ಈ ಪುಟೊದ ಪರಿಶೀಲನೆ ಆತ್ಂಡ್
ಸಿರಿ ಪುರಲ್
ಹರೀಶ ಶೆಟ್ಟಿಸೂಡ
ಭೂಮಿದ ಕತ್ತಲೆ ಮಾಜುನ ಬಾನೊದ
ಉಲ್ಲಯ ಬೊಳುಗು ಸೋಜಿಗನಾ...? || ಪ ||
ಗೊಲ್ಲೆರೆ ಗೊಲ್ಲನ ಪುರಲ್ದ ಉರಲ್ಗ್
ಎಚ್ಚರ ಆಂಡಿನಿ ಗೋಕುಲನಾ || ಅ.ಪ. ||
ನರಮಣೆ ಉಡಲ್ದ ಕತ್ತಲೆ ಮಾಜರೆ
ಬೊಲ್ಪ್ದ ಅಚ್ಚರ ದಿಂಜುನನ...
ನಿರೆಕರೆ ಬಿತ್ತ್ಲ್ ಕತ್ತಲೆ ಮಾಜರೆ
ಮೋಕೆದ ಪಾತೆರ ಬಿತ್ತ್ ನಗ || ೧ ||
ಪುರಲ್ದ ಸಬಿದನಿ ಕೇಂಡಿನ ಪೆತ್ತೊಳ್
ಕಡ್ಯೊದ ಪೇರ್ನೆ ಜಪುಡಯನ... !
ಅಲೆ ಪೇರ್ದ ಸುದೆ ಪರತ್ತ್ಂಡೆ ಭಾರತೊ
ಭೂಮಿಡೆ ಪೊರ್ಲುಡೆ ಒಂಜಿ ದಿನ || ೨ ||
ಸೀತೆಗ್ ಮಿತಿ ಆ ರಾಮಗ್ ಕೋಂಗಿನ್
ಕಟ್ಟುನ ನರಮಣಿ ದಿಂಜಿದಿನ
ಈ ಭಾರೊತ ಅಪ್ಪೆನ ಮಟ್ಟೆಲ್ ನೆತ್ತೆರ
ಓಕುಳಿ ಆಂಡಿನಿ ನಿತ್ಯನನ || ೩ |
ಇಲ್ಲಡ್ದಿಲ್ಲಗ್ ಸಾವಿರ ಜಾತಿ
ನರಮಣಿ ನಂತ್ಯೊಗ್ ಉಂದೊಂಜಿ ಭ್ರಾಂತಿ
ಒಂಜೇ ಬಿತ್ತಲ್ಡುಪ್ಪುನ ಪೂತೊ...
ಲೆಕ್ಕೊನೆ ಬದ್ಕ್ಗ ಮೂಳಿನಿ ಮಾಂತ || ೪ ||
ನೆಯಿ-ಪೇರ್ /81
