ಈ ಒರಿನೇ ಬುಡುದು ಪೋಂಡ ಎಂಚ? ಒರಿಯೇ ಅರಿದ ತಂಗಡಿ, ತಗೆಯಾಡ್ಡೆನ ಸಾಂಕಣೆದಾಲ್, ಅಂಚಿತ್ತಿನ ಪೊಣ್ಣನ್ ಎಂಚ ತೂವೊಡು ಗೊತ್ತುಂಡ? ಅಫ್ ಯಾನ್ ಪರಬು ಎನಡ ಆಲ್ ಪನ್ಮೂಲಾ? ಕೇನ್ಂಡ ಬಿಂದು ಬಿಜುರುಜೊಲು, ಈಯಾದೇ ಮಾನಾದ್ ಕೇನ್ ಪನುವೋಲು, ಅಪ್ಪೆನ ಪಾತೆರ ಕೇನ್ಸ್ ಮಗೆ ಬಂಜಾರ ತೆಲಿಪುವೆ. 'ಆತೆನ ಅಪ್ಪೆರೆ, ಆವಾಡ್...' ಮದ್ಮಲೆನ್ ಲೆಪ್ಪುವೆರ್, ಆಲ್ ಬತ್ತಿನೇ.... 'ಬನ್ನಾಲೋ... ನಿನ್ನ ಮಾಮಿನಾರೆ ಪಾತೆರೊನೊಂತೆ ಕೇನ್... ಯಾನ್ ನಿಕ್ ದಾದವು ಬೋಡು ಪಂಡ್ದ್ ಕೇನುಜಿಗೆ' ಕಂಡನ್ಯನ ಪಾತೆರೊಗು ಬನ್ಸಾಲ್ ನಾಣ್ದ್ ನಾಚಿದ 'ಮಾತೋಲ್ಲಾ ನಿಕುಲಾದೇ ಕೊರಗ... ಕೇನೆರೆಗ್ ದಾದ ಉಂಡು?' ಬಾರೀ.. ಮೆಲ್ನೋಡೇ ಪಲು. ಮರ್ಮಲೆನ್ ಮೊರು ಒರ ತೂದು ತೂಲದೆ ಅಪ್ಪೆ... ಎಂಕು ಇತ್ ಇಜ್ಜಿಂದ್ ನಿನನ್ ತೂಯಡಲಾ ಈ ಲೋಕದ ನಾಲಾಯಿಗ್ ಮನೆಯೆರೆಗ್ ಆಪುಂಡ ? ಎಲ್ಲ ಪುರೆ ಮಾಮಿ ಮೈತಿದೆ ಪೊಣ್ಣನ್ ಪರ್ದ್, ತೊಯ್ದ್ ದೀಪಾ.. ಪನ್ನಿನ ಮೊಟ್ಟ ಬರಿಯೆರೆಗ್ ಬಲ್ಲಿ. ತಗೆಯಾಡು ಅಂಗೈತ ಪುಡಿತಂಚ ತೂವೊಂದಿತ್ತೊ, ಮದಾನಿ ಸಾರಿ ಸಾರಿದ್ 'ಎಂಕೆನ ತಂಗಡಿಗ್ ಕಷ್ಟ, ಬೇನೆ, ಬೇಸರಾ ಸೋಂಕಣೆ ಇನಿ ಮುಟ್ಟಿ ಕೊರುಜ? ಅಲೆನ ಮನಸ್ಟ್ ಬೆಣ್ಣೆ, ಒಂಜೀತ್ ಬೆಚ್ಚ ಮುಟ್ಟುಂಡಲಾ ಕರಗು. ಈ ಎತೆ ಬುಡಿಯಡ ಅಕುಲು ಎನನ್ ಬಿಚ್ಚಾಕ್ ಪಾಡೆರೆಗ್ ಉಲ್ಲೆರ್' ಮಾಮಿನ ಪಾತೆರೊಗು ಬನ್ನಾಲ್ ಅಡ್ಡ ಕಣ್ಣಿಡೇ ಕಂಡನ್ಮನ್ ತೂವನಗ... 'ಅಪ್ಪೆರೇ... ಬನ್ನಾಲ್ ಗುಟ್ಟು ಬುಡ್ಡಿನ ಪೊಣ್ಣತ್, ಅಪತ್ಲಾ ತರೆ ಕೊರು ನಿಂಗುನ ಶಕ್ತಿ ಉಂಡು, ಬಾಲೆಡ ಎಡ್ರೈಡ್ ಏಲ್ ಭಾಗದಾತ್ಲಾ ಕಲ್ಪ ಕೋಮಾಟಿಗೆ ಇಷ್ಟೆ. ಪಲಿಕ್ ಉಂದು ಉರಿಯುನಡೆಗ್ ಉಪ್ಪು ದೀತಿನಂಚ ಆಪುಂಡು, ತನ್ನ ಬಿರ್ಸಾದಿಗೆ ತೋಜಾವೆರೆಗ್ ಬೆಣ್ಣೆ ಪೂಜಾವೊಲು, ಮೆಗ್ಗನ ಭಾಗ್ಯಗು ಕುಂದು ಬರಂದಿನಂಚ ದೈವ ದೇವರೆನೇ ಬೆರಿಸಾಯ ಲೆಪ್ಪುವೋಲು, 8 00
