ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಬಂಗಾರ ಕಂಗಣ ಬಂಗಾರ ಕಂಗಣ ಈ ತುಳುನಾಡ್ ತೂಯೆರೆ ಸಾವಿರ ಕಣ್ಳೆ ಬೋಡು ಪೊರ್ಲುದ ತಮೆರಿ, ಭಾಗ್ಯದ ಬೂಡು ಬೀರೆರೆ ಬಿರ್ದ್ ತಂಕೊದ ನಾಡ್ ನಮ ತುಳುನಾಡ್ ಈ ಕರೆನಾಡ್ ॥ ೧ ಮೂಡಯಿ ಗಟ್ಟ ಪಡೆಯಿ ಕಡಲ್ ತಾರೆದ ಬಾರೆದ ಕಂಗ್ ನಿರೆಲ್ ಸಿಂಗರ ಕುರಲ್ ಕಲೆಕುಳೆ ಜಾಲ್ ಸತ್ಯದ ನೀತಿ ನಿಯತ್ತದೆ ತಿರ್ಳ ನಮ ತುಳುನಾಡ್ ಈ ಕರೆನಾಡ್ || ೨ ॥ ಕಂಡದ ಕಟು, ತಾರಿದ ಕುಬೆಟ್ ಸಾಗೊಳಿ ಪುಣಿದಾಂತಿ ಕಂಡೊದ ಮೆಯಿಟ್ ಬಗೆಬಗೆ ನಲಿಕೆ ಕಂಬುಳ ಕೋಲ ಗರೊಡಿದ ಸಾಧಕ ಆಟೊದ ಮೇಳ ನಮ ತುಳುನಾಡ್ ಈ ಕರೆನಾಡ್ ೩ || ಪೊಣ್ಣಾಳಿಕೆದ ಪೊರ್ಲುದ ಮಣ್ ಪುಣ್ಯದ ಪರಿಪು ಐಸ್ರ ಕಣ್ ಣ ರುಚಿ ರುಚಿಗೊಣಸ್ ಬಗೆಬಗೆ ತಿನಸ್ ಎಡ್ಡೆಪು ಮೋಕೆ, ಮಲ್ಲಿಗೆ ಮನಸ್ ನಮ ತುಳುನಾಡ್ ಈ ಕರೆನಾಡ್ || ೪ || • ಡಾ| ಅಮೃತ ಸೋಮೇಶ್ವರ ನೆಯಿ-ಪೇರ್ /78
