಗ್! ನಿನ್ನ ಸಂತಾನ ಸಂತೇಶಿ ನಟ್ಟಿ ನೆರೆಗ್! ಎನನ್ ಕೆರೆಗ್ ತೂಪನ? ಹಾಳಾದ್ ಪೋಪ' ಮಾಮಿ ಊರೊರೊಮ್ಮೆ ಕೇನುನಂಚ ಶಾಪಿದ್ ಮುನ್ಯುವೆರ್, ಮರ್ಮಲ್ ಸೆರಂಗ್ ಕಣ್ಣನೀರ್ ಗಟ್ಟಿಯೊನುವೋಲು.
ಮಾಮಿ ಒಂಜಿ ಗುರೆ ನೀರ್ನ್ ಮೈತೊನುವೆರ್, ಬಂಜರ ಒಮ್ಮಿಯೇ ಉನ್ಸರ್, ಊರೊರ್ಮೆ ಸುದ್ದಿ ಕೂಡು ಪಾಡೆರೆಗ್ ಪೋಪೆರ್, ಬಾಲೆಗ್ ಪೊತ್ತು ನಡು ನೆತ್ತಿಗ್ ಬನ್ನಗ ಬಡವುದು ಕಣ್ಡ್ ಮೆನ್ಸುರಿ ರಟ್ಟುಂಡು. ಒಂಜೀತ್ ನುಪ್ಪುನು ಪಾಡ್ ಕುನಗ.... ಮಾಮಿನ ಸವಾರಿ ಬಡ್ಕೊಂಡೇ, ಮೂಲೆಡ್ ಮರ್ಮಲ್ ನುಪ್ಪು ಪಾಡ್ ಕುಲ್ಲು ದೋಲು. ತನಡ ಕೇನಂದ ಕರ ಕೈಲ್ ಮುಟ್ಟುನ? ಮಲ್ಲಾ ಮೋಸದಂಚ ತೋಜುಂಡು. 'ಓ ದೇವರೇ ಬತ್ತಿನ ಕಾಲನೇ? ಕಾಲ ಕೆಟ್ಡ್, ಅಬ್ಬಿದೆ ಎಂಕೆನ ಕಾಲೊಡು ಮಾಮಿಡ ಕೇನಂತೆ ಒಂಜಿ ಗಿಂಡೆ ನೀರ್ ಪಗ್ ಇತ್ತೀಜಿ, ಅಂಡಾ... ಇತ್ತೆ ಈ ! ಕಾಂಡೆನೇ ಬಂಜಿ ಬಿಚ್ಚಾವರೆನಾ ಪಿದಾಡ್ಡನೇ? ಉಲಾಯಿ ಇಲ್ಲಾಗ್ ತೆನ್ನಾಯಿ ಸಿರಿ ಪದ್ಮಲಿ ದೀಯನದೆ. 'ಅಂದ್ ಮಾಮೆ, ಒರುವರದ ಬೇರೆ ಆಂಡ್, ಬಡವುಡು ತಂಕ ತರ ಬೇಯೊಂದು ಇತ್ತ್ಂಡ್, ಅಯಿಕ್ ಒಂಜೀತ್ ನುಪ್ಪುನು ಪಾಡೊಂದು....' 'ಎಲಾ ಕತೆನೇ' ಮಾಮಿ ನಡುಟ್ಟೇ ಅರೆದ್ಯರ್, 'ಅತ್ತ್, ಪೂರು ಒಂಜೀತ್ ಬನ್ನಗ ಬಂಜಿಡ್ ತೂ ಲಂಡ? ಕೋಡೆ ಒರೆ ಅರಿ, ನಿನ್ನ ಬಂಜಿಡ್ ಮಡ್ಡಿದೀನ ಕರದ್ ಲಯ ಆಂಡಾ? ನಿನ್ನ ಬಂಜಿಗ್ ಪತ್ತ್ ಕೊರ್ಜಿ ಅರಿತ್ತ ಹುಟ್ಟೋಲಿ ಬೋಡಾವು ಮಾಮಿ ಚುಚ್ಚಿ ಚುಚ್ಚಿದ್ ಪಾತರಗ ಬನ್ನಾಲ್ ತರೆ ಕಂಕಣೆ ಪಾಡೊನುವೋಲು. 'ಅತ್ತದೇ' ಮಾಮಿನ ಕುಡ ಬರ ಸುರು ಆಪುಂಡು' ಮರ್ದಲಿನ್ನಾ ಬೂಡುದ ಸಂಪೊ ಎಂಕ್ ಬರ್ಪುಜಿಗೆ, ಆ ಏಲ್ವೆರ್ ನಿಕ್ ಬಂಜಿ ಬಿಚ್ಚಾವೆರೆಗೆ ಕಲ್ಲಾದಿನ? ಮಾಮಿನ ಪಾತೆರೊದ ಪಗರಿಗ್ ಪೋಡಿದ್ ಬಟ್ಟಲ್ಬಗ್ ಕೈಟ್ ಪತ್ತೊಂದು ಉಂತಿನಲೆನ ಬಟ್ಟಲ್ 13
